IND vs AUS : पुजाराला बाद करण्यात लॉयनसोबत शेन वॉर्नचाही हात, जाणून घ्या कसं?

वॉर्नने व्यक्त केलेला अंदाज ठरला तंतोतंत खरा

अर्धशतकवीर पुजारा दुसऱ्या डावात माघारी परतत असताना

अॅडलेड कसोटी जिंकण्यासाठी भारताने ऑस्ट्रेलियाला 323 धावांचं आव्हान दिलं आहे. दुसऱ्या डावात भारतीय फलंदाजांनी ऑस्ट्रेलियन गोलंदाजांचा समर्थपणे सामना केला. चेतेश्वर पुजारा, अजिंक्य रहाणे यांनी दुसऱ्या डावात अर्धशतकी खेळी करुन भारताला आघाडी मिळवून देण्यात मोठा वाटा उचलला. हे दोन्ही फलंदाज खेळपट्टीवर असताना त्यांना बाद करणं ऑस्ट्रेलियन गोलंदाजांठी जिकरीचं काम होऊन बसलं होतं.

अखेर फिरकीपटू नेथन लॉयनने पुजाराला बाद करत भारताची जमलेली जोडी फुटली. पुजाराने 71 धावांची खेळी केली. मात्र पुजाराला बाद करण्यात ऑस्ट्रेलियाचा माजी फिरकीपटू शेन वॉर्नचाही तितकाच महत्वाचा वाटा होता. लॉयनच्या गोलंदाजीदरम्यान शेन वॉर्न फॉक्स क्रिकेट वाहिनीसाठी समालोचन करत होता. यावेळी लॉयनचा मारा पाहून, शेन वॉर्नने समालोचन करत असताना पुजाराविरुद्ध एका विशिष्ट टप्प्यात लॉयनने मारा केला तर त्याला विकेट मिळेलं असं वक्तव्य केलं, आणि आश्चर्याची गोष्ट म्हणजेच दुसऱ्याच चेंडूवर पुजारा लॉयनच्या गोलंदाजीवर बाद झाला.

शेन वॉर्नच्या या अंदाजाचं त्याचा सहकारी समालोचक मायकन वॉर्ननेही कौतुक केलं. दुसऱ्या डावात लॉयनने भारताच्या 6 फलंदाजांना माघारी धाडलं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ind vs aus shane warne accurately predicts cheteshwar pujaras wicket in nathan lyons over

ताज्या बातम्या