Pakistan May be Out of T20 World Cup 2024 If India Defeats Them: टी-२० विश्वचषक २०२४ मधील गट सामन्यात भारत आणि पाकिस्तानचा संघ एकमेकांशी भिडणार आहे. आंतरराष्ट्रीय क्रिकेटमधील कट्टर प्रतिस्पर्धी असलेल्या या दोन्ही संघांमधील भिडंत पाहण्यासाठी चाहत्यांपासून क्रिकेट दिग्गजांपर्यंत सर्वच जण उत्सुक आहेत. भारत-पाकिस्तान लढतीत टीम इंडिया कायमचं वरचढ राहिली आहे. त्यामुळे आज म्हणजेच ९ जून रोजी होणाऱ्या या सामन्यात भारतीय संघ पाकिस्तानचा पराभव करत सुपर८ च्या दिशेने अजून एक पाऊल टाकण्याचा प्रयत्न असेल. तर पाकिस्तानने हा सामना गमावल्यास त्यांना यंदाच्या वर्ल्डकपमधून गाशा गुंडाळून मायदेशी परतावे लागू शकते.

भारत आणि पाकिस्तानचा संघ टी-२० विश्वचषकामध्ये आतापर्यंत सात वेळा आमनेसामने आला आहे. ज्यात तब्बल ६ वेळा भारताने विजय मिळवला आहे तर फक्त एकदाच पाकिस्तानला विजय मिळवण्यात यश आले. त्यामुळे पाकिस्तानसाठी ही लढत काही साधारण असणार नाही. वर्ल्डकपपूर्वी झालेली इंग्लंड विरूद्धची टी-२० मालिका आणि अमेरिकेविरूद्धच्या सामन्यातील पाकिस्तानचा फॉर्म पाहता भारताविरूद्ध खेळताना पाकिस्तानला खूप मेहनत घ्यावी लागणार आहे.

Harbhajan Singh Statement on Champions Trophy Hosts Pakistan
Harbhajan Singh: “तुम्हाला खेळायचंय तर खेळा, आमचा संघ पाकिस्तानात पाठवणार नाही..”, लाइव्ह शोमध्ये हरभजन सिंग भडकला, VIDEO व्हायरल
Kamran Akmal and Harbhajan Singh Video viral
WCL 2024 : शीख धर्माबद्दलच्या वादग्रस्त वक्तव्यानंतर कामरान अकमल-हरभजन सिंग आमनेसामने, VIDEO व्हायरल
AFG Coach Slams ICC After SA Victory
“स्वतःला अडचणीत आणायचं नाही पण..”, अफगाणिस्तान उपांत्य फेरीतून बाद होताच प्रशिक्षक ICC वर भडकले; म्हणाले, “पीच पूर्णपणे..”
Inzmam Ul Haq Accused India of Ball Tampering in IND v AUS
“भारताने बॉलसह…” पाकिस्तानच्या इंझमाम उल हकचा भारतीय संघावर मोठा आरोप, म्हणाले- “अर्शदीपला १५ व्या षटकात…”
taliban minister talk to rashid khan
T20 World Cup : रशीद खानच्या शिलेदारांचं तालिबानी नेत्याने केलं कौतुक; अफगाणिस्तान क्रिकेट बोर्डाने शेअर केला व्हिडीओ
We have a lot of belief in our group," Marsh said
IND vs AUS : ‘आम्ही पूर्णपणे तयार आहोत…’, कर्णधार मिचेल मार्शने भारताला दिले आव्हान; म्हणाला, ‘अवघ्या ३६ तासांत…’
Bizarre Claim by Ex-Player; Targets Pakistan Cricketers for Lack of Focus Because of Wives
VIDEO : ‘फक्त बायकोला घेऊन फिरा…’, हारिस रौफच्या वादानंतर माजी खेळाडू पीसीबी आणि पाकिस्तानी खेळाडूंवर संतापला
Babar Azam Accused for Fixing in PAK vs USA Match Watch Video
T20 WC 2024: अमेरिकेविरुद्धच्या सामन्यात बाबर आझमने केलं फिक्सिंग? पाकिस्तानमधल्या ज्येष्ठ पत्रकाराचा आरोप; VIDEO व्हायरल

हेही वाचा – बाबर आझमला इंग्रजीत विचारलेला प्रश्नच कळला नाही, पाकिस्तानच्या कर्णधाराचं उत्तर ऐकाल तर… VIDEO व्हायरल

ट्वेन्टी२० वर्ल्डकप २०२४च्या संरचनेनुसार प्रत्येक गटातील दोन अव्वल संघ सुपर८ साठी पात्र ठरतील. भारत, पाकिस्तानच्या गटात अमेरिका, कॅनडा आणि आयर्लंडचा समावेश आहे. भारतीय संघाने आयर्लंडचा धुव्वा उडवत दमदार सलामी दिली. दुसरीकडे पाकिस्तानला अमेरिकेविरुद्ध धक्कादायक पराभवाला सामोरं जावं लागलं. अमेरिका आणि भारताविरुद्ध पराभूत झाल्यास पाकिस्तानसाठी पुढची फेरी गाठणं खडतर होईल. भारताविरुद्धच्या लढतीनंतर पाकिस्तानसमोर आयर्लंड आणि कॅनडाचं आव्हान आहे. तुलनेने या लढती सोप्या आहेत.

हेही वाचा – आझम खान: घराणेशाहीचा आरोप होणारा वजनदार खेळाडू का होतो ट्रोल?

अमेरिकेने सलामीच्या लढतीत कॅनडावर विजय मिळवला होता. त्यामुळे सद्यस्थितीत अमेरिका गटात अव्वल स्थानी आहेत. भारताविरुद्ध पराभूत झाल्यास पाकिस्तानसाठी सुपर८चा रस्ता बंद होऊ शकतो. कारण उर्वरित दोन लढती जिंकल्या तरी पाकिस्तानचे चारच गुण होऊ शकतात. अमेरिका आणि भारताला ८ गुण पटकावण्याची संधी आहे. अमेरिकला तूर्तास तरी पाकिस्तानपेक्षा सुपर८ फेरी गाठण्याची संधी जास्त आहे. त्यातही जर अमेरिकेने पुढील लढती गमावल्या तरी अमेरिकेचा नेट रन रेट हा पहिले दोन सामने जिंकल्याने चांगला आहे.

त्यामुळे भारताविरुद्ध जिंकणं पाकिस्तानसाठी करो या मरो अशी आहे. ट्वेन्टी२० वर्ल्डकप स्पर्धेच्या इतिहासात पाकिस्तानच्या संघाने नेहमी बाद फेरी गाठली आहे. मात्र यंदा त्यांच्या डोक्यावर टांगती तलवार आहे. पाकिस्तानने तीन वेळा स्पर्धेची अंतिम फेरी गाठली आहे तर एकदा जेतेपदावर नाव कोरलं आहे.