Atiq Uz Zaman raised questions on Pakistan team and PCB : टी-२० विश्वचषक २०२४ च्या स्पर्धेतील सुपर ८ फेरीपूर्वी पाकिस्तानचा संघ बाहेर पडल्याने मोठ्या प्रमाणावर टीका होत आहे. बाबर आझमच्या नेतृत्वाखालील संघाने ग्रुप स्टेजमधील ४ पैकी फक्त २ सामने जिंकू शकला होता. यानंतर चाहत्यांमध्ये प्रचंड नाराजी पाहायला मिळत आहे. अलीकडेच एका चाहत्याने पाकिस्तानी संघाचा वेगवान गोलंदाज हारिस रौफ याच्याशी गैरवर्तन केले, त्यानंतर हारिस त्याला मारण्यासाठी धावला. ज्याचा व्हिडिओ सोशल मीडियावर खूप वेगाने व्हायरल झाला. आता माजी पाकिस्तानी क्रिकेटपटू अतिक उझ जमानने या प्रकरणावर संपूर्ण पाकिस्तान संघाला फटकारले आहे.

माजी खेळाडूची पाकिस्तान संघावर टीका –

पाकिस्तानचा माजी क्रिकेटपटू अतिक उझ जमान याचा एक व्हिडिओ समोर आला आहे. ज्यामध्ये त्याने पाकिस्तानी खेळाडूंसह त्यांच्या कुटुंबीयांना आयसीसीच्या कार्यक्रमात पाठवल्याबद्दल पीसीबीवर नाराजी व्यक्त केली आहे. अतितने व्हिडिओमध्ये सांगितले की, आमच्या काळात संघासोबत प्रशिक्षक आणि व्यवस्थापक असायचे आणि संघ चालवला जायचा. आता खेळण्यापेक्षा जास्त ड्रामा केला जात आहे. आताचे संघात १७ खेळाडू आहेत आणि त्यांच्यासाठी ६० रुम्स बुक केल्या होत्या. तुम्ही तिथे क्रिकेट खेळायला गेला आहात की सुट्टीसाठी? असा प्रश्न उपस्थित केला आहे.

Why Team India Players Are Wearing Black Armbands In Super 8 Clash
IND vs AFG सामन्यात भारतीय संघ हातावर काळी पट्टी बांधून का उतरला? BCCI ने सांगितलं नेमकं कारण
Suryakumar Yadav and Rashid Khan Banter After Surya sweep Shot Video Viral
VIDEO: सूर्यकुमारच्या सारख्या फटक्यांमुळे रशीद वैतागला; थेट त्याच्याकडे जाऊन म्हणाला, “मला स्वीप मारणं बंद कर”!
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
South African fans object to Surya's catch
सूर्यकुमार यादवच्या ‘कॅच’वरुन पेटला नवा वाद, दक्षिण आफ्रिकन चाहत्याने VIDEO शेअर करत केला फसवणूक झाल्याचा दावा
Saurabh Netravalkar Exclusive Interview
“मला रंगांधळा म्हणत त्यांनी..”, सौरभ नेत्रावळकरने सांगितला भारत सोडण्याआधीचा किस्सा; म्हणाला, “दोन वर्षं मागितली..”
Gulbadin Naib Faking Injury to Waste Time
AFG v BAN: ‘हळू खेळा, पाऊस येतोय’, अफगाणिस्तानच्या कोचचा इशारा आणि गुलबदीन पाय पकडून खाली पडला… पाहा VIDEO
Sania Mirza Marrying Mohammed Shami Rumors
सानिया मिर्झा व मोहम्मद शमीच्या लग्नाच्या चर्चांवर सानियाच्या वडिलांनी सोडलं मौन; म्हणाले, “ती त्याला भेटली..”

पाकिस्तानच्या खेळाडूंबद्दल बोलताना माजी क्रिकेटपटू अतिक उझ जमान म्हणाला, “यार तुम्ही खूप ड्रामा केला आहे, आमच्या काळात प्रशिक्षक असायचे. त्याच्यासोबत एक मॅनेजर असायचा. अशा प्रकारे संघ चालवला जात होता. आता तुम्ही तर संपूर्ण टीम उभा केली आहे. १७ अधिकारी आणि १७ खेळाडू आहेत.” यानंतर त्याने खेळाडू आणि त्यांच्या पत्नीबद्दलही आपले मत मांडले.

हेही वाचा – David Johnson : भारताचा माजी क्रिकेटपटू डेव्हिड जॉन्सन यांचे बाल्कनीतून पडून निधन; पोलिसांना आत्महत्येचा संशय?

तुम्ही खेळाडूंबरोबर त्यांच्या कुटुंबीयांना का जाऊ देता?

अतिक उझ जमान पुढे म्हणाला, “मी ऐकलं की हॉटेलच्या ६० रुम्स बुक केल्या होत्या. यार हा काय मजाक आहे. तुम्ही तिथे क्रिकेट खेळायला गेला आहात की कुटुंबासोबत सुट्टीवर गेला आहात? तुम्ही तुमच्या कुटुंबाला मोठ्या स्पर्धेत घेऊन का जाता? मी लहान मालिकांमध्ये समजू शकतो.” याबाबत पीसीबीवर संतप्त होऊन अतिक म्हणाला की, तुम्ही खेळाडूंबरोबर त्यांच्या कुटुंबीयांना का जाऊ देता?

संघापेक्षा कुटुंबाकडेच जास्त लक्ष –

पाकिस्तानचा माजी क्रिकेटपटू अतिक उझ जमान म्हणाला की पाकिस्तानी खेळाडू जेव्हा त्यांच्या कुटुंबीयांसोबत क्रिकेट खेळायला जातात, तेव्हा त्यांचे लक्ष क्रिकेटपासून वळते आणि त्यांचे संपूर्ण लक्ष त्यांच्या कुटुंबाकडेच असते. तो पुढे म्हणाला, तुम्हाला पत्नीला बरोबर घेऊन जायची आणि त्यांच्याबरोबर फिरण्याची सवय लागली आहे. हे लोक तेच करतात. ते संध्याकाळी जातात आणि त्यांचे लक्ष क्रिकेटपासून दूर होते. त्यानंतर ते कुटुंब, मुले, पत्नी यावर लक्ष केंद्रित करतात.