सचिनच्या वन-डे संघात धोनीला स्थान नाही

५ भारतीय खेळाडूंना स्थान, पण कर्णधारपद विदेशी खेळाडूकडे

भारताचा महान फलंदाज सचिन तेंडुलकर याने नुकत्याच पार पडलेल्या विश्वचषक स्पर्धेतील कामगिरीच्या कामगिरीच्या जोरावर स्वच्छेने एक संघ निवडला. या संघात सचिनने स्पर्धेतील सर्वोत्तम ११ खेळाडूंना स्थान दिले आहे. महत्वाचे म्हणजे त्याने या संघात भारताचे ५ खेळाडू निवडले असूनही संघाचे नेतृत्व परदेशी खेळाडूकडे दिले आहे. तसेच त्याच्या संघात अनुभवी महेंद्रसिंग धोनीला स्थान देण्यात आलेले नाही.

सचिन तेंडुलकरने निवडलेल्या वन-डे संघाचे नेतृत्व केन विल्यमसन याच्याकडे आहे. विराट कोहलीलादेखील संघात स्थान देण्यात आले आहे, पण त्याला चौथ्या क्रमांकाचा फलंदाज म्हणून निवडण्यात आले आहे. त्याच्याशिवाय सलामीवीर रोहित शर्मा, अष्टपैलू खेळाडू म्हणून हार्दिक पांड्या आणि रवींद्र जाडेजा तर वेगवान गोलंदाज म्हणून जसप्रीत बुमराह या भारतीयांना स्थान देण्यात आले आहे.

भारतीय रोहित शर्मासोबत सलामीवीर म्हणून जॉनी बेअरस्टोला सलामीवीर निवडले आहे. तर तिसऱ्या क्रमांकावर विल्यमसनला स्थान देण्यातआले आहे. अष्टपैलू खेळाडूंमध्ये २ भारतीयांबरोबर शाकिब अल हसन आणि बेन स्टोक्स यांना संधी देण्यात आली आहे. तर वेगवान गोलंदाज म्हणून जोफ्रा आर्चर आणि मिचेल स्टार्क यांना स्थान दिले आहे.

असा आहे तेंडुलकरने निवडलेला संघ –

रोहित शर्मा, जॉनी बेअरस्टो(यष्टीरक्षक) , केन विल्यमसन (कर्णधार), विराट कोहली, शाकिब अल हसन, बेन स्टोक्स, हार्दिक पांड्या, रवींद्र जाडेजा, जोफ्रा आर्चर, मिचेल स्टार्क, जसप्रीत बुमराह

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रिकेट वर्ल्ड कप 2019 बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Icc cricket world cup 2019 sachin tendulkar one day team favourites virat kohli kane williamson ms dhoni rohit sharma jasprit bumrah hardik pandya ravindra jadeja vjb

ताज्या बातम्या