scorecardresearch

IND vs SL 1st ODI: “शेर के मुँह खून लग गया है…”, किंग कोहलीच्या ‘विराट’ शतकावर मराठमोळ्या माजी दिग्गज खेळाडूने दिली भन्नाट प्रतिक्रिया

विराट कोहलीने श्रीलंकेविरुद्धच्या पहिल्या एकदिवसीय सामन्यात अप्रतिम शतकी खेळी केली. त्याचे आंतरराष्ट्रीय कारकिर्दीतील हे ७३वे शतक आहे. यावर मराठमोळ्या भारताच्या दिग्गज खेळाडूने सोशल मीडियावर भन्नाट प्रतिक्रिया दिली.

IND vs SL 1st ODI: “शेर के मुँह खून लग गया है…”, किंग कोहलीच्या ‘विराट’ शतकावर मराठमोळ्या माजी दिग्गज खेळाडूने दिली भन्नाट प्रतिक्रिया
सौजन्य- बीसीसीआय (ट्विटर)

भारत आणि श्रीलंका यांच्यादरम्यान एकदिवसीय मालिकेतील पहिला मंगळवारी (१० जानेवारी) खेळला गेला. गुवाहाटी येथील बारसपारा स्टेडियम येथे खेळल्या गेलेल्या सामन्यात भारताचा अनुभवी फलंदाज विराट कोहली याने पुन्हा एकदा प्रेक्षकांची मने जिंकली. विराटने या सामन्यात आपल्या एकदिवसीय कारकिर्दीतील ४५वे शतक पूर्ण केले. त्याचबरोबर त्याने मायदेशात क्रिकेटच्या सर्वाधिक एकदिवसीय प्रकारातील शतक झळकावण्याच्या बाबतीत सचिन तेंडुलकर याची बरोबरी केली. यावर मराठमोळ्या भारताच्या दिग्गज खेळाडूने सोशल मीडियावर भन्नाट प्रतिक्रिया दिली. त्याने जंगलाच्या सिंहाची उपमा देत कोहलीची तुलना केली आहे.

गुवाहाटी येथे श्रीलंकेविरुद्धच्या पहिल्या वनडेमध्ये विराट कोहलीने आश्चर्यकारक कामगिरी केली. मंगळवारी गुवाहाटीत कोहलीचे वादळ आले. त्याने ८७ चेंडूत ११३ धावांची अप्रतिम खेळी खेळली. या कालावधीत भारतीय फलंदाजाने १२ चौकार आणि १ षटकार मारला. कोहलीची झंझावात पाहून माजी भारतीय खेळाडू वसीम जाफरने एक मजेशीर ट्विट करत कोहलीचे जोरदार कौतुक केले. असा अंदाजही त्यांनी व्यक्त केला आहे.

मराठमोळ्या मुंबईकर जाफरने स्पष्टपणे सांगितले की, यावर्षी अनेक गोलंदाज कोहलीला लक्ष्य करणार आहेत. सिंहाच्या तोंडातून रक्तस्त्राव होत असल्याचे त्यांनी ट्विट केले आहे. यावर्षी अनेक बळी जाणार आहेत. आंतरराष्ट्रीय क्रिकेटमधील हे त्याचे ७३वे तर एकदिवसीय क्रिकेटमधील सलग दुसरे शतक ठरले. गेल्या सामन्यात बांगलादेश विरूद्धही त्याने शतक मारले होते. मर्यादित षटकांच्या एकदिवसीय सामन्यात भारताला विराटच्या शतकामुळेच ३७३ धावापर्यंत मजल मारता आली. त्याच्या या खेळीनंतर वासिम जाफरने एक भन्नाट ट्विट पोस्ट केले. “शेर के मुँह खून लग गया है, इस साल बहोत शिकार होने वाले है”, असा हिंदीत शेर लिहीत त्याने प्रतिस्पर्धी संघांना एकप्रकारे आव्हान दिले आहे.

हेही वाचा: IND vs SL 1st ODI: ‘मी कायम तयार!’ शुबमन गिल नाबाद असताना किंग कोहली उतरणार होता मैदानात, रिएक्शन झाली वायरल

विराटचे हे मायदेशातील २०वे मर्यादित षटकांच्या एकदिवसीय सामन्यातील शतक ठरले. या शतकासह त्याने मायदेशातील सर्वाधिक एकदिवसीय मध्ये शतक करण्याच्या बाबतीत सचिन तेंडुलकर याची बरोबरी केली. सचिनने आपल्या कारकिर्दीत ४९ एकदिवसीय शतक बनवलेली. विराटचा विचार केल्यास विराटने मायदेशातील २० एकदिवसीय शतके पूर्ण करण्यासाठी केवळ ९९ डाव घेतले आहेत. यामध्ये २० शतके व २५ अर्धशतकांचा समावेश आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 10-01-2023 at 19:38 IST

संबंधित बातम्या