India beat USA by 7 wickets to become first team to reach Super 8 round : आयसीसी टी-२० विश्वचषक २०२४ च्या २५व्या सामन्यात यजमान अमेरिका आणि भारत यांच्यात खेळला गेला. या सामन्यात भारतीय संघाने यजमान अमेरिकेवर ७ विकेट्सनी मात करत सलग तिसरा विजय मिळवला. त्याचबरोबर भारत टी-२० विश्वचषक २०२४ च्या सुपर-८ फेरीत पोहोचणारा तिसरा संघ ठरला आहे. या सामन्याात भारतीय संघाने नाणेफेक जिंकून प्रथम गोलंदाजी करताना अर्शदीपच्या शानदार कामगिरीच्या (४ विकेट्स) जोरावर अमेरिकेला ११० धावांवर रोखले. त्यानंतर लक्ष्याचा पाठलाग करताना सूर्यकुमार आणि शिवमने भारताला १८.२ षटकांत विजय मिळवून दिला.

भारत सुपर ८ मध्ये दाखल होणारा ठरला तिसरा संघ –

सुरुवातीच्या धक्क्यातून सावरलेल्या भारतीय संघाने सूर्यकुमार यादव आणि शिवम दुबे यांच्या दमदार भागीदारीच्या जोरावर टी-२० विश्वचषकाच्या अ गटातील सामन्यात अमेरिकेचा सात गडी राखून पराभव करून सुपर एट टप्प्यासाठी पात्र ठरले आहे. प्रथम फलंदाजी करताना अमेरिकेने २० षटकांत आठ गडी गमावून ११० धावा केल्या. प्रत्युत्तरात सौरभ नेत्रावळकरने भारताला सुरुवातीला दोन धक्के दिले, पण सूर्यकुमार यादवने शानदार अर्धशतक झळकावून संघाला सावरले आणि दुसऱ्या टोकाला शिवम दुबेने त्याला चांगली साथ दिली. या दोन फलंदाजांच्या दमदार कामगिरीमुळे भारताने १८.२ षटकांत तीन गडी गमावून ११ धावा करून विजय मिळवला. भारताचा या स्पर्धेतील हा सलग तिसरा विजय असून त्याने सहा गुण घेत सुपर ८ मध्ये स्थान निश्चित केले आहे.

Kamran Akmal and Harbhajan Singh Video viral
WCL 2024 : शीख धर्माबद्दलच्या वादग्रस्त वक्तव्यानंतर कामरान अकमल-हरभजन सिंग आमनेसामने, VIDEO व्हायरल
India vs Zimbabwe 2nd T20I Updates Cricket Score in Marathi
IND vs ZIM 2nd T20I : अभिषेक शर्माच्या शतकाच्या जोरावर भारताचा झिम्बाब्वेवर दणदणीत विजय, १०० धावांनी उडवला धुव्वा
Jasprit Bumrah Gets Emotional As Baby Boy, Angad Witnesses Him Winning T20 WC, Hugs Wife, Sanjana
भारताच्या विजयानंतर बोलताना बुमराह झाला भावुक, ‘अँकर’ पत्नीशी संवाद साधून होताच मारली मिठी, पाहा VIDEO
Rashid Khan Emotional Post SA vs AFG
५६ धावांसह अफगाणिस्तान विश्वचषकातून बाहेर! भावूक होत कर्णधार रशीद खान म्हणाला, “चांगली कामगिरी करता आली असती..”
BCCI shares Vivian Richards in India dressing room video
IND vs BAN : “पॉकेट रॉकेट”, सर व्हिव्हियन रिचर्ड्स यांनी ‘या’ भारतीय खेळाडूला दिले नवीन नाव, पाहा VIDEO
Glenn Maxwell catch by Noor Ahmed in the Gulbadin Naib over
AFG vs AUS : ग्लेन मॅक्सवेलचा झेल ठरला अफगाणिस्तानच्या ऐतिहासिक विजयाचा ‘टर्निंग पॉइंट’, VIDEO होतोय व्हायरल
SA beat ENG by 7 Runs
T20 WC 2024: एडन मारक्रमच्या अफलातून कॅचने फिरली मॅच; उत्कंठावर्धक लढतीत आफ्रिकेचा इंग्लंडवर ७ धावांनी विजय
Ravindra jadeja Lifts Rahul Dravid After Wins Best Fielder Medal
IND v AFG: भारताच्या विजयानंतर जडेजाने ड्रेसिंग रूममध्ये राहुल द्रविडला थेट उचलून घेतलं, पण नेमकं घडलं तरी काय? पाहा VIDEO

सूर्या-शिवमच्या भागीदारीने भारताला मिळवून दिला विजय –

तत्पूर्वी, भारताने नाणेफेक जिंकून अमेरिकेला फलंदाजीसाठी आमंत्रित केले परंतु वेगवान गोलंदाज अर्शदीप सिंगने पहिल्याच षटकात अमेरिकेला दुहेरी धक्का दिला. ज्यातून संघ शेवटपर्यंत सावरू शकला नाही. अमेरिकेकडून नितीश कुमारने सर्वाधिक २७ धावा केल्या. लक्ष्याचा पाठलाग करणाऱ्या भारताची सुरुवातही चांगली झाली नाही आणि विराट कोहलीच्या रूपाने संघाने पहिली विकेट गमावली. कोहली खाते न उघडताच बाद झाला. यानंतर सौरभने भारतीय कर्णधार रोहित शर्मालाही पॅव्हेलियनचा रस्ता दाखवला. एकेकाळी संघ संकटात सापडलेला दिसत होता, पण सूर्यकुमार आणि शिवमने जबाबदारी सांभाळली आणि भारताला विजयापर्यंत नेले. सूर्यकुमार यादव ४९ चेंडूंत दोन चौकार व दोन षटकारांच्या मदतीने ५० धावा करून नाबाद राहिला तर शिवम दुबे ३५ चेंडूंत एक चौकार व एका षटकाराच्या मदतीने ३१ धावा करून नाबाद राहिला.

हेही वाचा – USA vs IND Live Score, T20 World Cup 2024: सूर्या दादाच्या अर्धशतकासह भारताचा अमेरिेकवर विजय, भारताची सुपर८ मध्ये धडक

अर्शदीप सिंगने रचला इतिहास –

टीम इंडियाने अमेरिकेविरुद्ध उत्कृष्ट गोलंदाजी केली. वेगवान गोलंदाज अर्शदीप सिंगसाठी न्यूयॉर्कची खेळपट्टी वरदान ठरली. त्याने टी-२० विश्वचषकाच्या इतिहासात भारतासाठी सर्वात शानदार गोलंदाजी केली. त्याने सामन्यातील पहिल्याच चेंडूवर अमेरिकेचा फलंदाज शायान जहांगीरला एलबीडब्ल्यू करून पॅव्हेलियनमध्ये पाठवत ऐतिहासिक कामगिरी केली. तो टी-२० विश्वचषकात भारतासाठी सामन्यातील पहिल्या चेंडूवर विकेट घेणारा पहिला आणि जगातील चौथा गोलंदाज ठरला आहे. अर्शदीपने आपल्या ४ षटकात केवळ ९ धावा देत ४ विकेट्स घेत अनेक विक्रम केले. त्याचवेळी हार्दिक पंड्यानेही दोन विकेट्, घेतल्या. अशा प्रकारे भारताने अमेरिकन संघाला ११० धावांवर रोखले.

हेही वाचा – IND vs USA : अर्शदीप सिंगने रचला इतिहास! आतापर्यंत कोणत्याच भारतीय गोलंदाजाला न जमलेला केला पराक्रम

सुपर ८ च्या पाकिस्तानच्या आशा कायम –

सुपर ८ मध्ये जाण्यासाठी पाकिस्तान संघासाठी अमेरिकेला भारताकडून हरावे असे समीकरण होते. भारतीय संघाने यजमान अमेरिकेचा पराभव केल्याने पाकिस्तानच्या सुपर ८ मध्ये जाण्याच्या आशा कायम आहेत. पाकिस्तान संघाला पुढच्या टप्प्यात जायचे असेल तर आयर्लंडविरुद्धचा सामना मोठ्या फरकाने जिंकावा लागेल. यासोबतच, अमेरिकेला त्याच्या ग्रुप स्टेजच्या शेवटच्या सामन्यात आयर्लंडकडून पराभव पत्करावा लागतो.