पॅरिस : पोलंडची अग्रमानांकित इगा श्वीऑनटेक आणि अनेक नामांकित टेनिसपटूंना नमवत आगेकूच करणारी चेक प्रजासत्ताकची बिगरमानांकित कॅरोलिना मुचोव्हा शनिवारी फ्रेंच खुल्या टेनिस स्पर्धेतील महिला एकेरीच्या जेतेपदासाठी एकमेकांसमोर असतील.

महिला एकेरीच्या पहिल्या उपांत्य सामन्यात मुचोव्हाने दुसऱ्या मानांकित अरिना सबालेन्काला नमवत स्पर्धेची अंतिम फेरी गाठली. मुचोव्हाने या लढतीत सबालेन्काला ७-६ (७-५), ६-७ (५-७), ७-५ असे पराभूत करत प्रथमच ग्रँडस्लॅम स्पर्धेच्या अंतिम फेरीत प्रवेश मिळवला. जानेवारीत ऑस्ट्रेलियन खुल्या टेनिस स्पर्धेचे जेतेपद मिळवणारी सबालेन्का तिसऱ्या सेटमध्ये ५-२ अशा भक्कम स्थितीत होती. मात्र, यानंतर तिने २४ पैकी २० गुण गमावले आणि त्यामुळे तिला सामना गमवावा लागला. त्यापूर्वी, मुचोव्हाने पहिला सेट टायब्रेकरमध्ये जिंकला तर, दुसऱ्या सेटमध्ये सबालेन्काने बाजी मारत सामना बरोबरीत आणला. मुचोव्हाने यापूर्वी २०२१च्या ऑस्ट्रेलियन खुल्या टेनिस स्पर्धेची उपांत्य फेरी गाठली होती. मुचोव्हाने आतापर्यंत केवळ एकमेव ‘डब्ल्यूटीए’ जेतेपद हार्ड कोर्टवर मिळवले आहे. तसेच, फ्रेंच खुल्या टेनिस स्पर्धेत यापूर्वी ती कधीही तिसऱ्या फेरीच्या पुढे गेलेली नाही. त्यामुळे अंतिम सामन्यात तिच्या कामगिरीकडे विशेष लक्ष असेल.

ICC Champions Trophy History and Records in Marathi
Champions Trophy History: आधी २ मग ४ आणि आता तब्बल ८ वर्षांनी होतेय चॅम्पियन्स ट्रॉफी! विस्कळीत स्पर्धेची गोष्ट ठाऊक आहे का?
Manoj Jarange, Manoj Jarange movement,
विश्लेषण : मनोज जरांगे यांच्या आंदोलनाचा प्रभाव ओसरला?…
IND vs ENG Ravindra Jadeja surpasses Anil Kumble to become India second highest wicket taker in ODIs against England
IND vs ENG : रवींद्र जडेजाची सलग दुसऱ्या सामन्यात कमाल! अनिल कुंबळेला मागे टाकत ‘ही’ कामगिरी करणारा दुसरा भारतीय
Champions Trophy Corbin Bosch replaces injured Anrich Nortje in South Africa's Squad
Champions Trophy: फक्त एक आंतरराष्ट्रीय सामना खेळलेला खेळाडू चॅम्पियन्स ट्रॉफीच्या संघात दाखल, संघाने केली मोठी घोषणा
Pakistan Coach Aqib Javed says worry about Jasprit Bumrah ahead Champions Trophy 2025 Clash
Champions Trophy 2025 : ‘भारताने बुमराहची काळजी…’, पाकिस्तानच्या अंतरिम कोचने IND vs PAK सामन्यापूर्वी डिवचले
IND vs ENG Stampede scenes during 2nd ODI ticket sale in Cuttack few fans fall unconscious
IND vs ENG: भारत-इंग्लंड वनडे तिकिट विक्रीदरम्यान कटकमध्ये चेंगराचेंगरी, काही जण झाले बेशुद्ध; VIDEO व्हायरल
Maharashtra Kesari Wrestling Tournament Winner Prithviraj Mohol Reaction on shivraj rakshe
होय शिवराज राक्षेची एका बाजूची पाठ नक्कीच टेकली होती : पृथ्वीराज मोहोळ
India to Play Against South Africa in U19 Womens T20 World Cup 2025 What is the Match Timing
U19 Women’s T20 World Cup Final: भारताचा महिला संघ U19 वर्ल्डकपच्या अंतिम फेरीत कोणाविरूद्ध भिडणार? जाणून घ्या सामन्याची वेळ

अन्य उपांत्य सामन्यात, अपेक्षेनुसार श्वीऑनटेकने ब्राझीलच्या १४व्या मानांकित बिअट्रिझ हद्दाद माइआला ६-२, ७-६ (९-७) असे सरळ सेटमध्ये पराभूत केले. या सामन्यात महिलांच्या जागतिक क्रमवारीत अग्रस्थानी असलेल्या श्वीऑनटेकने आपल्या शैलीत सुरुवात केली. आपल्या फटकांच्या जोरावर तिने पहिल्या सेटमध्ये हद्दादला पुनरागमन करण्याची कोणतीच संधी दिली नाही. श्वीऑनटेकने आरामात पहिला सेट जिंकला. दुसऱ्या सेटमध्ये हद्दादने आपला खेळ उंचावत श्वीऑनटेकसमोर आव्हान उपस्थित केले आणि सेट टायब्रेकपर्यंत नेला. मात्र, श्वीऑनटेक पुनरागमन करत सेटसह सामना जिंकला आणि सलग दुसऱ्यांदा स्पर्धेची अंतिम फेरी गाठली. श्वीऑनटेक गतविजेती असल्याने मुचोव्हाविरुद्धच्या सामन्यात ती जेतेपदाची प्रबळ दावेदार समजली जात आहे.

वेळ : सायं : ६.३० वा. ल्लथेट प्रक्षेपण : सोनी स्पोर्ट्स टेन २,५

Story img Loader