Oman captain Aqib Elias challenge to Australia team : आयसीसी टी-२० विश्वचषक २०२४ स्पर्धेला सुरुवात झाली आहे. या स्पर्धेत आतापर्यंत अनेक छोटे संघ (असोसिएट नेशन्स) चांगल्या फॉर्ममध्ये दिसले आहेत, ज्यामध्ये ओमानचा समावेश आहे. पहिल्या सामन्यात ओमानला नामिबियाविरुद्ध पराभवाचा सामना करावा लागला असला तरी या संघाने जबरदस्त झुंज दाखवली. आता ओमान संघाचा पुढील सामना विश्वचषक मोहिमेची सुरुवात करणाऱ्या बलाढ्य ऑस्ट्रेलियाशी होणार आहे. या सामन्यापूर्वी ओमान संघाच्या कर्णधाराने बलाढ्य ऑस्ट्रेलियाला आव्हान दिले आहे.

आकिब इलियासने ऑस्ट्रेलियाला ‘ओपन चॅलेंज’ –

टी-२० विश्वचषक २०२४ स्पर्धेत ऑस्ट्रेलिया ओमानविरुद्ध सामना खेळून आपल्या मोहिमेची सुरुवात करेल. ऑस्ट्रेलिया आणि ओमान यांच्यातील हा सामना ५ जून रोजी होणार आहे, परंतु भारतीय वेळेनुसार हा सामना ६ जून रोजी सकाळी ६ वाजल्यापासून पाहायला मिळेल. या सामन्यापूर्वी ओमानचा कर्णधार आकिब इलियासने ऑस्ट्रेलियाला ‘ओपन चॅलेंज’ दिले आहे.

Yuvraj Singh explosive batting 28 balls 59 runs
WLC 2024 : ५ षटकार… ४ चौकार, युवराज सिंगने ऑस्ट्रेलियाला करुन दिली जुन्या दहशतीची आठवण
England beat Slovakia to reach the quarter-finals of the Euro Football Championship sport news
अलौकिक बेलिंगहॅमने इंग्लंडला तारले! स्लोव्हाकियाला नमवत उपांत्यपूर्व फेरीत प्रवेश
best moment of my career says rohit sharma after winning t20 world cup
माझ्या कारकीर्दीतील सर्वोत्तम क्षण! ट्वेन्टी२० विश्वविजयानंतर कर्णधार रोहितची भावना
Suryakumar yadav received best fielder medal from Jay shah video
IND vs SA: सूर्या दादाच्या एका कॅचने फिरवली मॅच! सूर्यकुमारला बेस्ट फिल्डरचं मेडल देताना ड्रेसिंग रूममध्ये…; पाहा VIDEO
Virat Kohli Only Player to Win 4 ICC Trophies
Virat Kohli: किंग कोहली! जागतिक क्रिकेटच्या इतिहासात ४ आयसीसी ट्रॉफी पटकावणारा एकमेव खेळाडू
Three important turning points in India's victory
IND vs ENG : रोहित-सूर्याची फलंदाजी, अक्षर-कुलदीपची फिरकी, ‘या’ तीन टर्निंग पॉइंट्समुळे भारताने इंग्लंडवर केली मात
Rohit Sharma
“ऑस्ट्रेलियाचा संघ आता…”. रोहित शर्माने एका वाक्यात व्याजासकट बदला घेतला; हिटमॅन स्टाईल उत्तराचा VIDEO व्हायरल
India vs England T20 World Cup 2024 Semi Final
ट्वेन्टी २० विश्वचषक क्रिकेट: उपांत्य फेरीत भारताची आज गतविजेत्या इंग्लंडशी गाठ,परतफेड करण्यास सज्ज!

ऑस्ट्रेलियाकडे पूर्वीसारखे तंत्रशुद्ध फलंदाज नाहीत –

सामन्यापूर्वी झालेल्या पत्रकार परिषदेत ओमानचा कर्णधार आकिब इलियास म्हणाला, “ऑस्ट्रेलियाकडे यापूर्वी स्टीव्ह स्मिथ आणि मार्नस लॅबुशेनसारखे काही खेळाडू होते, ज्यांचे तंत्र (टेक्निक) चांगले होते आणि ते फिरकी गोलंदाजांविरुद्ध चांगल्या प्रकारे खेळत होते. पण आता त्यांच्याकडे असे फारसे खेळाडू नाहीत. ऑस्ट्रेलियाचे आताचे खेळाडू मोठे फटके खेळण्याचा विचार करतात. ते फक्त षटकार मारण्याचा प्रयत्न करतात.”

हेही वाचा – IPL 2025 Mega Auction पूर्वी अश्विन चेन्नई सुपर किंग्जमध्ये परतला, सीएसकेसाठी निभावणार ‘ही’ भूमिका

प्रत्येक दिवस सारखा नसतो –

खेळपट्टीबद्दल बोलताना आकिब इलियास पुढे म्हणाला, “प्रत्येक दिवस सारखा नसतो. जर त्यांना नामिबियाविरुद्धच्या सामन्यासारखी खेळपट्टी मिळाली, तर ते त्यांच्यासाठी अडचणीचे ठरू शकते. जसे तुम्ही वेस्ट इंडिजला पापुआ न्यू गिनीविरुद्ध अडचणीता सामना करताना पाहिले. वेस्ट इंडिज संघात मोठे हिटर असतानाही त्यांना १३० धावांचे लक्ष्य गाठण्यासाठी संघर्ष करावा लागला.”

हेही वाचा – T20 WC 2024 : भारताविरुद्धच्या सामन्यापूर्वी पाकिस्तानला मोठा धक्का! स्टार अष्टपैलू खेळाडू सलामीच्या सामन्यातून बाहेर

ओमानला नामिबियाविरुद्ध सुपर ओव्हरमध्ये पराभव पत्करावा लागला –

उल्लेखनीय आहे की ओमानने नामिबियाविरुद्धच्या टी-२० विश्वचषकात आपल्या मोहिमेची सुरुवात केली होती. या सामन्यात ओमानने नामिबियाला कडवी झुंज दिली, त्यानंतर सामना बरोबरीत सुटला आणि त्यानंतर सुपर ओव्हरमध्ये नामिबियाने विजय मिळवला. या सामन्यात प्रथम फलंदाजी करताना ओमानचा संघ १९.४ षटकांत १०९ धावांवर आटोपला. त्यानंतर ओमानच्या गोलंदाजांनी नामिबियाला २० षटकांत ६ बाद केवळ १०९ धावा रोखले. यानंतर एक सुपर ओव्हर झाली, जी टी-२० वर्ल्ड कपच्या इतिहासातील तिसरी सुपर ओव्हर होती. ज्यामध्ये नामिबियाने बाजी मारली.