scorecardresearch

Premium

IND vs SL, Asia Cup: सिराज फॉर्मात, चाहते कोमात! श्रीलंकेच्या पराभवानंतर फॅन्सना अश्रू अनावर, पाहा Video

IND vs SL, Asia Cup 2023: भारताने आशिया चषक २०२३च्या अंतिम सामन्यात श्रीलंकेचा दारूण पराभव केला. त्यानंतर श्रीलंकेच्या चाहत्यांना भावना अनावर झाल्या. त्याचे व्हिडीओ सोशल मीडियावर व्हायरल होत आहे.

IND vs SL, Asia Cup: after Mohammad Siraj terrific performance Fans cried profusely after seeing the state of Sri Lanka see photos
श्रीलंकेच्या चाहत्यांना भावना अनावर झाल्या. सौजन्य- (ट्वीटर)

IND vs SL, Asia Cup 2023: आशिया चषक स्पर्धेच्या अंतिम सामन्यात भारताने श्रीलंकेचा १० गडी राखून पराभव करत आठव्यांदा विजेतेपद पटकावले आहे. नाणेफेक जिंकून प्रथम फलंदाजी करताना श्रीलंकेचा डाव १५.२ षटकांत ५० धावांवर आटोपला. मोहम्मद सिराजने सहा विकेट घेतल्या. प्रत्युत्तरात भारताने हा सामना ६.१ षटकांत म्हणजे अवघ्या ३७ चेंडूत जिंकला. शुबमन गिल १९ चेंडूत २७ धावा करून नाबाद राहिला आणि इशान किशन १८ चेंडूत २३ धावा करून नाबाद राहिला. सामन्यानंतर श्रीलंकेच्या चाहत्यांना भावना अनावर झाले. त्यांच्या हावभावांचे व्हिडीओ सोशल मीडियावर व्हायरल होत आहे.

एकदिवसीय अंतिम फेरीतील चेंडूंच्या बाबतीत सर्वात मोठा विजय

भारताने कोणत्याही एकदिवसीय फायनलमध्ये शिल्लक चेंडूंच्या बाबतीत सर्वात मोठा विजय मिळवला आहे. टीम इंडियाने आशिया कपच्या फायनलमध्ये २६३ चेंडू शिल्लक असताना सामना जिंकला. यापूर्वी हा विक्रम ऑस्ट्रेलियाच्या नावावर होता. २००३ मध्ये सिडनी येथे झालेल्या तिरंगी मालिकेच्या अंतिम सामन्यात त्याने इंग्लंडविरुद्ध २२६ चेंडू राखून सामना जिंकला होता.

England vs India match preview,
मायदेशातील वर्चस्व राखण्याची संधी! फिरकीला अनुकूल खेळपट्टीवर भारत इंग्लंड चौथी कसोटी आजपासून
India Vs England 3rd Test Rohit Sharma Video Viral
IND vs ENG : रोहित शर्माने बूट उचलला, अन् जैस्वाल-सर्फराझसह इंग्लंडचे खेळाडू फिरले माघारी, VIDEO व्हायरल
Ajinkya Rahane given out obstructing the field before rivals withdraw appeal
Ranji Trophy : बाद होऊनही अजिंक्य रहाणेची पुन्हा फलंदाजी, आसामविरुद्धच्या सामन्यात नेमकं काय घडलं?
Umpire stops Australia Wicket celebrations no appeal For run out Rule For Not Out AUS vs WI T20I Highlights Second Win After IND vs AUS
ऑस्ट्रेलियाचं सेलिब्रेशन पंचांनी थांबवलं; बाद असूनही ‘त्याला’ घोषित केलं नाबाद, क्रिकेटचा हा नियम काय सांगतो?

वन डे फायनलमध्ये तिसऱ्यांदा १० गडी राखून विजय मिळवला

त्याचवेळी, एकदिवसीय सामन्यात चेंडू शिल्लक असताना हा भारताचा सर्वात मोठा विजय आहे. यापूर्वी टीम इंडियाने २००१ मध्ये ब्लोमफॉन्टेन येथे केनियाविरुद्धचा सामना २३१ चेंडू शिल्लक असताना जिंकला होता. वनडे फायनलमध्ये संघाने १० गडी राखून सामना जिंकण्याची ही तिसरी वेळ आहे. याआधी टीम इंडियाने १९९८ मध्ये शारजाहमध्ये झिम्बाब्वेविरुद्ध चॅम्पियन्स ट्रॉफी जिंकली होती आणि २००३ मध्ये इंग्लंडविरुद्धच्या त्रिकोणी मालिकेच्या अंतिम सामन्यात ऑस्ट्रेलियाने १० गडी राखून विजय मिळवला होता.

श्रीलंकेच्या चाहत्यांना भावना अनावर

आशिया कप स्पर्धेचा अंतिम सामना टीम इंडियाच्या वेगवान गोलंदाजीने गाजवला. भारताचा हुकमी एक्का मोहम्मद सिराजने लंकेला नेस्तनाबूत केले. नाणेफेक जिंकत फलंदाजीचा निर्णय घेणाऱ्या श्रीलंकन कर्णधार दासुन शनाका याचा निर्णय सिराजने सपशेल चुकीचा ठरवला. त्याने श्रीलंकेच्या टॉप ऑर्डर फलंदाजांना धडकी भरवणारी गोलंदाजी करत गुडघे टेकायला भाग पाडले. सिराजच्या भेदक गोलंदाजीमुळे श्रीलंकेची टॉप ऑर्डर पत्त्यांच्या बंगल्याप्रमाणे कोसळली. सिराजची गोलंदाजी आणि श्रीलंकेची स्थिती पाहून यजमानांचे चाहतेही रडू लागले. आता यादरम्यानचे फोटो सोशल मीडियावर वाऱ्यासारखे व्हायरल होत आहेत.

हेही वाचा: IND vs SL Asia Cup: आशिया कप जिंकल्यानंतर इशान किशनने मानले रोहितचे आभार; म्हणाला, “इच्छा असेल तर…”

श्रीलंका संघाचा डाव असा कोसळताना पाहून चाहत्यांनाही गहिवरून आले. आपल्या संघाची अशी दयनीय अवस्था पाहून काही काही चाहते रडू लागले. त्यांचा यादरम्यानचा फोटोही सोशल मीडियावर व्हायरल होत आहे. त्यांना त्यांच्या गोलंदाजांवर विश्वास बसत नव्हता.

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs sl asia cup after mohammad siraj excellent bowling fans shed tears after sri lankas defeat watch video avw

First published on: 17-09-2023 at 23:21 IST

संबंधित बातम्या

तुम्ही या बातम्या वाचल्या आहेत का? ×