हॅमिल्टन अजिंक्य

यंदाच्या हंगामातला जबरदस्त फॉर्म कायम राखत लुईस हॅमिल्टनने ब्रिटिश ग्रां. प्रि. शर्यतीत अव्वल स्थान पटकावले.

यंदाच्या हंगामातला जबरदस्त फॉर्म कायम राखत लुईस हॅमिल्टनने ब्रिटिश ग्रां. प्रि. शर्यतीत अव्वल स्थान पटकावले. या शर्यतीचे हॅमिल्टनचे हे सलग दुसरे जेतेपद आहे. या विजयासह हॅमिल्टनने गुणतालिकेत संघसहकारी निको रोसबर्गला पिछाडीवर टाकत दमदार आघाडी घेतली आहे. तब्बल १ लाख चाळीस हजार चाहत्यांची उपस्थिती लाभलेल्या शर्यतीत हॅमिल्टनने १९४ गुणांसह अव्वल स्थान कायम राखले. सराव शर्यतीत हॅमिल्टनने पोल पोझिशन मिळवली होती. मात्र मुख्य शर्यत सुरू झाल्यानंतर अल्पावधीतच हॅमिल्टनने पोल पोझिशन गमावली. यंदाच्या हंगामातले हॅमिल्टनराज या शर्यतीद्वारे संपणार अशी शक्यता निर्माण झाली. मात्र हॅमिल्टनने व्यावसायिक खेळाचे सर्वोत्तम उदाहरण पेश करताना १०.९५६ सेकंदांच्या फरकाने बाजी मारली. हॅमिल्टनची घरच्या मैदानावरचे हे तिसरे, यंदाच्या वर्षांतले पाचवे तर कारकीर्दीतील ३८वे जेतेपद आहे. रोसबर्गने दुसरे तर वेटेलने तिसरे स्थान मिळवले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Hamilton win british grand prix race

ताज्या बातम्या