Hemang Badani On Dravid-Laxman Historic Partnership: आजचा दिवस भारतीय क्रिकेट इतिहासासाठी अतिशय संस्मरणीय आहे. वास्तविक, आजपासून अगदी २२ वर्षांपूर्वी म्हणजेच १४ मार्च २००१ रोजी व्हीव्हीएस लक्ष्मण आणि राहुल द्रविड यांनी भारतीय चाहत्यांना अपेक्षित नसलेली कामगिरी केली होती. स्टीव्ह वॉच्या नेतृत्वाखाली बलाढ्य ऑस्ट्रेलियन संघ टीम इंडियासमोर होता. मैदान होते कोलकाताचे ईडन गार्डन. भारतीय फलंदाज व्हीव्हीएस लक्ष्मण आणि राहुल द्रविड यांनी ऑस्ट्रेलियाच्या भक्कम गोलंदाजीसमोर ३७६ धावांची विक्रमी भागीदारी केली. या कसोटी सामन्याच्या चौथ्या दिवशी दोन्ही खेळाडूंनी संपूर्ण खेळ केला. बॉर्डर गावसकर करंडक स्पर्धेतील भारत आणि ऑस्ट्रेलिया यांच्यातील २००१ची ईडन गार्डन्स कसोटी क्रिकेट चाहत्यांना विसरता येणार नाही. राहुल द्रविड आणि व्हीव्हीएस लक्ष्मण यांनी ३७६ धावांची विक्रमी भागीदारी केली. यामुळे टीम इंडियाने जबरदस्त पुनरागमन करत फॉलोऑननंतरही विजय मिळवला. राहुल द्रविडने १८० आणि व्हीव्हीएस लक्ष्मणने २८१ धावा केल्या. भारताचा माजी खेळाडू हेमांग बदानीने या सामन्याबाबत मोठा खुलासा केला आहे. ते म्हणाले की, तिसऱ्या दिवसाचा खेळ संपल्यानंतर टीम इंडियाच्या खेळाडूंच्या बॅगा खचाखच भरल्या होत्या. मैदानावरून थेट विमानतळावर पोहोचण्याची तयारी टीम करत होती. सौरव गांगुलीच्या नेतृत्वाखालील संघात बदानीही होता. तिसऱ्या दिवशीच आम्ही बॅग पॅक केल्या होत्या- हेमांग बदानी हेमांग बदानी यांनी ट्विट केले की, “तिसर्‍या दिवसानंतर आम्ही आमचे सुटकेस, बॅग पॅक केले होते हे फार लोकांना माहीत नाही. त्याला थेट विमानतळावर नेले जाणार होते आणि टीम मैदानावरून थेट विमानतळावर जाणार होती. त्यानंतर या दोघांनी दिवसभर एकही विकेट न गमावता जादूगारांसारखी फलंदाजी केली. आम्ही हॉटेलवर परत आलो तेव्हा आमच्याकडे आमची सुटकेस नव्हती आणि रात्री ९ वाजेपर्यंत क्रिकेट किट घातल्या होत्या. आमच्यापैकी अनेकांनी आमच्या पांढऱ्या कपड्यांमध्ये हॉटेलच्या रेस्टॉरंटमध्ये जेवण केले.” ऑस्ट्रेलियाने पहिल्या डावात ४४५ धावा केल्या होत्या प्रथम फलंदाजी करण्याचा निर्णय घेतल्यानंतर ऑस्ट्रेलियाने कर्णधार स्टीव्ह वॉच्या ११० धावांच्या जोरावर पहिल्या डावात ४४५ धावा केल्या. हरभजन सिंगने हॅटट्रिक घेतली. प्रत्युत्तरात भारतीय संघ पहिल्या डावात १७१ धावांवर गारद झाला. व्हीव्हीएस लक्ष्मणने सर्वाधिक ५९ धावा केल्या. भारताला फॉलोऑन मिळाला आणि त्यानंतर टीम इंडियाने पुनरागमन केले. हेही वाचा: IND vs AUS: अश्विन-जडेजाच्या भविष्यावर कर्णधार रोहित शर्माचं मोठं वक्तव्य, बदलणार ‘गेम प्लॅन’? भारत १७१ धावांनी विजयी झाला तिसऱ्या क्रमांकावर फलंदाजीला आलेल्या व्हीव्हीएस लक्ष्मणने ४४ चौकारांच्या मदतीने २८१ धावा केल्या. राहुल द्रविड (१८०) सोबत पाचव्या विकेटसाठी १७६ धावांची भागीदारी केली. चौथ्या दिवसभर दोघांनी फलंदाजी केली. भारताने दुसऱ्या डावात सात विकेट गमावत ६५७ धावा केल्या. पाचव्या दिवसाच्या खेळपट्टीवर ऑस्ट्रेलियाला ३८४ धावांचे लक्ष्य मिळाले. हरभजन सिंगने सहा विकेट घेतल्याने भारताने १७१ धावांनी विजय मिळवला.
