Premium

IND vs SA 1st T20 : भारत-दक्षिण आफ्रिकेतील पहिला सामना रद्द, ‘या’ तारखेला होणार दुसरी लढत

India vs South Africa 1st Match Updates : भारत आणि दक्षिण आफ्रिका यांच्यात डर्बनमधील किंग्समीड येथे खेळवण्यात येणारा पहिला टी-२० सामना पावसामुळे रद्द झाला. दुसरा सामना मंगळवारी खेळवला जाणार आहे.

IND vs SA 1st T20 Match Updates in marathi
भारत आणि दक्षिण आफ्रिका यांच्यातील पहिला टी-२० सामना पावसामुळे रद्द (फोटो-बीसीसीआय एक्स)

India vs South Africa 1st T20 Match Updates : भारत आणि दक्षिण आफ्रिका यांच्यातील तीन सामन्यांच्या टी-२० मालिकेतील पहिला सामना आज डर्बनमधील किंग्समीड येथे खेळवला जाणार होता. मात्र, पावसामुळे हा सामना सुरू होऊ शकला नाही. सततच्या पावसामुळे या सामन्याची नाणेफेकही होऊ शकली नाही. अशा परिस्थितीत हवामान आणि मैदानाची स्थिती लक्षात घेऊन पंचांनी सामना रद्द करण्याचा निर्णय घेतला.

या बातमीसह सर्व प्रीमियम कंटेंट वाचण्यासाठी साइन-इन करा

भारत आणि दक्षिण आफ्रिका यांच्यातील पहिला टी-२० सामन्याची नाणेफेक भारतीय वेळेनुसार संध्याकाळी ७ वाजता होणार होती. त्यानंतर सामना साडेसात वाजता सुरू होणार होता. मात्र, बराच वेळ पाऊस पडत होता. त्यामुळे नाणेफेक वेळेवर होऊ शकली नाही. यानंतर पाऊस थांबण्याची खूप वेळ प्रतीक्षा पाहण्यात आली, मात्र पाऊस थांबला नाही. त्यामुळे पंचांनी सामना रद्द करण्याचा निर्णय घेतला.

प्रेक्षक निराश होऊन परतले –

भारत आणि दक्षिण आफ्रिका यांच्यातील पहिला टी-२० सामना नाणेफेक न होता रद्द करण्यात आला. हा सामना पाहण्यासाठी हजारो चाहते स्टेडियममध्ये आले होते. या सामन्याची सर्व तिकिटे विकली गेली होती. मात्र, आता चाहत्यांना निराश होऊन घरी परतावे लागले. सामन्याशी संबंधित अधिकाऱ्यांनी बराच वेळ पाऊस थांबण्याची वाट पाहिली असली, तरी तब्बल अडीच तास प्रतीक्षा केल्यानंतर सामना रद्द करण्याचा निर्णय घेण्यात आला. आता उभय संघांमधला दुसरा सामना १२ डिसेंबरला गेबेरहा येथे होणार आहे. तिसरा आणि शेवटचा सामना १४ डिसेंबर रोजी जोहान्सबर्ग येथे होणार आहे.

हेही वाचा – T20 World Cup 2024 : विराट-रोहितच्या खेळण्यावर गौतम गंभीरचं मोठं वक्तव्य; म्हणाला, ‘टी-२० विश्वचषकासाठी दोन्ही खेळाडूंची…’

टी-२० विश्वचषकापूर्वी भारताचे फक्त ५ सामने शिल्लक –

आयसीसी टी-२० विश्वचषका २०२४ यावेळी परदेशी भूमीवर खेळवला जाईल. या विश्वचषकापूर्वी भारताला फक्त ५ टी-२० सामने खेळण्याची संधी मिळणार आहे. यापैकी भारतीय संघ अफगाणिस्तानसोबत मायदेशात तीन सामने खेळणार आहे. अफगाणिस्तानचा संघ जानेवारी २०२४ मध्ये भारत दौऱ्यावर येणार आहे. जिथे उभय संघांमध्ये तीन सामन्यांची टी-२० मालिका खेळवली जाणार आहे.

दुसरीकडे, बीसीसीआयलाही टी-२० विश्वचषकापूर्वी युवा भारतीय संघ तयार करायचा आहे. कारण गेल्या एक वर्षापासून रोहित शर्मापासून विराट कोहली आणि केएल राहुलपर्यंत संघातील वरिष्ठ खेळाडूंनी एकही टी-२० आंतरराष्ट्रीय सामना खेळलेला नाही. रोहित शर्मा आणि विराट कोहली २०२४च्या टी-२० विश्वचषकात खेळणार की नाही हे अद्याप स्पष्ट झालेले नाही.

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs sa 1st t20 match updates the first t20 match between india and south africa was canceled due to rain vbm

First published on: 10-12-2023 at 22:01 IST
Next Story
U19 World Cup : दक्षिण आफ्रिकेत होणाऱ्या विश्वचषकासाठी नामिबियाचा संघ जाहीर, डिव्हिलियर्स-डु प्लेसिसला मिळाले स्थान