IND vs ENG Highlights T20 WC 2026 SF: टीम इंडियाची फायनलमध्ये धडक; अटीतटीच्या लढतीत ७ धावांनी विजयी

जेकब बेथलने अवघ्या १९ चेंडूत ३ चौकार व ५ षटकारांसह अर्धशतक झळकावलं आहे. यासह त्याने इंग्लंडच्या रन चेसमध्ये आशा कायम ठेवल्या आहेत. यासह इंग्लंडला विजयासाठी ५४ चेंडूत १२३ धावांची गरज आहे. इंग्लंडने ११ षटकांत ४ बाद १३५ धावा केल्या आहेत.

वरूण चक्रवर्ती पॉवरप्लेमधील अखेरचं षटक टाकण्यासाठी आला. त्याच्या षटकातील पहिल्या ३ चेंडूंवर जेकब बेथलने षटकार खेचले. यानंतर पाचव्या चेंडूवर वरूणने बटलरला क्लीन बोल्ड करत लगेच बदला घेतला. यासह पॉवरप्लेमध्ये इंग्लंडने ३ बाद ६८ धावा केल्या आहेत.

हार्दिक पंड्याच्या दुसऱ्या षटकातील पहिल्याच चेंडूवर फिल सॉल्ट खाली पाहून शॉट खेळायला गेला आणि चेंडू बॅटची कड घेत हवेत उंच उडाला आणि अक्षर पटेलने परफेक्ट झेल टिपला. यासह १३ धावांवर इंग्लंडने पहिली विकेट गमावली. अक्षरने झेल टिपल्यानंतर हार्दिकने त्याला किस दिली.

हार्दिक पंड्याने अखेरच्या षटकात २ षटकार लगावले आणि संघाला २५० धावांपर्यंत पोहोचवलं, यानंतर हार्दिक २ धावा घेण्याच्या प्रयत्नात धावबाद झाला. टीम इंडियाने वानखेडेच्या मैदानावर वादळी फटेकबाजी करत धावांचा पाऊस पाडला आणि २० षटकांत ७ बाद २५३ धावा केल्या आहेत. यासह टीम इंडियाने धावांचा डोंगर उभारत इंग्लंडला फायनल गाठण्यासाठी २५४ धावांचं मोठं लक्ष्य दिलं आहे.

२५४ धावा करत भारताने अनेक विक्रम केले आहेत. नॉकआऊट सामन्यात २५० धावसंख्या करणारा भारत पहिला संघ ठरला आहे. तर विश्वचषकात दोन वेळा २५० अधिक धावा करणाराही भारत पहिला संघ ठरला.

सॅम करन १८वं षटक टाकण्यासाठी आला आणि या षटकात हार्दिक पंड्याने शिवम दुबेला धावबाद केलं. हार्दिकने करनचा चेंडू टोलवला आणि एक धाव घेऊ की नको घेऊ नको या पद्धतीने पुढे आला, पण शिवम दुबे अर्ध क्रिज पुढे आला होता. हार्दिक मागे गेल्याने दुबे पुन्हा क्रिजकडे पळाला पण तोपर्यंत तो धावबाद झाला होता. यासह शिवम २५ चेंडूत १ चौकार व ४ षटकारांसह ४३ धावा करत बाद झाला.

१६व्या षटकात आदिल रशीदच्या षटकात शिवम व सूर्याने दोन षटकार खेचत चांगली सुरूवात केली. पण चौथ्या चेंडूवर गुगलीवर सूर्या स्टंपिग होत बाद झाला. यासह भारताला चौथा धक्का बसला. यासह भारताने १६ षटकांत ४ बाद १९० धावा केल्या आहेत.

विल जॅक्सला १४वं षटक टाकण्यासाठी बोलावलं आणि त्याने येताच भारताला तिसरा धक्का दिला. विल जॅक्सच्या चेंडूवर मोठा फटका खेळण्याच्या प्रयत्नात संजू झेलबाद झाला. पुन्हा एकदा संजूचं शतक हुकलं. यासह संजू ४२ चेंडूत ८ चौकार व ७ षटकारांसह ८९ धावा करत झेलबाद झाला.

आदिल रशीद १०वं षटक टाकण्यासाठी आला. त्याच्या षटकातील दुसऱ्या चेंडूवर इशानने चौकार खेचला आणि तिसऱ्या चेंडूवर पुढे येत मोठा फटका खेळायला गेला पण चेंडू हवेत उंच उडाला आणि इशान झेलबाद झाला. यासह इशान व संजूने केलेली ४५ चेंडूत ९७ धावांची भागीदारी तुटली आहे. इशान १८ चेंडूत ४ चौकार व २ षटकारांसह ३९ धावांची महत्त्वपूर्ण खेळी करत बाद झाला. यासह भारताने १० षटकांत २ बाद ११९ धावा केल्या आहेत.

संजू सॅमसनने २६ चेंडूत ७ चौकार व ३ षटकारांसह आपलं अर्धशतक पूर्ण केलं. टी-२० विश्वचषकातील हे संजूचं सलग दुसरं अर्धशतक आहे. लायम डॉसनच्या ८व्या षटकात षटकार खेचत त्याने अर्धशतक पूर्ण केलं. यासह ८ षटकांत भारताने १ विकेट गमावत ९२ धावा केल्या.

अभिषेक बाद झाल्यानंतर आलेल्या इशान किशननेही संजूला चांगली साथ दिली आहे. यासह भारताने ५ षटकांपूर्वीच ५० धावांचा आकडा गाठला आहे. यासह संंजूने ३१ धावा तर इशान १५ धावा खेळत आहे. ५ षटकं पूर्ण झाल्यानंतर भारताने बिनबाद ५५ धावा केल्या आहेत.