India vs Australia, 1st Test: भारताचा स्टार फलंदाज सूर्यकुमार यादवने दोन वर्षांच्या कालावधीत वन डे आणि टी२० फॉर्मेटमध्ये आपले स्थान पक्के केले आहे. टीम इंडियामध्ये प्रत्येक स्थानासाठी अनेक खेळाडू आपल्या वेळ कधी येणार याची वाट पाहत आहेत, तर अनेकांना संघात स्थान मिळवूनही अंतिम प्लेइंग इलेव्हनमध्ये स्थान मिळवता आलेले नाही, या सगळ्यात सूर्यकुमार भाग्यवान ठरला आणि त्याने अनेक विस्फोटक खेळी करून दाखवल्या. आक्रमक फलंदाजी करताना त्याने मर्यादित षटकांच्या क्रिकेटमध्ये स्वत:चे स्थान निर्माण केले आहे आणि आता त्याची नजर कसोटी क्रिकेटकडे आहे. ऑस्ट्रेलियाविरुद्धच्या आगामी कसोटी मालिकेतील पहिल्या दोन सामन्यांसाठीही त्याला संघात स्थान मिळाले आहे. भारत आणि ऑस्ट्रेलिया यांच्यात ९ फेब्रुवारीपासून सुरू होणाऱ्या कसोटी मालिकेत सूर्यकुमार यादव टीम इंडियाचा भाग आहे. या मालिकेपूर्वी, त्याने सोशल मीडियावर एका नवीन लाल चेंडूसह एक फोटो शेअर केला आणि लिहिले आहे की, “नमस्कार मित्रा. यानंतर, सूर्यकुमार यादव ९ फेब्रुवारीला आपल्या कसोटी कारकिर्दीला सुरुवात करू शकतो अशी अटकळ बांधली जात आहे.” मिस्टर ३६० डिग्री सूर्यकुमार यादवची इंस्टाग्राम पोस्ट सूर्यकुमार यादवही ऑस्ट्रेलियाविरुद्धच्या कसोटी मालिकेसाठी खूप उत्सुक दिसत आहे. त्याने शुक्रवारी (३ फेब्रुवारी) इंस्टाग्रामवर एक पोस्ट शेअर केली, ज्यामध्ये एक लाल चेंडू दिसत आहे. सूर्यकुमारने पोस्टला कॅप्शन दिले, "हॅलो फ्रेंड्स" सूर्यकुमारने २०२२ हे वर्ष अप्रतिमपणे पार पाडले, अनेक विक्रम मोडले आणि कसोटी क्रिकेटच्या या फॉरमॅटमध्येही अनेक यश मिळवेन.” यंदाही तो त्याच शैलीत खेळताना दिसत आहे. भारताच्या प्लेइंग ११ मध्ये सूर्यकुमारचा समावेश झाल्यास तो सहाव्या क्रमांकावर फलंदाजी करू शकतो. त्याचवेळी लोकेश राहुल पाचव्या क्रमांकावर खेळेल. वन डे मध्ये आश्चर्यकारक कामगिरी केल्यानंतर, रोहित आणि गिल ही जोडी कसोटीतही डावाची सुरुवात करू शकते. तिसऱ्या क्रमांकावर पुजारा आणि चौथ्या क्रमांकावर विराट कोहलीला खेळवण्याचा निर्णय घेण्यात आला आहे. रवींद्र जडेजा सातव्या क्रमांकावर आणि आर अश्विन आठव्या क्रमांकावर फलंदाजीला येईल. अशा परिस्थितीत टीम इंडियाची फलंदाजी खूप मजबूत असेल. त्याच वेळी, खेळपट्टीनुसार, तीन वेगवान गोलंदाज किंवा दोन वेगवान गोलंदाजांसह एका अतिरिक्त फिरकी गोलंदाजाचा संघात समावेश केला जाऊ शकतो. पंतची जागा सूर्यकुमार यादव घेऊ शकतो या मालिकेत ऋषभ पंत टीम इंडियाचा भाग नाही. कार अपघातानंतर झालेल्या दुखापतीतून तो सावरत आहे. पंत हा भारताच्या कसोटी संघाचा महत्त्वाचा घटक आहे. गेल्या वर्षी तो या फॉरमॅटमध्ये देशासाठी सर्वाधिक धावा करणारा फलंदाज होता. पंत मधल्या फळीत येतो आणि झटपट धावा करतो आणि सामन्याचे चित्र पालटतो. याचा फायदा भारतीय संघाला मिळतो आणि महत्त्वाच्या प्रसंगी टीम इंडियाने अनेकवेळा सामन्यावर पकड मिळवली आहे. सूर्यकुमारलाही हीच भूमिका दिली जाऊ शकते. सहाव्या क्रमांकावर येताना किंवा जेव्हा जेव्हा विरोधी गोलंदाज वर्चस्व गाजवत असतात तेव्हा तो वेगवान धावा करून भारताच्या बाजूने पारडे झुकवू शकतो. याचा फायदा उर्वरित फलंदाजांनाही होईल. हेही वाचा: IND vs AUS: “टीम इंडियासाठी दोन फिरकीपटू खूप झाले…”, ऑस्ट्रेलियन कर्णधार पॅट कमिन्सचा फाजील आत्मविश्वास! बॉर्डर-गावसकर ट्रॉफीच्या पहिल्या दोन कसोटी सामन्यांसाठी भारतीय संघ रोहित शर्मा (कर्णधार), केएल राहुल (उपकर्णधार), शुबमन गिल, चेतेश्वर पुजारा, विराट कोहली, श्रेयस अय्यर, केएस भरत, इशान किशन, आर अश्विन, अक्षर पटेल, कुलदीप यादव, रवींद्र जडेजा, मोहम्मद शमी, मोहम्मद सिराज, उमेश यादव, जयदेव उनाडकट, सूर्यकुमार यादव.
