IND vs SA: Fan broke security and came straight to Rohit Sharma's feet during yesterday's match, Read...avw 92 | Loksatta

IND vs SA: रोहितचे चाहते म्हणजे एक नंबर! सुरक्षा बंदोबस्त तोडत थेट धरले पाय

दक्षिण आफ्रिकेविरुद्धच्या कालच्या सामन्यात एका प्रेक्षकाने सर्व सुरक्षा बंदोबस्त तोडत थेट रोहित शर्माचे पाय धरायला आला. यावरूनच रोहितचे फॅन फॉंलोइंग किती आहे हे लक्षात येते.

IND vs SA: रोहितचे चाहते म्हणजे एक नंबर! सुरक्षा बंदोबस्त तोडत थेट धरले पाय
सौजन्य-ट्विटर

IND vs SA: भेदक गोलंदाजी आणि जबरदस्त फलंदाजीच्या जोरावर भारतानं पहिल्या टी२० सामन्यात दक्षिण आफ्रिकेचा आठ गडी राखून पराभव केला. सामन्यादरम्यान एक विचित्र घटना घडली. सामन्यात दक्षिण आफ्रिकेची फलंदाजी सुरु असताना एका प्रेक्षकाने मैदानाबाहेरील आणि मैदानातील सुद्धा सर्व सुरक्षा भेदत तो थेट रोहित शर्माजवळ गेला. तिरुअनंतपुरम येथील ग्रीनफिल्ड मैदानवर या सामन्यात प्रेक्षक खूपच खुश होते कारण भारतीय गोलंदाजांनी आफ्रिकन फलंदाजांची पळताभुई थोडी केली होती.

टीम इंडिया पहिल्या टी२० मध्ये क्षेत्ररक्षण करत होती, त्याचवेळी एका चाहत्याने सुरक्षा कठडा तोडून मैदानात प्रवेश केला. इकडे तो चाहता थेट रोहित शर्माकडे गेला आणि त्याच्या पाया पडला. यानंतर चाहत्याने रोहित शर्मासोबत सेल्फी काढण्याचा प्रयत्न केला. मात्र, यादरम्यान सुरक्षा कर्मचाऱ्यांनी त्याला बाहेर काढले. हे जरी खरे असले तरी यावरून स्टेडियममधील सुरक्षेचा प्रश्न ऐरणीवर आला आहे. याआधी सुद्धा असे खूप वेळा झाले आहे. महेद्रसिंग धोनी संदर्भात देखील असे घडले होते.

सामना संपल्यानंतर भारताचा कर्णधार रोहित शर्मा स्वतः प्रेक्षकांजवळ गेला आणि त्यांच्याशी हस्तांदोलन केले. त्याचबरोबर काही चाहत्यांनी त्याची सही (ऑटोग्राफ) घेतली. तर काहीना तो समोर आल्याने सेल्फी काढण्याचा मोह आवरता आला नाही.

दक्षिण आफ्रिकेविरुद्ध पहिल्या टी२० सामन्यात नाणेपेक जिंकून रोहित शर्मानं प्रथम गोलंदाजी करण्याचा निर्णय घेतला होता. त्यानंतर फलंदाजी करण्यासाठी मैदानात आलेल्या दक्षिण आफ्रिकेच्या संघानं २० षटकात ८ गडी गमावून १०६ धावा केल्या. भारताकडून अर्शदीप सिंहनं सर्वाधिक तीन बळी घेतले. तर, दीपक चाहर आणि हर्षल पटेलने प्रत्येकी दोन- दोन गडी बाद केले. तर, अक्षर पटेलला एक बळी मिळाला. प्रत्युत्तरात भारतानं ८ गडी राखून दक्षिण आफ्रिकेचा पराभव केला. भारताकडून सूर्यकुमार यादव आणि केएल राहुलनं अर्धशतकी खेळी केली.   

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
नोवाक जोकोविच म्हणतो माझ्यात बरेच टेनिस अजून शिल्लक आहे, पत्रकार परिषदेत सूचक विधान

संबंधित बातम्या

FIFA WC 2022: ब्राझिलचा स्टार खेळाडू नेमारने केला नवा विक्रम; रोनाल्डो, मेस्सी आणि पेरिसिक यांच्या पंगतीत सामील
FIFA WC 2022: ब्राझीलच्या खेळाडूंनी दिग्गज फुटबॉलपटू पेलेला विजय केला समर्पित, दक्षिण कोरिया विश्वचषकातून बाहेर
FIFA WC 2022: “मी घाबरलो होतो…” दुखापतीनंतर सावरलेल्या नेमारने शेअर केला वेदनादायी अनुभव
पाकिस्तानच्या पराभावाचा भारताला फायदा! World Test Championship च्या अंतिम फेरीचा मार्ग सुखकर; पाहा Points Table
विश्लेषण: गोलधडाका, विजयनृत्य आणि पेलेंना पाठिंबा… ब्राझीलने कशी जिंकली फुटबॉलरसिकांची मने?

व्हिडिओ

ताज्या बातम्या
पुणे : महापालिकेच्या विधी विभागाकडूनच नियमांचे उल्लंघन?- पॅनेलवरील वकिलांना मुदतवाढ देण्याचा प्रस्ताव
Video : अक्षय कुमारचा छत्रपती शिवाजी महाराजांच्या लूकमधील व्हिडीओ समोर, ‘वेडात मराठे वीर दौडले सात’च्या चित्रीकरणाला सुरुवात
बेळगावात महाराष्ट्राच्या वाहनांवर दगडफेक झाल्यानंतर शिंदे गटाकडून पहिली प्रतिक्रिया, विनंती करत म्हणाले “हे उकसवायचं काम…”
IND vs BAN: “आम्हाला कर्णधाराकडून धावांची गरज…”, भारताच्या माजी फलंदाजाने कर्णधार रोहित शर्माला दिला इशारा
मस्तच! ‘IPHONE’ने कोणत्याही वस्तूचे करा मोजमाप, असे वापरा ‘हे’ भन्नाट फीचर