Ind vs Pak Women's T20 Asia Cup: Ind vs Pak Women's T20 Asia Cup: Pakistan beat India by 13 runs avw 92 | Loksatta

Ind vs Pak Women’s T20 Asia Cup: पाकिस्तानने रोखला भारताचा विजयरथ, १३ धावांनी केला पराभव

महिला आशिया चषकातील भारत पाकिस्तान महामुकाबल्यात पाकिस्तानने भारतावर १३ धावांनी मात केली.

Ind vs Pak Women’s T20 Asia Cup: पाकिस्तानने रोखला भारताचा विजयरथ, १३ धावांनी केला पराभव
सौजन्य- आयसीसी (ट्विटर)

बांगलादेश येथे सुरू असलेल्या महिला आशिया चषक स्पर्धेतील तेरावा सामना आज भारत विरुद्ध पाकिस्तान यांच्यात खेळला गेला. महिला आशिया चषकातील भारत पाकिस्तान महामुकाबल्यात पाकिस्तानने भारतावर १३ धावांनी मात केली. विशेष म्हणजे कालच थायलँडने पाकिस्तानचा पराभव केला होता आणि आज पाकिस्तानने भारताचा पराभव करत भारताला मोठा धक्का दिला. पाकिस्तानने भारतासमोर विजयासाठी १३८ धावांचे आव्हान ठेवले होते. मात्र भारताचा संपूर्ण डाव १२४ धावात संपुष्टात आला. पाकिस्तानकडून नाशरा संधूने सर्वाधिक ३ गडी बाद करत भारताला बॅकफूटवर ढकलले. तर सादिका इक्बाल निदा दार यांनी प्रत्येकी २ बळी घेतले. फलंदाजीत निदा दारने नाबाद ५६ धावांची खेळी केली.

भारतीय संघ या स्पर्धेत तीन सामने जिंकला असून गुणतालिकेत अव्वल स्थानावर आहे. आजचा सामना जरी भारताने गमावला तरी भारत गुणतालिकेत अव्वल आहे. पाकिस्तानने आजचा सामना जिंकून दुसऱ्या स्थानावर झेप घेतली. तसेच ते उपांत्य फेरीत दाखल झाले. पाकिस्तानला मागील सामन्यात थायलंडने पराभूत करत चांगलाच धक्का दिला होता, त्यातून सावरत आणि स्पर्धेत आपले आव्हान कायम राखण्याच्या हेतूने ते मैदानात उतरणार आहेत. पाकिस्तानने नाणेफेक जिंकत प्रथम फलंदाजी करण्याचा निर्णय घेतला आहे. भारताच्या शफाली वर्मा आणि किरण नवगिरे या दोघींना अंतिम अकरातून वगळले आहे. तर स्नेह राणाच्या जागी राधा यादवची संघात एंट्री झाली आहे. पाकिस्ताननेही दोन बदल केले आहेत. कायनात इम्तियाज आणि डायना बेग यांच्याजागी आयमान अन्वर आणि सादिया इक्बाल यांची अंतिम अकरामध्ये निवड केली आहे.

भारतीय संघाकडून फलंदाजी करताना रिचा घोष हिने सर्वाधिक धावा केल्या. तिने १३ चेंडूत २६ धावा चोपल्या. या धावा करताना तिने एक चौकार तीन षटकार मारले. तिच्याव्यतिरिक्त दयालन मेहलता (२०), स्मृती मंधाना (१७), दिप्ती शर्मा (१६), एस मेघना (१५) आणि कर्णधार हरमनप्रीत कौर (१२) यांनाच दोन आकडी धावसंख्या पार करता आली. इतर एकाही फलंदाजाला १०धावांचा आकडाही पार करता आला नाही. यावेळी पाकिस्तानकडून गोलंदाजी करताना नशरा संधू हिने सर्वाधिक गडी बाद केले. तिने ४ षटके गोलंदाजी करताना ३० धावा देत ३ बळी घेतले. तिच्याव्यतिरिक्त सदिया इकबाल आणि निदा दर यांनी प्रत्येकी २ गडी बाद केले. तसेच, तुबा हसन हिला एक बळी मिळाला.

पाकिस्तानची पॉवर प्लेमध्ये ३ बाद ३३ धावा अशी अवस्था झाली असताना कर्णधार बिसमाह मारूफ आणि निदा दार यांनी पाकिस्तानचा डाव सावरला. या दोघींनी अर्धशतकी भागीदारी रचत संघाला शतकी मजल मारून दिली. त्यांच्यात ५८ चेंडूत ७६ धावांची भागीदारी झाली. कर्णधार बिस्मा महारूफने ३५ चेंडूत ३२ धावा केल्या. निदा दारच्या अर्धशतकी खेळीने पाकिस्तानने शंभरी गाठली. तिने ३७ चेंडूत ५६धावा केल्या. भारतीय महिलांनी पाकिस्तानला १५० च्या आत रोखले. दीप्ती शर्मा आणि पूजा वस्त्राकरने पाकिस्तानच्या सलामीवीरांना माघारी धाडत अडचणीत आणले. त्या दोघींनी मिळून पाकिस्तानचा निम्मा संघ तंबूत पाठवला. त्यांना साथ देत वेगवान गोलंदाज रेणुका सिंगने एक गडी बाद केला.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Lionel Messi Retirement: लियोनेल मेस्सीचा फुटबॉलला अलविदा? म्हणाला कतार विश्वचषक हा माझा शेवटचा…

संबंधित बातम्या

Shahid Afridi: “भारतात मिळणारे आदरातिथ्य पाकिस्तानपेक्षा…” शाहिद आफ्रिदीने दोन्ही देशात मिळणाऱ्या मान सन्मानाची केली तुलना
Video: अभिमानास्पद! ‘फिफा वर्ल्ड कप’मध्ये नोरा फतेहीने फडकावला भारताचा तिरंगा, ‘जय हिंद’ म्हणताच…
FIFA WC 2022:  माजी विश्वविजेत्या जर्मनीसह सात संघांचे आज ठरणार भवितव्य, कोणते चार संघ अंतिम १६ मध्ये पोहोचणार
मी पुन्हा येईन! बरखास्त केलेल्या निवड समितीच्या अध्यक्षांनी परत त्याच पदासाठी केला अर्ज
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स

व्हिडिओ

ताज्या बातम्या
पुणे: कात्रज प्राणी संग्रहालयातील गव्याचा मृत्यू
पुणे: एकाच दिवशी ३१ हजार नवमतदारांची नोंदणी; ४४२ महाविद्यालयात खास शिबिरे
“पाच कोटी मोजायला गेले होते का?” चंद्रकांत खैरेंच्या आरोपाला गुलाबराव पाटलांचं प्रत्युत्तर
मी पुन्हा येईन! बरखास्त केलेल्या निवड समितीच्या अध्यक्षांनी परत त्याच पदासाठी केला अर्ज
कंबरेला Paytm QR कोड बांधून उच्च न्यायालयाचा शिपाई घेता होता पैसे; न्यायाधीशांनी सुनावली शिक्षा, नेमकं काय आहे प्रकरण?