भारत आणि दक्षिण आफ्रिका यांच्यातील दुसरा वनडे पार्लच्या मैदानावर खेळवला जात आहे. या सामन्यात टीम इंडियाने नाणेफेक जिंकून प्रथम फलंदाजी करण्याचा निर्णय घेतला. भारताने चांगली सुरुवात केली. राहुल-धवनने अर्धशतक भागीदारी केली. त्यानंतर विराट कोहली मैदानात आला. पण त्याला आपले खातेही उघडता आले नाही.

दक्षिण आफ्रिकेचा फिरकीपटू एडन मार्करामच्या चेंडूवर मोठा फटका खेळण्याच्या नादात शिखर धवन झेलबाद झाला. १२व्या षटकात भारतीय डावाची पहिली विकेट पडली. यानंतर किंग कोहली तिसऱ्या क्रमांकावर फलंदाजीसाठी उतरला. पुढच्याच षटकात कोहलीने केशव महाराजच्या गोलंदाजीवर कर्णधार टेंबा बावुमाकडे सोपा झेल दिला. त्याने ५ चेंडू खेळले पण खाते उघडण्यात अपयश आले. वनडे कारकिर्दीत विराट १४व्यांदा शून्यावर बाद झाला. मात्र एखाद्या फिरकीपटूने कोहलीला शून्यावर बाद करण्याची ही पहिलीच वेळ होती.

आणखी वाचा
IPL 2024 Mumbai Indians vs Chennai Super Kings Match Updates in Marathi
IPL 2024: लवकरच सगळेजण हार्दिक पंड्याचे गोडवे गातील; कायरॉन पोलार्ड हार्दिकच्या मागे भक्कम उभा
Michael Vaughan Claims Rohit Sharma to join CSK next year
IPL 2024 : ‘पुढच्या वर्षी रोहित चेन्नईकडून खेळताना दिसणार…’, इंग्लंडच्या माजी कर्णधाराचा मोठा दावा
Who is Angkrish Raghuvanshi
IPL 2024 : कोण आहे अंगक्रिश रघुवंशी? ज्याने सुनील नरेनच्या साथीने दिल्ली कॅपिटल्सच्या गोलंदाजांची केली धुलाई
Rohit Sharma takes over, sends Hardik Pandya to the boundary in iconic role-reversal as MI captain feels SRH's wrath
VIDEO : हैदराबादच्या ‘रन’ धुमाळीसमोर हार्दिकने पत्करली शरणागती, रोहितने मुंबईचे नेतृत्व करताना पाठवले सीमारेषेवर

हेही वाचा – सचिन तेंडुलकरचा मोठा चाहता सुधीर कुमारला बिहार पोलीस ठाण्यात मारहाण!

विराट अपयशी ठरल्यानंतर ट्विटरवर DUCK हा ट्रेंड सुरू झाला. अनेकांनी विराटबाबत अनेक मीम शेअर केले. विराट कोहलीच्या आंतरराष्ट्रीय शतकाची प्रतीक्षा आणखी वाढली आहे. कोहलीने नोव्हेंबर २०१९ मध्ये बांगलादेशविरुद्ध कोलकाता डे-नाइट कसोटीत शेवटचे शतक झळकावले होते. त्यानंतर तो ६४ आंतरराष्ट्रीय डावांमध्ये शतक झळकावण्यात अपयशी ठरला आहे.