३० जुलै २०२०..! क्रिकेटर हार्दिक पंड्यानं हातावर काढला ‘नवा’ Tattoo; या तारखेमागचं रहस्य ऐकाल तर…

हा खास Tattoo पाहून तु्म्हीही हार्दिकला म्हणाल, ‘बाप’माणूस!

Hardik pandya gets his son agastyas DOB Inked on bicep
हार्दिक पंड्याचा नवा टॅट्टू

सध्या टीम इंडियाबाहेर असणारा अष्टपैलू क्रिकेटपटू हार्दिक पंड्याने मुलगा अगस्त्य संबंधित एक नवा टॅटू (tattoo) काढला आहे. त्याने एका इंस्टाग्राम पोस्टवरून ही माहिती दिली आहे. हार्दिकने आपल्या उजव्या हातावर हा टॅटू बनवला असूत यात त्याने आपल्या मुलाची जन्मतारीख ३० जुलै २०२० ही लिहिली आहे. यासोबतच या टॅटूमध्ये त्याने स्वतःचा आणि मुलाचा एक फोटोही काढला असून यात त्याने अगस्त्यचा हात पकडला आहे.

अलीकडेच हार्दिकने भारतीय निवड समितीला सांगितले होते, की त्याला पुढील मालिकेसाठी निवडू नये. हार्दिकला त्याच्या गोलंदाजीवर आणि त्याच्या फिटनेसवर लक्ष केंद्रित करायचे आहे. त्यानंतरच तो टीम इंडियात पुनरागमन करेल.

हेही वाचा – IND vs NZ : विराट बाद की नाबाद? पंचांच्या वादग्रस्त निर्णयावरून सोशल मीडियावर उठलं वादळ; इंग्लंडचा वॉन म्हणतो…

मुंबई इंडियन्सने आगामी आयपीएलसाठी चार खेळाडूंना कायम ठेवले, पण पंड्या बंधुंना वगळले. या चार खेळाडूंमध्ये रोहित शर्मा, जसप्रीत बुमराह, कायरन पोलार्ड आणि सूर्यकुमार यादव यांचा समावेश आहे. आयपीएल २०२२साठी मुंबई इंडियन्सला कायम न ठेवल्यानंतर हार्दिक पंड्याने इंस्टाग्रामवर एक भावनिक पोस्ट लिहिली. २०१५ मध्ये फ्रेंचायझीमध्ये सामील झाल्यानंतर हार्दिक पहिल्यांदाच मुंबई संघाबाहेर गेला आहे.

टी-२० विश्वचषकापूर्वी, आयपीएलमध्ये पंड्याच्या फिटनेसवर सतत लक्ष ठेवण्यात आले होते, परंतु स्पर्धेच्या दोन्ही टप्प्यांतील एकाही सामन्यात त्याने गोलंदाजी केली नाही. २०१९ मध्ये त्याने आयपीएलमध्ये शेवटची गोलंदाजी केली होती आणि तो २०२०चा हंगाम फलंदाज म्हणून खेळला होता. फिटनेसमुळे पांड्याला न्यूझीलंडविरुद्ध नुकत्याच झालेल्या तीन टी-२० मालिकेसाठी संघात निवडण्यात आले नाही आणि आता तो दक्षिण आफ्रिका दौऱ्याचाही भाग नसल्याचे समोर आले आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Hardik pandya gets his son agastyas dob inked on bicep ad

ताज्या बातम्या