हॉकी प्रशिक्षक बलदेव सिंग यांना ‘पद्मश्री’ पुरस्कार

१९९३ मध्ये त्यांनी पुन्हा गावात येऊन तेथील ‘शाहाबाद हॉकी नर्सरी’ला देशातील सर्वोत्कृष्ट हॉकी प्रतिभा निर्माण करणारे केंद्र बनवले, असे अधिकार्यांनी सांगितले. बलदेव यांनी ८० हून अधिक आंतरराष्ट्रीय खेळाडूंना आणि आठ भारतीय कर्णधारांना प्रशिक्षण दिले आहे. त्यांनी १९९३ मध्ये कनिष्ठ पुरुष संघाचे मुख्य प्रशिक्षक आणि निवडकर्ते म्हणून काम केले.

१९९६ मध्ये मद्रास येथे झालेली चॅम्पियन्स करंडक जिंकणार्या भारतीय संघाचे ते साहाय्यक प्रशिक्षक होते. नंतर त्यांनी २००१ ते २००४ या कालावधीत भारतीय पुरुष संघाचे प्रशिक्षकपद भूषवले. त्यांच्या मार्गदर्शनाखाली भारताने २००४च्या आशिया चषकात सुवर्णपदक जिंकले. चार दशकांहून अधिक काळ बलदेव यांनी भारतीय हॉकीसाठी महत्त्वपूर्ण योगदान दिले आहे.

त्यांनी श्री गुरू ग्रंथ साहिब जागतिक विद्यापीठ, फतेहगड साहिब, खालसा महाविद्याकय, अमृतसर येथे हॉकी प्रशिक्षक म्हणून काम केले. २०२० टोक्यो, २०२४ पॅरिस आणि २०२८ लॉस एंजलिस ऑलिम्पिकसाठी केंद्र सरकारने स्थापन केलेल्या ऑलिम्पिक टास्क फोर्सचे मुख्य सदस्य म्हणूनही त्यांनी योगदान दिले आहे.