IND vs ENG 2nd T20I: इंग्लंडचा भारतावर एक षटक राखून सोपा विजय! रवी बिश्नोईचं षटक ठरलं टर्निंग पॉईंट

रवी बिश्नोईच्या १७व्या षटकाने सामना पूर्ण फिरवला. भारताच्या हातात असलेला सामना १७व्या षटकात हातातून निसटला. रवी बिश्नोईच्या बॅकफूट नो बॉलने भारताला चांगलाच दणका दिला. रवी बिश्नोईने या सामन्यात दोन नो बॉल टाकले आणि फ्रि हिटवर बिश्नोईने २ षटकार मारले. याशिवाय अजून एक षटकार व चौकार लगावत या षटकात त्याने आपलं अर्धशतक पूर्ण केलं आणि २९ धावा कुटल्या. यासह आता इंग्लंडला विजयासाठी १८ चेंडूत २० धावांची गरज आहे.

अर्शदीप सिंगने १३व्या षटकातील अखेरच्या चेंडूवर टॉम बँटनला झेलबाद करत संघाला ब्रेकथ्रू मिळवून दिला. बँटन ३९ धावा करत बाद झाला.

अक्षर पटेलच्या पाचव्या षटकात हॅरी ब्रुक माघारी परतला. अक्षरने टाकलेला चेंडू ब्रुकच्या ग्लोव्हजला लागून किपरच्या हातात गेला आणि तितक्यात इशान किशनने झेलबाद झाल्याचं अपील केलं. पंचांनी वाईड चेंडू देताच इशानच्या सांगण्यावरून श्रेयसने रिव्ह्यू घेतला आणि हॅरी ब्रुक झेलबाद झाला. यासह भारताला महत्त्वाची विकेट मिळाली.

अर्शदीप सिंगने जोस बटलरला बाहेर जाणारे चेंडू टाकत सेट केलं आणि अचानक स्विंग चेंडू पायात टाकत त्याला अडकवलं. बटलरने फ्लिक केलेला चेंडू वरूण चक्रवर्तीच्या डोक्यावर जात होता, पण त्याने हवेत झेप घेत कमालीचा झेल टिपला आणि संघाला पहिल्या षटकात दुसरी विकेट मिळाली.

तिलक वर्माने अखेरच्या षटकात जोफ्रा आर्चरच्या गोलंदाजीवर चौकार-षटकारांची आतिषबाजी करत भारताला १९० धावांचा पल्ला गाठून दिला. १८व्या षटकापर्यंत टीम इंडियाने १६२ धावाच केल्या होत्या. त्यानंतर १९व्या षटकात अक्षर पटेल झेलबाद झाला आणि जोश टंगच्या अखेरच्या चेंडूवर हर्षित राणाने षटकार खेचला. त्यानंतर २० व्या षटकात जोफ्रा आर्चर गोलंदाजीला आला. आर्चरच्या गोलंदाजीवर तिलक वर्माने पहिल्या दोन चेंडूवर दोन षटकार खेचले आणि तिसऱ्या चेंडूवर चौकार मारला. तर अखेरच्या चेंडूवर हर्षित राणा झेलबाद झाला. यासह भारताने २० षटकांत ७ बाद १९० धावा केल्या आणि इंग्लंडला विजयासाठी १९१ धावांचं आव्हान दिलं.

सॅम करनने १६व्या षटकातील अखेरच्या चेंडूवर शिवम दुबेला झेलबाद करत टीम इंडियाला चौथा धक्का दिला आहे. यासह संघाने १६ षटकांत ४ बाद १४६ धावा केल्या आहेत. इंग्लंडच्या गोलंदाजांनी उत्कृष्ट गोलंदाजी करत भारताच्या धावांवर नियंत्रण ठेवलं आहे.

श्रेयस अय्यर लियाम डॉसनच्या षटकात मोठा फटका खेळताना झेलबाद झाला. श्रेयस २२ चेंडूत ३ चौकार व एका षटकारासह ३७ धावांची खेळी केली. १३ षटकांत भारताने ३ बाद १३० धावा केल्या आहेत.

वैभव-अभिषेक बाद झाल्यानंतर श्रेयस अय्यर व इशान किशन यांनी संघाचा डाव सावरला आहे. यासह १० षटकांत भारताने २ बाद ९६ धावा केल्या आहेत. श्रेयस अय्यर १४ धावा तर इशान किशन १८ धावांवर खेळत आहे.

पदार्पणाच्या सामन्यात वैभव सूर्यवंशी १४ धावांवर बाद झाला. पाचव्या षटकात विल जॅक्स गोलंदाजीला आला आणि जॅक्सच्या पाचव्या चेंडूवर पुढे येऊन फटका खेळायला वैभव चुकला. चेंडू थेट विकेटकीपरच्या हातात गेला आणि स्टंपिंग होत वैभव सूर्यवंशी बाद झाला. निराश होत वैभव माघारी परतला. वैभवने पहिल्याच सामन्यात १० चेंडूत २ षटकारांसह १४ धावा केल्या आहेत.

जोफ्रा आर्चर व वैभव सूर्यवंशी यांच्यातील लढत पाहण्यासाठी सर्वच जण उत्सुक होते. तिसऱ्या षटकात वैभव व आर्चर आमनेसामने आले. वैभवने पहिल्याच चेंडूवर गुडघा टेकत मागच्या बाजूला षटकार खेचला.

https://twitter.com/VaibhavEraa/status/2073402794208592209

भारत आणि इंग्लंड यांच्यातील दुसऱ्या टी-20 सामन्याला सुरूवात झाली आहे. भारतीय संघ प्रथम फलंदाजीला उतरला असून पदार्पणवीर वैभव सूर्यवंशी व अभिषेक शर्माची जोडी मैदानावर उतरली आहे. तर जोफ्रा आर्चरने गोलंदाजीला सुरूवात केली आहे.

फिलिप सॉल्ट, जोस बटलर (यष्टीरक्षक), हॅरी ब्रूक (कर्णधार), जेकब बेथेल, टॉम बँटन, सॅम करन, विल जॅक्स, लियाम डॉसन, आदिल रशीद, जोफ्रा आर्चर, जोश टंग

भारत आणि इंग्लंड यांच्यातील दुसऱ्या टी-२० सामन्याची नाणेफेक भारताने जिंकली आहे आणि संघाने प्रथम फलंदाजी करण्याचा निर्णय घेतला आहे. यासह श्रेयस अय्यरने संघातील मोठा बदलही जाहीर केला आहे.

मँचेस्टरमधून रवी शास्त्री यांनीही वैभव सूर्यवंशीचं पदार्पण होण्याची शक्यता असल्याचं म्हटलं आहे. वैभव सूर्यवंशी व संजू सॅमसन यांची बॉडी लँग्वेज पाहता वैभव आज पदार्पण करू शकतो आणि तो संजूच्या जागी खेळण्याची शक्यता आहे, अशी माहिती रवी शास्त्री यांनी दिली.

भारत आणि इंग्लंड यांच्यातील दुसरा टी-२० सामना सोनी स्पोर्ट्स या टीव्ही चॅनेलवर लाईव्ह पाहता येणार आहे. तर मोबाईलवर सोनी लिव्ह व जिओ हॉटस्टार या अॅपवर लाईव्ह प्रक्षेपण पाहता येईल.