संजू सॅमसनला संधी मिळणार का? दुसऱ्या सामन्यासाठी कशी असेल टीम इंडियाची प्लेईंग ११?

IND vs SA, Playing 11 Prediction: भारत आणि दक्षिण आफ्रिका यांच्यातील दुसऱ्या टी-२० सामन्यासाठी कशी असेल भारतीय संघाची प्लेईंग ११? जाणून घ्या.

team india (फोटो- एक्स)

India vs South Africa, Playing XI Prediction: भारत आणि दक्षिण आफ्रिका या दोन्ही संघांमध्ये ५ टी -२० सामन्यांची मालिका सुरू आहे. या मालिकेतील पहिला सामना कटकमध्ये पार पडला. या सामन्यात भारताने एकतर्फी विजयाची नोंद केली. तर मालिकेतील दुसरा सामना आज (११ डिसेंबर) चंदिगडमधील मुल्लानपूर येथे खेळवला जाणार आहे. हा सामना जिंकून भारतीय संघाकडे २-० ने विजयी आघाडी घेण्याची संधी असणार आहे. गेल्या सामन्यात भारतीय गोलंदाजांनी दमदार कामगिरी केली होती. दरम्यान आज होणाऱ्या सामन्यासाठी भारतीय संघाच्या प्लेईंग ११ मध्ये बदल होणार का? जाणून घा.

या मालिकेतील पहिल्या सामन्यात भारतीय संघाने एकतर्फी विजयाची नोंद केली होती. ज्या प्लेईंग ११ सह भारताने एकतर्फी विजय मिळवला आहे, त्यात बदल होणं जरा कठीण आहे. त्यामुळे या सामन्यातही संजू सॅमसनला विश्रांती दिली जाऊ शकते. मात्र, कुलदीप यादवला संधी दिली जाऊ शकते. जर ही खेळपट्टी फिरकी गोलंदाजांसाठी फायदेशीर ठरणार असेल, तर शिवम दुबेला विश्रांती दिली जाऊ शकते. त्याच्या जागी कुलदीप यादवचा प्लेईंग ११ मध्ये समावेश केला जाऊ शकतो. असं झाल्यास अक्षर पटेल आणि वरुण चक्रवर्तीला कुलदीप यादवच्या फिरकीची साथ मिळू शकते.

मालिकेतील पहिल्या सामन्यात भारतीय फलंदाजांचा फ्लॉप शो पाहायला मिळाला होता. पण हार्दिक पांड्याने शेवटी तुफान फटकेबाजी करून अर्धशतकी खेळी केली आणि संघाची धावसंख्या १७५ धावांवर पोहोचवली होती. त्यानंतर गोलंदाजांनी दमदार गोलंदाजी करून दक्षिण आफ्रिकेचा डाव स्वस्तात संपुष्टात आणला.

हेही वाचा

सलाहविना लिव्हरपूलची इंटर मिलानवर मात, चॅम्पियन्स लीग फुटबॉलमध्ये बार्सिलोना, बायर्न म्युनिकचे विजय

दक्षिण आफ्रिकेला पहिला सामना १०१ धावांनी गमवावा लागला होता. हा दक्षिण आफ्रिकेचा सर्वात लाजिरवाणा पराभव होता. मात्र असं असतानाही दक्षिण आफ्रिकेच्या प्लेईंग ११ मध्ये बदल होण्याची शक्यता खूप कमी आहे.

हेही वाचा

BCCI Central Contract: BCCI च्या ‘या’ निर्णयामुळे विराट-रोहितचे कोट्यवधींचे नुकसान होणार? तर शुबमन गिलची लॉटरी लागणार

मालिकेतील दुसऱ्या टी -२० सामन्यासाठी अशी असू शकते भारतीय संघाची प्लेईंग ११:

अभिषेक शर्मा, शुबमन गिल, सूर्यकुमार यादव (कर्णधार), तिलक वर्मा, हार्दिक पांड्या, जितेश शर्मा (यष्टिरक्षक), अक्षर पटेल, शिवम दुबे/ कुलदीप यादव, वरुण चक्रवर्ती, अर्शदीप सिंग, जसप्रीत बुमराह.

IND vs SA: संजू सॅमसनला संधी मिळणार का? दुसऱ्या सामन्यासाठी कशी असेल टीम इंडियाची प्लेईंग ११?