IND vs ENG: भारत-इंग्लंड टी-२० मालिकेचे सामने संध्याकाळी नव्हे रात्री उशिरा सुरू होणार, जाणून घ्या सामन्याची वेळ

सूर्यकुमार यादवच्या नेतृत्त्वाखाली भारतीय संघाने टी-२० विश्वचषक २०२६ चं जेतेपद पटकावलं. पण खराब फॉर्ममुळे सूर्यकुमारच्या जागी आता भारतीय संघाच्या नेतृत्त्वाची जबाबदारी श्रेयस अय्यरच्या खांद्यावर देण्यात आली आहे. श्रेयस अय्यर गेल्या बऱ्याच काळात भारताच्या टी-२० संघाचा भाग नव्हता, पण आता तो थेट भारताच्या टी-२० संघाचं नेतृत्तव करत आहे. त्याच्या नेतृत्त्वातील पहिल्याच मालिकेत संघाला लाजिरवाणा पराभव पत्करावा लागला. यानंतर इंग्लंड मालिकेत संघ कशी कामगिरी करणार यावर सर्वांच्या नजरा असतील.

भारत-इंग्लंड टी-२० मालिकेतील पहिला सामना भारतीय वेळेनुसार किती वाजता सुरू होणार?

इंग्लंडमध्ये टी-२० मालिका होणार असल्याने सर्व सामने भारतीय वेळेनुसार रात्री उशिरा खेळवण्यात येणार आहेत. भारत-इंग्लंड टी-२० सामने पाहण्यासाठी चाहत्यांनी रात्री उशिरापर्यंत जागं राहावं लागणार आहे. मालिकेतील पहिला सामना उद्या म्हणजेच १ जुलैला रात्री १० वाजता खेळवला जाईल. तर दुसरा सामना भारतीय वेळेनुसार ७ वाजता होईल. उर्वरित तिन्ही सामने रात्री १० वाजताच होतील. भारत-इंग्लंड मालिकेतील सामने सोनी स्पोर्ट्स टीव्ही चॅनेलवर लाईव्ह पाहता येतील. तर मोबाईलवर जिओ हॉटस्टार अॅपवर सामन्यांचं लाईव्ह प्रक्षेपण पाहता येईल.

भारताचा टी-२० संघ

श्रेयस अय्यर (कर्णधार), तिलक वर्मा (उपकर्णधार), अभिषेक शर्मा, अर्शदीप सिंग, शिवम दुबे, हर्षित राणा, इशान किशन, अक्षर पटेल, प्रसीध कृष्णा, प्रिन्स यादव, रवी बिश्नोई, संजू सॅमसन, वैभव सूर्यवंशी, सूर्यांश शेडगे, वरुण चक्रवर्ती, वॉशिंग्टन सुंदर.

इंग्लंडचा टी-२० संघ

हॅरी ब्रूक, जोफ्रा आर्चर, सनी बेकर, टॉम बँटन, जेकब बेथेल, जोस बटलर, जेम्स कोल्स, जॉर्डन कॉक्स, सॅम करन, लियाम डॉसन, विल जॅक्स, साकिब महमूद, आदिल रशीद, रेहान अहमद, फिल सॉल्ट, जोश टंग, ल्युक वूड.

भारत-इंग्लंड टी-२० मालिकेचं संपूर्ण वेळापत्रक

पहिला टी-२० सामना – चेस्टर-ले-स्ट्रीट – रात्री १० वाजता
दुसरा टी-२० सामना – मॅचेस्टर – रात्री ७ वाजता
तिसरा टी-२० सामना – नॉटिंगहम – रात्री १० वाजता
चौथा टी-२० सामना – ब्रिस्टोल – रात्री १० वाजता
पाचवा टी-२० सामना – साऊथम्पॅटन – रात्री १- वाजता