ICC Rankings : धवनला फायदा आणि बाबरला संधी!

तुफान फॉर्मात असलेल्या फलंदाजाने आयसीसीच्या क्रमवारीत १४४ जणांना मागे टाकले आहे.

icc rankings babar azam is close to becoming number one in t20
शिखऱ धवन आणि बाबर आझम

श्रीलंकेत एकदिवसीय मालिका खेळणारा शिखर धवन आणि यजुर्वेंद्र चहल यांना आयसीसीच्या ताज्या एकदिवसीय क्रमवारीत मोठा फायदा झाला आहे. त्याचबरोबर टी-२० क्रमवारीत इंग्लंडच्या एका खेळाडूने १४४ फलंदाजांना मागे टाकले आहे. याशिवाय पाकिस्तानचा कर्णधार बाबर आझम लवकरच टी-२० मध्येही क्रमांकाचा पहिला फलंदाज बनू शकतो. त्याचा सहकारी यष्टीरक्षक मोहम्मद रिझवानने आपल्या टी-२० कारकीर्दीतील सर्वोत्कृष्ट रँकिंग मिळवले आहे.

आज बुधवारी जाहीर झालेल्या आयसीसी वनडे क्रमवारीत श्रीलंकेविरुद्धच्या पहिल्या सामन्यात नाबाद अर्धशतकी खेळीनंतर भारतीय सलामीवीर शिखर धवनने दोन स्थानांची कमाई केली आहे. तो आता १६व्या स्थानी पोहोचला आहे. तर विराट कोहलीने (विराट कोहलीने) दुसरे स्थान कायम राखले आहे. कोलंबोमध्ये खेळल्या जाणार्‍या तीन एकदिवसीय मालिकेच्या पहिल्या सामन्यात धवनने नाबाद ८६ धावांच्या मदतीने ७१२ रेटिंग गुण मिळवले आहे. कोहलीचे ८४८ गुण आहेत. भारताचा रोहित शर्मा ८१७ गुणांसह तिसर्‍या स्थानावर आहे, तर पाकिस्तानचा बाबर आझम ८७३ गुणांसह पहिल्या क्रमांकावर आहे.

 

 

हेही वाचा – VIDEO : भारताकडून हरल्यानंतर श्रीलंकेचा कर्णधार व प्रशिक्षक यांच्यात बाचाबाची

गोलंदाजांच्या एकदिवसीय क्रमवारीत भारताचा यजुर्वेंद्र चहल २०व्या क्रमांकावर, श्रीलंकेचा वनिंदू हसरंगा ३६व्या स्थानावर, दक्षिण आफ्रिकेचा तबरेज शम्सी ३९व्या स्थानावर, आयर्लंडचा सिमी सिंग ५१व्या स्थानावर आणि झिम्बाब्वेच्या ब्लेसिंग मुजरबानी ७०व्या स्थानावर आहे.

पाकिस्तानचा कर्णधार बाबर आझम लवकरच टी-२० क्रमवारीत पहिल्या स्थानी पोहोचू शकतो. बाबर आणि डेव्हिड मलान यांच्यात आता फक्त ८ रेटिंग गुणांचे अंतर आहे. याव्यतिरिक्त इंग्लंडचा लियाम लिव्हिंगस्टोन १४४ फलंदाजांना मागे टाकत २७व्या स्थानी पोहोचला आहे. चार वर्षांपूर्वी दक्षिण आफ्रिकेविरुद्ध पदार्पण करणाऱ्या लिव्हिंगस्टोनने आत्तापर्यंत फक्त ८ आंतरराष्ट्रीय टी-२० सामने खेळले होते. २७ वर्षीय लिव्हिंगस्टोनने नुकत्याच पाकिस्तानविरुद्ध १०३ धावा ठोकल्या होत्या.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Icc rankings babar azam is close to becoming number one in t20 adn

Next Story
सचिन संपलेला नाही!
ताज्या बातम्या