भारताची सलामी पाकिस्तानशी ; ट्वेन्टी-२० विश्वचषक क्रिकेट स्पर्धेचे वेळापत्रक जाहीर

दोन गटांचा समावेश असललेल्या अव्वल-१२ फेरीस २२ ऑक्टोबरला ऑस्ट्रेलिया-न्यूझीलंड लढतीने प्रारंभ होईल.

दुबई : भारताच्या ट्वेन्टी-२० विश्वचषक क्रिकेट मोहिमेला प्रारंभ मेलबर्न क्रिकेट ग्राऊंडवर २३ ऑक्टोबरला परंपरागत प्रतिस्पर्धी पाकिस्तानविरुद्ध लढतीने होणार आहे. ट्वेन्टी-२० विश्वचषक स्पर्धेचे वेळापत्रक शुक्रवारी आंतरराष्ट्रीय क्रिकेट परिषदेने (आयसीसी) जाहीर केले.

गतवर्षी संयुक्त अरब अमिरातीत झालेल्या ट्वेन्टी-२० विश्वचषकात भारतीय संघ ‘आयसीसी’च्या जागतिक स्पर्धामध्ये प्रथमच पाकिस्तानकडून हरला. अव्वल-१२ फेरीमधील भारताचा दुसरा सामना २७ ऑक्टोबरला अ-गटातून उपविजेत्या ठरलेल्या संघाशी होणार आहे. मग भारत ३० ऑक्टोबरला दक्षिण आफ्रिकेशी, तर २ नोव्हेंबरला बांगलादेशशी सामना करणार आहे. ६ नोव्हेंबरला भारताचा अव्वल-१२ फेरीमधील अखेरचा सामना ब-गटातील विजेत्याशी होईल.

दोन गटांचा समावेश असललेल्या अव्वल-१२ फेरीस २२ ऑक्टोबरला ऑस्ट्रेलिया-न्यूझीलंड लढतीने प्रारंभ होईल. याच दोन सघांमध्ये गेल्या वर्षी ट्वेन्टी-२० विश्वचषकाचा अंतिम सामना रंगला होता. १ नोव्हेंबरला न्यूझीलंडचा संघ इंग्लंडशी लढत देईल. २०२१मध्ये न्यूझीलंडने उपांत्य सामन्यात इंग्लंडला नमवले होते.

भारताचे सामने

’ २३ ऑक्टोबर वि. पाकिस्तान दु. १.३० वा.

’ २७ ऑक्टोबर वि. अ-२ दु. १२.३० वा.

’ ३० ऑक्टोबर वि. दक्षिण आफ्रिका दु. ४.३० वा.

’ २ नोव्हेंबर वि. बांगलादेश दु. १.३० वा.

’ ६ नोव्हेंबर वि. ब-१ दु. १.३० वा.

अव्वल -१२ फेरी

’ गट-१ : ऑस्ट्रेलिया, न्यूझीलंड, इंग्लंड, अफगाणिस्तान, अ-१, ब-२

’ गट-२ : भारत, पाकिस्तान, दक्षिण आफ्रिका, बांगलादेश, ब-१, अ-२

’ पहिली फेरी

अ-गट : श्रीलंका, नामिबिया, पात्र-१, पात्र-२

ब-गट : वेस्ट इंडिज, स्कॉटलंड, पात्र-३, पात्र-४

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Icc t20 world cup 2022 schedule announced team india to face pakistan in first match zws

Next Story
भारत-आफ्रिका एकदिवसीय मालिका : भारताने एकदिवसीय मालिकाही गमावली ; दुसऱ्या सामन्यात आफ्रिकेचा ७ गडी राखून विजय
ताज्या बातम्या
फोटो गॅलरी