“….विकेट गिराओ बाबर का”, IND vs PAK सामन्यापूर्वी ऋषभ पंतचा VIDEO व्हायरल; पाहा नेमकं काय झालं?

भारत आणि पाकिस्तान यांच्यातील सामना पाहत असताना चाहते विरोधी संघाची खिल्ली उडवतात. विरोधी संघावर वर्चस्व राखण्यासाठी विविध प्रकारचे डायलॉग देखील वापरले जातात. पाकिस्तानचा कर्णधार बाबर आझम हा टी-२० मधील आणि पाकिस्तान संघाचा एक विस्फोटक फलंदाज आहे. त्याला भारताविरूद्धच्या सामन्यात लवकर बाद करण्यासाठी चाहत्यांनी एक वाक्य तयार केले आहे ते म्हणजे “तेल लगाओ डाबर का, विकेट गिराओ बाबर का”

हेही वाचा – बाबर आझमला इंग्रजीत विचारलेला प्रश्नच कळला नाही, पाकिस्तानच्या कर्णधाराचं उत्तर ऐकाल तर… VIDEO व्हायरल

भारतीय संघाचा यष्टिरक्षक फलंदाज ऋषभ पंत याच्याकडून या ओळीवर प्रतिक्रिया मुलाखतीत विचारण्यात आली होती. आप की अदालत शोमध्ये पंत म्हणाला, “खेळाडूंच्या दृष्टीकोनातून बघितले तर पाकिस्तानी खेळाडूही त्यांच्या देशासाठी कठोर परिश्रम करतात. हा प्रकार सुरूच राहतो आणि गमतीची गोष्ट म्हणजे यामुळे सर्वांच्या भावना आपल्या देशासाठी भारतासाठी एकत्र येतात आणि त्यांच्या देशासाठी म्हणजे पाकिस्तानसाठीही. आपले चाहते जसे नवनवीन वाक्य तयार करत असतात जसं तुम्ही सांगितलंत आता ‘तेल लगाओ डाबर का, विकेट गिराओ बाबर का’ या गोष्टी क्रिकेटला अधिक रंजक बनवतात.”

ऋषभ पंतने १७ महिन्यांच्या मोठ्या कालावधीनंतर ५ जून रोजी भारताच्या टी-२० विश्वचषक स्पर्धेतील पहिल्या सामन्यासह आंतरराष्ट्रीय क्रिकेटमध्ये पुनरागमन केले. २६ वर्षीय खेळाडूने पुनरागमन करताना बॅट आणि ग्लोव्हज दोन्हीसह चमकदार कामगिरी केली. शानदार झेल टिपले आणि धावबाद करण्यातही भूमिका बजावली. यासह पंतने फलंदाजी करताना नाबाद ३६* (२६) धावा करून रोहित शर्माच्या मदतीने भारताला १२.२ षटकांत ९७ धावांचे आव्हान सहज गाठून दिले.