IND vs SL: भारत एशियन गेम्सच्या फायनलमध्ये! श्रीलंकेला ४५ धावांवर सर्वबाद करत मोठा विजय, आता पाकिस्तानशी होणार भिडत

India vs Pakistan Asian Games Final: भारत आणि पाकिस्तान संघांमध्ये आशियाई क्रीडा स्पर्धेतील क्रिकेटमध्ये अंतिम सामना होणार आहे, हा सामना कधी कुठे होणार जाणून घेऊया. ...सविस्तर बातमी

अभिषेक शर्माच्या १०व्या षटकात चौथ्या चेंडूवर संजूने करूणारत्नेला स्टंपिंग करत बाद केलं. तर पाचव्या चेंडूवर फर्नांडोला क्लीन बोल्ड करत श्रीलंकेला सर्वबाद केलं. श्रीलंकेचा संघ अवघ्या ४५ धावांवर सर्वबाद झाला आणि भारताने १२५ धावांनी मोठा विजय मिळवला. यासह टीम इंडियाने आशियाई क्रीडा स्पर्धेच्या अंतिम सामन्यात धडक मारली आहे.

वॉशिंग्टन सुंदरने सातव्या षटकात वानुजा सहनला झेलबाद करत भारताला सातवी विकेट मिळवून दिली. यासह आता अंतिम फेरीत धडक मारण्यासाठी भारताला फक्त ३ विकेट्सची गरज आहे.

चौथ्या षटकातील पहिल्याच चेंडूवर अक्षर पटेलने श्रीलंकेचा कर्णधार अराच्चिगेला झेलबाद करत भारताला चौथी विकेट मिळवून दिली. वैभव सूर्यवंशीने चांगला झेल टिपत त्याला बाद केलं. तर षटकातील चौथ्या चेंडूवर बंदारा झेलबाद झाला.

भारताने दिलेल्या १७० धावांच्या लक्ष्याचा पाठलाग कऱण्यासाठी उतरलेल्या श्रीलंकेची सुरूवात खूप वाईट झाली. जसप्रीत बुमराहने पहिल्याच षटकात दोन विकेट्स घेत श्रीलंकेला मोठे धक्के दिले. दुसऱ्या चेंडूवर सिनेथ जयवर्धने याला पायचीत केलं. तर पाचव्या चेंडूवर संजूने एका हाताने झेल टिपत लिवेराला झेलबाद केलं आणि पहिल्या षटकात भारताने ०-२ अशी सुरूवात केली.

१९व्या षटकात श्रीलंकेच्या अराच्चिगेने अजून एक कमालीचा झेल टिपत भारताला सातवा धक्का दिला. फलंदाज गोलंदाज आणि चाहत्यांसह कोणाचाही त्याच्या या झेलवर विश्वास बसेना. यासह दुबे ३ धावा करत बाद झाला.

१५व्या षटकात फर्नांडोच्या गोलंदाजीवर तिलक वर्मा अखेरच्या चेंडूवर स्टंपिंग होत बाद झाला. यासह भारताला सहावा धक्का बसला. भारताने १५ षटकांत आतापर्यंत ६ बाद १२५ धावा केल्या आहेत.

वानुजा सहन याने १०व्या षटकात कमालीचा चेंडू टाकत कर्णधार श्रेयस अय्यरला क्लीन बोल्ड करत भारताला चौथा मोठा धक्का दिला. यासह भारताने १० षटकांत ४ बाद ८८ धावा केल्या आहेत.

वैभव सूर्यवंशीने चौथ्या षटकांतील अखेरच्या दोन चेंडूंवर चौकार खेचले. त्यानंतर त्याने पाचव्या षटकात चौकार, षटकार, चौकार अशी फटकेबाजी केली. यासह पाचव्या षटकात त्याने 15 धावा कुटल्या. यानंतर सहाव्या षटकातही एक षटकार खेचला. वैभवच्या फटकेबाजीच्या मदतीने भारताने पॉवरप्लेमध्ये २ विकेट्स गमावत ५८ धावा केल्या आहेत.

वैभव सूर्यवंशीने पहिल्या षटकात चौकार लगावत सुरूवात केली, त्यानंतर दुसऱ्या षटकाच्या पहिल्याच चेंडूवर अभिषेक शर्माने षटकार खेचला आणि दुसऱ्या चेंडूवर झेलबाद झाला. यासह १२ धावांवर भारताला पहिला धक्का बसला.

आशियाई क्रीडा स्पर्धेतील सेमीफायनल सामन्यात भारताच्या प्लेईंग इलेव्हनमध्ये मोठा बदल पाहायला मिळत आहे. अभिषेक शर्मा, संजू सॅमसन व वैभव सूर्यवंशी तिघेही खेळताना दिसणार आहेत.

वैभव सूर्यवंशी, अभिषेक शर्मा, संजू सॅमसन (यष्टीरक्षक), श्रेयस अय्यर (कर्णधार), इशान किशन, तिलक वर्मा, शिवम दुबे, अक्षर पटेल, वॉशिंग्टन सुंदर, रवी बिश्नोई, जसप्रीत बुमराह

आशियाई क्रीडा स्पर्धेत पहिला सेमीफायनल सामना बांगलादेश आणि पाकिस्तान यांच्यात खेळवला गेला. ओल्या आऊटफिल्डमुळे १३ षटकांचा सामना खेळवण्यात आला. श्रीलंका संघाने प्रथम फलंदाजी करताना ११२ धावा केल्या, तर प्रत्युत्तरात पाकिस्तानने ११.३ षटकांत सहज लक्ष्य गाठत ६ विकेट्सने विजय मिळवला. या विजयासह पाकिस्तानचा संघ अंतिम फेरीत पोहोचला असून सुवर्णपदकासाठी लढेल.