अटीतटीच्या उत्कंठावर्धक लढतीत दक्षिण आफ्रिकेने यजमान वेस्ट इंडिजवर ३ विकेट्सने विजय मिळवत सेमी फायनलमध्ये धडक मारली. पण या पराभवाने यजमान वेस्ट इंडिजच्या सेमी फायनलच्या आशा धुळीस मिळाल्या आणि त्यांचं स्पर्धेतलं आव्हान संपुष्टात आलं. गट २ मधून दक्षिण आफ्रिका आणि इंग्लंड यांनी सेमी फायनलमध्ये आगेकूच केली आहे.

पावसाने व्यत्यय आणलेल्या सामन्यात कठीण अशा खेळपट्टीवर वेस्ट इंडिजचा संघ १३५ धावाच करू शकला. या छोटेखानी लक्ष्याचा पाठलाग करताना दक्षिण आफ्रिकेचीही भंबेरी उडाली. पण तणावपूर्ण स्थितीत दक्षिण आफ्रिकेच्या फलंदाजांनी संयमाने खेळ करत बाजी मारली. पावसामुळे सामना १७ षटकांचा करण्यात आला. १६व्या षटकाच्या शेवटच्या चेंडूवर कागिसो रबाडाने चौकार खेचला. शेवटच्या षटकात दक्षिण आफ्रिकेला ५ धावांची आवश्यकता होती. मार्को यान्सनने ओबेड मेकॉयच्या गोलंदाजीवर खणखणीत षटकार लगावत संघाच्या विजयावर शिक्कामोर्तब केलं.

मराठीतील सर्व T20 World Cup बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: South africa enters into semi final of t20 world cup after beating west indies by 8 wickets host west indies out of world cup psp