पाकिस्तानला सेमीफायनल गाठण्यासाठी कसं आहे समीकरण? इंग्लंडच्या विजयामुळे बदललं गणित; तर न्यूझीलंडचा संघ…

इंग्लंडने अखेरच्या षटकात न्यूझीलंड संघाने ४ विकेट्सने पराभव केला. इंग्लंडचा संघ आधीच सेमीफायनलसाठी पात्र ठरला आणि न्यूझीलंड संघाने हा सामना जिंकला असता तर किवी देखील सेमीफायनलमध्ये पोहोचले असते. पण अखेरच्या षटकांत विल जॅक्स व रेहान अहमद यांनी वादळी फटकेबाजी करत संघाला सुपर-८ मधील सलग तिसरा विजय मिळवून दिला.

इंग्लंडच्या न्यूझीलंड संघावरील विजयानंतर आता गुणतालिकेत मोठा बदल झाला आहे. ब गटात दुसऱ्या स्थानी न्यूझीलंडचा संघ तीन गुणांसह आहे. तर पाकिस्तानचा संघ एका गुणासह आहे. त्यामुळे पाकिस्तानने जर पुढील सामन्यात श्रीलंकेला पराभूत केलं तर त्यांचेही ३ गुण होतील. अशा स्थितीत नेट रेन रेट मोठी भूमिका बजावणार आहे. न्यूझीलंडचा रन रेट सध्या +१.३९० आहे. तर पाकिस्तानचा नेट रन रेट -०.४६१ आहे. त्यामुळे पाकिस्तानला फक्त न्यूझीलंड संघावर विजय मिळवून चालणार नाही. तर त्यांना नेट रन रेट सुधारण्यासाठी मोठा विजय मिळवावा लागणार आहे.

पाकिस्तानला सेमीफायनल गाठण्यासाठी काय करावं लागणार?

पाकिस्तान संघाला जर सेमीफायनल गाठायची असेल तर त्यांना श्रीलेकंविरूद्ध ६५ धावांनी विजय मिळवावा लागेल आणि जर पाकिस्तान धावांचा पाठलाग करत असेल तर त्यांना १३ षटकांत लक्ष्य गाठत विजय मिळवावा लागेल. अन्यथा चांगला नेट रन रेट असल्याने न्यूझीलंडचा संघ सेमीफायनलसाठी पात्र ठरेल.

पाकिस्तान संघासाठीचा करो या मरो सामना श्रीलंकेविरूद्ध होणार आहे. हा सामना २८ फेब्रुवारीला पल्लेकलेच्या मैदानावर होणार आहे. श्रीलंकेच्या संघाने पहिले दोन सामने गमावले असल्याने घरच्या मैदानावर अखेरच्या सामन्यात विजय मिळवण्याच्या उद्देशाने उतरणार आहेत. त्यामुळे पाकिस्तान संघासाठी हा मोठा विजय मिळवणं बिलकुल सोपं नसेल.