IND vs SA 4th T20 Live Updates : भारत आणि दक्षिण आफ्रिकेदरम्यान पाच सामन्यांची टी २० मालिका खेळवली जात आहे. या मालिकेतील चौथा टी २० आंतरराष्ट्रीय सामना आज (१७ जून) राजकोटमधील सौराष्ट्र क्रिकेट असोसिएशनच्या मैदानावर झाला. ८२ धावांनी भारताने हा सामना जिंकला. या विजयामुळे भारताने पाच सामन्यांच्या मालिकेत २-२ अशी बरोबरी साधली आहे. दक्षिण आफ्रिकेचा कर्णधार टेम्बा बावुमाने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करणाऱ्या भारतीय संघाने सहा बाद १६९ धावा केल्या होत्या. मालिकेतील पाचवा आणि निर्णायक सामना १९ जून रोजी बंगळुरूमध्ये होणार आहे.
