IND vs PAK: महामुकाबल्यात भारतच ‘किंग’! पाकिस्तानचा धुव्वा उडवत टीम इंडियाने राखले वर्चस्व

पाकिस्तानने फिरकीपटूला पहिलं षटक देण्याचा प्रयोग केला आहे. कर्णधार सलमान अली अघाने पहिलं षटक टाकण्याचा निर्णय घेतला आहे.

धडाकेबाज सलामीवीर अभिषेक शर्मा आणि फिरकीपटू कुलदीप यादव यांचा भारतीय संघाने अंतिम अकरात समावेश केला आहे.

टी२० वर्ल्डकपच्या कोलंबोतल्या लढतीदरम्यान पाकिस्तानच्या खेळाडूंशी हस्तांदोलन न करण्याचा निर्णय भारतीय संघाने घेतला आहे. सर्वसाधारणपणे टॉसच्या वेळी दोन्ही कर्णधार एकमेकांशी हस्तांदोलन करतात. सामना संपल्यानंतर शिष्टाचाराचा भाग म्हणून खेळाडू एकमेकांशी हस्तांदोलन करतात. मात्र भारतीय संघ पाकिस्तानविरुद्ध यापैकी काहीही करणार नसल्याचं समजतं. ऑपरेशन सिंदूरच्या पार्श्वभूमीवर झालेल्या आशिया चषक स्पर्धेत भारताचा कर्णधार सूर्यकुमार यादवने पाकिस्तानचा कर्णधार सलमान अली अघाशी हस्तांदोलन केलं नाही. सामना संपल्यानंतरही भारतीय खेळाडूंनी पाकिस्तानशी हस्तांदोलन केलं नाही. या भूमिकेवर जोरदार टीकाही झाली आणि अनेकांनी त्याला पाठिंबाही दर्शवला. हीच भूमिका टीम इंडिया टी२० वर्ल्डकपमध्येही कायम राखणार आहे.

२८वर्षीय उस्मान तारीक टीम इंडियासाठी डोकेदुखी ठरू शकतो. पाकिस्तानससाठी त्याे ४ टी२० सामन्यात त्याने ११ विकेट्स घेतल्या आहेत. त्याची अ‍ॅक्शन अनोखी आहे. रनअपमध्ये तो क्षण थांबतो. मात्र त्याची अ‍ॅक्शन नियमानुसार आहे.