ICC T20 World Cup 2024 USA vs IND Highlights: भारत विरुद्ध अमेरिका यांच्यात १२ जून रोजी झालेल्या सामन्यात टीम इंडियाने सात गडी राखून विजय मिळवला. टीम इंडियाने या विजयासह सुपर८ फेरीत आपले स्थान पक्के केले. वनडे विश्वचषक २०२३ पासून सामन्यात उत्कृष्ट क्षेत्ररक्षण करणाऱ्या खेळाडूला मेडल देण्याची परंपरा सुरू केली आहे, जी आचा टी-२० वर्ल्डकपमध्येही कायम आहे. प्रत्येक सामन्यानंतर संघाचे क्षेत्ररक्षण प्रशिक्षक टी दिलीप खेळाडूंना सर्वोत्कृष्ट क्षेत्ररक्षक पदकासाठी नामांकित करतात. हा ट्रेंड अमेरिकेविरुद्धच्या सामन्यानंतरही कायम होता. गेल्या वेळी रवी शास्त्री मेडल देण्यासाठी टीम इंडियाच्या ड्रेसिंग रुममध्ये पोहोचले होते तर यावेळी एक खास खेळाडू ड्रेसिंग रूम मध्ये मेडल देण्यासाठी हजर होता.

अमेरिकेविरूद्धच्या सामन्यानंतर भारताचा माजी खेळाडू आणि टी-२० विश्वचषक २०२४ चा ब्रँड अॅम्बेसेडर असलेला युवराज सिंग भारताच्या ड्रेसिंग रूममध्ये उपस्थित होता. भारताचे फिल्डिंग कोच टी दिलीप यांनी अमेरिकेविरूद्ध सामन्यातील बेस्ट फिल्डरसाठी ऋषभ पंत, सूर्यकुमार यादव आणि मोहम्मद सिराज यांना नॉमिनेट केले. तर सिराज मोहम्मदला पुन्हा एकदा त्याच्या उत्कृष्ट झेलसाठी बेस्ट फिल्डरचे मेडल देण्यात आले. भारताटचा सिक्सर किंग युवराज सिंगने हे मेडल सिराजला दिले.

Saurabh Netrawalkar Statement on Suryakumar Yadav Dropped Catch
IND vs USA: “तू सूर्यकुमारला का आऊट नाही केलंस?”, नवज्योत सिंग सिद्धूने विचारलेल्या प्रश्नावर नेत्रावळकरने दिले उत्तर; म्हणाला- ‘त्याचा झेल…’
Suryakumar Yadav and Rashid Khan Banter After Surya sweep Shot Video Viral
VIDEO: सूर्यकुमारच्या सारख्या फटक्यांमुळे रशीद वैतागला; थेट त्याच्याकडे जाऊन म्हणाला, “मला स्वीप मारणं बंद कर”!
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
USA vs IND T20 World Cup 2024 Match Updates in Marathi
IND v USA: बोरिवलीतील अनेक खेळाडू या सामन्यात असं शास्त्रींनी म्हणताच रोहित शर्मा पाहा काय म्हणाला, “त्यांच्यासोबत एकत्र क्रिकेट…”
Saurabh Netravalkar Straight Answer About Working After T20 World Cup
सुपर ८ फेरी गाठताच सौरभ नेत्रावळकरने कंपनीत केला कॉल; मॅचनंतर काम करण्याबाबत स्पष्टच म्हणाला, “मला कुणी त्रास..”
Jasprit Bumrah Viral Funny Video Post IND vs ENG
“बुमराह तू ये, माझा हात..”, IND vs ENG मॅच जिंकताच अंपायरच्या भेटीला गेला जसप्रीत पण.. Video पाहून चाहते लोटपोट
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Rishabh Pant Medical Time Out Delayed The Game with Perfect Move
T20 WC 2024: रोहित ऋषभची ‘ती’ युक्ती ठरली सामन्याचा खरा टर्निंग पॉईंट, १७ व्या षटकापूर्वी नेमकं काय घडलं? चर्चेला आलंय उधाण

हेही वाचा – IND v USA: बोरिवलीतील अनेक खेळाडू या सामन्यात असं शास्त्रींनी म्हणताच रोहित शर्मा पाहा काय म्हणाला, “त्यांच्यासोबत एकत्र क्रिकेट…”

मोहम्मद सिराजने अमेरिकेविरूद्ध शानदार फिल्डिंग केली. अमेरिकेचा फलंदाज नितीश कुमारचा एक अप्रतिम झेल सिराजने टिपला. सिराज त्यावेळेस सीमारेषेवर फिल्डिंगसाठी तैनात होता. नितीश चांगली फटकेबाजी करत होता , यानंतर त्याने पुढचा चेंडूही षटकारासाठी पाठवण्याचा प्रयत्न केला पण सिराजने चेंडू येताच हवेत झेप घेतली आणि तो अनपेक्षित झेल टिपला. त्याची ही कॅच पाहून सर्वच अवाक् झाले. याशिवाय अमेरिकेचा फलंदाज स्टीव्हन टेलर याचाही एक उत्कृष्ट झेल सिराजने टिपला. तर अखेरच्या यासाठी त्याला बेस्ट फिल्डरचं मेडल युवराज सिंगकडून देण्यात आलं.

हेही वाचा – IND VS USA T20 World Cup: पेनल्टीचा भुर्दंड बसला आणि अमेरिकेने टाकली मान; काय आहे नवीन नियम?

युवराजने भारतीय संघाच्या कामगिरीचे कौतुक केले. त्याचसोबत अर्शदीपची गोलंदाजी आणि गेल्या सामन्यातील त्याच्या फलंदाजीचेही कौतुक केले. वर्ल्डकपमध्ये संघासाठी धावा काढून सामना जिंकवल्याचा खेळाडू म्हणून फायदा होतो असे म्हणत युवराजने शिवम दुबेचे कौतुक केले. तर सूर्यकुमारच्या संयमी खेळीसाठी त्याची पाट थोपटली पण म्हणाला सूर्या स्टाईल खेळी नव्हती पण परिस्थितीला साजेशी खेळी केल्याबद्दल कौतुक. तर संघाला खेळाचा आनंद लुटण्यासही सांगितले. यानंतर सिराजला मेडल देत भाषण संपलं असं म्हणतं एकच हशाही पिकवला.

वर्ल्डकप २०२३ मधील ११ सामन्यांमध्ये मोहम्मद सिराजला एकदाही बेस्ट फिल्डरचे मेडल मिळाले नव्हते. पण टी-२० विश्वचषकात त्याला दोन वेळा हे मेडल मिळाल्याने तो खूप आनंदी आहे. तर फिल्डिंग कोच टी दिलीप यांनीही त्याचे खूप कौतुक केले.