T20 World Cup 2024: अमेरिकेच्या संघाने टी-२० विश्वचषकात अप्रतिम कामगिरी करत सर्वांच लक्ष वेधून घेतलं आहे. आतापर्यंत झालेल्या तीन सामन्यात संघाने दोन मोठे विजय मिळवले असून भारताविरूद्धच्या सामन्यात त्यांना पराभव पत्करावा लागला. पण भारतालाही अमेरिकेने सहजासहजी विजय मिळवू दिला नाही. तर पाकिस्तानसारख्या टी-२० विश्वचषकाचे जेतेपद पटकावलेल्या संघाचा अमेरिकेने पराभव करत मोठा अपसेट घडवला. यादरम्यान व्हाईट हाऊसचे अधिकारी मॅथ्यू मिलर यांना यूएसए क्रिकेट संघाने T20 विश्वचषकात पाकिस्तानला पराभूत केल्याबद्दल टिप्पणी करण्यास सांगितले. याच्या उत्तरात मिलर यांनी केलेले वक्तव्य सध्या व्हायरल होत आहे.

अमेरिकेच्या परराष्ट्र विभागाचे प्रवक्ते मॅथ्यू मिलर यांनी एका पत्रकाराच्या प्रश्नावर गमतीशीर उत्तर दिले. जेव्हा त्यांना यूएसए क्रिकेट संघाने सध्या सुरू असलेल्या आयसीसी पुरुष टी-२० विश्वचषकात अमेरिकेन पाकिस्तानला पराभवाचा धक्का दिल्याबद्दल याबद्दल विचारले गेले. प्रेस ब्रीफिंग दरम्यान, मिलर यांना एका पत्रकाराने विचारले की अमेरिका या एका सहयोगी संघाने पूर्णवेळ क्रिकेट खेळणाऱ्या पाकिस्तानविरुद्ध विजय मिळवला, यावर आपले मत मांडण्यास सांगितले. यावर बोलताना अधिका-याने सांगितले की, “जेव्हा मी माझ्या कार्य कक्षेबाहेरच्या गोष्टींवर भाष्य करतो तेव्हा मी अडचणीत सापडतो आणि मी म्हणेन की पाकिस्तान क्रिकेट संघ त्या श्रेणीमध्ये येतो.”

Harbhajan Singh Statement on Champions Trophy Hosts Pakistan
Harbhajan Singh: “तुम्हाला खेळायचंय तर खेळा, आमचा संघ पाकिस्तानात पाठवणार नाही..”, लाइव्ह शोमध्ये हरभजन सिंग भडकला, VIDEO व्हायरल
copa america 2024 final argentina vs colombia match prediction
Copa America 2024 : तिहेरी मुकुटाची अर्जेंटिनाला संधी; कोपा अमेरिकाच्या अंतिम लढतीत कोलंबियाचे आव्हान
Punjab and haryana court
ऑस्ट्रेलियात हुंड्यासाठी छळ, भारतात गुन्हा दाखल; पण न्यायलयाने रद्द केला FIR, कारण काय? न्यायमूर्ती म्हणाले…
t20 cricket world cup final India vs south africa match preview
तुल्यबळांमध्ये वर्चस्वाची लढाई! ट्वेन्टी-२० विश्वचषकाच्या महाअंतिम लढतीत आज भारतासमोर दक्षिण आफ्रिकेचे आव्हान
South Africa vs Afghanistan, T20 World Cup semi-final
T20 World Cup 2024 : दक्षिण आफ्रिकेला अफगाणिस्तान रोखणार?उपांत्य फेरीच्या लढतीत आज आमनेसामने
wikiLeaks founder julian assange released from prison after us plea deal
‘विकिलिक्स’च्या असांज यांची सुटका; अमेरिकेबरोबर करारानंतर दिलासा; पाच वर्षांनंतर ब्रिटनच्या तुरुंगाबाहेर
taliban minister talk to rashid khan
T20 World Cup : रशीद खानच्या शिलेदारांचं तालिबानी नेत्याने केलं कौतुक; अफगाणिस्तान क्रिकेट बोर्डाने शेअर केला व्हिडीओ
AUS vs AFG match memes viral on social media
VIDEO : अफगाणिस्तानच्या ऐतिहासिक विजयानंतर मीम्सचा महापूर, नेटकऱ्यांनी मॅक्सवेलची अंडरडेकरशी केली तुलना

गेल्या आठवड्यात टी-२० विश्वचषकातील गट सामन्यात एकेकाळच्या विश्वविजेत्या पाकिस्तानला अमेरिकेसारख्या नवख्या संघाने सुपर ओव्हरमध्ये पराभवाचा धक्का दिला. दोन्ही संघांनी प्रत्येकी १५९ धावा केल्यावर, ‘सुपर ओव्हर’मध्ये विजय निश्चित झाला. सुपर ओव्हरमध्ये सुरूवातीला फलंदाजी करताना अमेरिकेने १८ धावा केल्या. या सुपर ओव्हरमधील पाकिस्तान संघाची फिल्डिंग ही खूपच सुमार दर्जाची होती आणि एका चौकारानंतर वाईड आणि एकेरी दुहेरी धावांच्या आधारे अमेरिका संघाने १८ धावा केल्या.

यानंतर सुपर ओव्हरमध्ये १८ धावांच्या लक्ष्याचा पाठलाग करताना पाकिस्तान अवघ्या १३ धावा करत पराभूत झाला. अमेरिकेकडून भारतीय वंशाच्या मराठमोळ्या सौरभ नेत्रावळकर शानदार गोलंदाजी केली. या पराभवामुळे पाकिस्तानचे चाहते, तज्ज्ञ आणि माजी क्रिकेटपटू निराश झाले होते. यानंतर पाकिस्तानला भारताकडून ही पराभव पत्करावा लागल्याने एकूणच संघाच्या कामगिरीवर सर्वच जण भडकले. जसप्रीत बुमराहच्या भेदक गोलंदाजीच्या जोरावर भारताने पाकिस्तानवर लो स्कोअरिंग सामन्यात ६ धावांनी विजय मिळवला.