IND vs NED T20 WC 2026: भारताने नेदरलँड्सवर मिळवला शानदार विजय, हार्दिक-दुबे-वरूणची उत्कृष्ट कामगिरी

IND vs NED: भारताने नेदरलँड्सविरूद्ध गट टप्प्यातील अखेरच्या सामन्यात शानदार कामगिरी करत विजय मिळवला. ...सविस्तर वाचा

जसप्रीत बुमराह १६व्या षटकात गोलंदाजीला आला. या षटकात त्याने पाचव्या चेंडूवर नेदरलँड्सचा कर्णधार स्कॉट एडवर्ड्सला क्लीन बोल्ड केलं.

वरूण चक्रवर्ती १३वं षटक टाकण्यासाठी आला. वरूणने पहिलाच चेंडू गुगली टाकला, यावर एकरमन मोठा फटका खेळायला गेला आणि सीमारेषेजवळ रिंकू सिंहकरवी झेलबाद झाला. तर आर्यन दत्तला पहिल्याच चेंडूवर क्लीन बोल्ड करत माघारी धाडलं. यासह नेदरलँड्सने १३ षटकांत ४ बाद ९९ धावा केल्या.

वरूण चक्रवर्तीला पॉवरप्लेमधील अखेरचं षटक टाकण्याची जबाबदारी दिली. त्याने षटकातील चौथ्या चेंडूवर नेदरलँड्सचा सलामीवीर मॅक्स ओ'डाऊडला क्लीन बोल्ड केलं. यासह पॉवरप्लेमध्ये संघाने १ विकेट गमावत धावा केल्या आहेत.

१३व्या षटकात ११० धावांवर ४ विकेट्स अशी संघाची स्थिती असताना हार्दिक व शिवमने संघाचा डाव सावरला. शिवम व हार्दिकने ७६ धावांची भागीदारी रचत संंघाला २० षटकांत १९३ धावांपर्यंत पोहोचवलं. पॉवरप्लेमध्ये भारताचे दोन्ही फलंदाज माघारी परतले होते.

त्यानंतर तिलक वर्मा ३१ धावा करत झेलबाद झाला. यानंतर कर्णधार सूर्यादेखील ३४ धावा करत माघारी परतला. यानंतर शिवम दुबे व हार्दिक पंड्याने संघाचा डाव उचलून धरला. शिवमने या सामन्यात ३१ चेंडूत ४ चौकार व ६ षटकारांसह ६६ धावांची खेळी केली. तर हार्दिक पंड्याने २१ चेंडूत ३ षटकारांसह ३० धावा केल्या. तर रिंकू सिंगने येताच अखेरच्या षटकात एक षटकार खेचला. यासह भारताने नेदरलँड्सला विजयासाठी १९४ धावांचं लक्ष्य दिलं आहे.

हार्दिक पंड्या व शिवम दुबेने भारताचा डाव सावरला आहे. १९व्या षटकात दोघांनी मिळून २१ धावा कुटल्या आणि संघाला १८० धावांपर्यंत पोहोचवलं आहे. आता अखेरच्या षटकात दोघं किती धावा कुटणार, यावर सर्वांच्या नजरा असतील.

१४व्या षटकात क्लाईनच्या गोलंदाजीवर मोठा फटका खेळण्याच्या प्रयत्नात कर्णधार सूर्यकुमार यादव झेलबाद झाला. सूर्या २८ चेंडूत २ चौकार व एका षटकारासह ३४ धावा करत बाद झाला.

नेदरलँड्स संघाने उत्कृष्ट गोलंदाजी करत भारताच्या धावांना ब्रेक लावला आहे. १२ षटकांत भारताने ३ विकेट्स गमावत फक्त ८९ धावा केल्या आहेत. १२व्या षटकातील अखेरच्या चेंडूवर सूर्याने षटकार लगावला, जी संघाची १९ चेंडूंनंतर पहिली बाऊंड्री होती.

पॉवरप्लेमध्ये भारतीय संघाने २ बाद ५१ धावा केल्या आहेत. भारताचे दोन्ही सलामीवीर पॉवरप्लेमध्येच बाद होत माघारी परतले. सध्या तिलक वर्मा २६ धावा आणि कर्णधार सूर्या ७ धावा करत खेळत आहेत.

अभिषेक शर्मा सलग तिसऱ्या सामन्यात शून्यावर बाद झाला आहे. पहिल्या दोन चेंडूवर तो धाव घेण्याचा प्रयत्न करत होता. पण तिसऱ्या चेंडूवर चुकीच्या लेंग्थवर फटका मारण्यासाठी गेला आणि चेंडू जाऊन स्टंपवर आदळल्याने क्लीन बोल्ड झाला. आर्यन दत्तला पहिल्याच षटकात मोठी विकेट मिळाली.

भारतीय संघात २ मोठे बदल करण्यात आले आहेत. कुलदीप यादवच्या जागी अर्शदीप सिंग संघात परतला आहे. तर अक्षर पटेलला विश्रांती देण्यात आली असून वॉशिंग्टन सुंदर खेळताना दिसणार आहे.

इशान किशन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), हार्दिक पंड्या, शिवम दुबे, रिंकू सिंग, वॉशिंग्टन सुंदर, अर्शदीप सिंग, वरुण चक्रवर्ती, जसप्रीत बुमराह

Sunil Gavaskar Advice to Abhishek Sharma: टी-२० विश्वचषकात मोठी खेळी साकारण्यासाठी अपयशी ठरलेल्या अभिषेक शर्माला सुनील गावस्करांनी मोलाचा सल्ला दिला आहे. ...सविस्तर बातमी

टी-२० विश्वचषक २०२६ मध्ये भारताने एकही सामना गमावलेला नाही. दरम्यान, नेदरलँड्सने फक्त एक सामना जिंकला आहे. आंतरराष्ट्रीय क्रिकेटमध्ये भारत आणि नेदरलँड्स एकमेकांसमोर येण्याची ही पाचवी वेळ असेल.