आयपीएलचे शेर आयर्लंडमध्ये ढेर! पाटा विकेट्सवरचे राजे खऱ्या पिचवर पडले उघडे, टीम इंडियाच्या फलंदाजांचं रिपोर्टकार्ड पाहा

आयपीएलमध्ये ‘इम्पॅक्ट प्लेयर’सारख्या नियमांमुळे आणि गोलंदाजांसाठी काहीही मदत नसलेल्या खेळपट्ट्यांमुळे या फलंदाजांचे रेकॉर्ड्स कागदावर भलेही मोठे वाटत असले, तरी खऱ्याखुऱ्या आव्हानांसमोर ते पार ढेर होतात, हेच सध्या पाहायला मिळालं. आयर्लंडसारख्या टी-२० मध्ये १२व्या क्रमांकावर असलेल्या संघाने वर्ल्ड चॅम्पियन भारतीय संघाला पराभवाचा धक्का दिला. आयर्लंडचा क्रिकेट इतिहासात भारताचा हा पहिलाच विजय आहे. पण या विजयानंतर भारताच्या फलंदाजी फळीचं पितळ जणू उघडं पडलं आहे.

आयर्लंडविरुद्धच्या पहिल्या टी-२० सामन्यात भारताच्या अनेक प्रमुख फलंदाजांना अपेक्षित कामगिरी करता आली नाही. संजू सॅमसन (५) श्रेयस अय्यर (३), तिलक वर्मा (१९), वॉशिंग्टन सुंदर आणि शिवम दुबे यांना मोठी खेळी करता आली नाही, तर संजू सॅमसन आणि इशान किशनलाही प्रभाव पाडता आला नाही. परिणामी भारताला ऐतिहासिक पराभवाचा सामना करावा लागला.

मात्र, याच खेळाडूंनी IPL 2026 मध्ये सातत्यपूर्ण आणि प्रभावी कामगिरी केली होती. इशान किशनने १८२.४२ चा स्ट्राईक रेट आणि ६ अर्धशतकांसह ६०२ सर्वाधिक धावा केल्या. संजू सॅमसनने २ शतकांसह ४७७ धावा केल्या होत्या तर श्रेयस अय्यरने १ शचतक आणि ५ शतकांच्या बळावर शानदार हंगाम गाजवला. तिलक वर्माने ३५९ धावा केल्या, ज्यामध्ये १ शतक व २ अर्धशतकांचा समावेश होता. वॉशिंग्टन सुंदरने ३ अर्धशतकं करत गुजरातसाठी ३७७ धावा केल्या होत्या. तर शिवम दुबेने २७० धावा करत आक्रमक फलंदाजी केली.

भारताच्या फलंदाजांची आयपीएल आणि आयर्लंड सामन्यातील कामगिरी