Ind vs WI : पहिल्याच सामन्यात भारतीय गोलंदाजांची ऐतिहासिक कामगिरी

९५ धावांत विंडीजचा डाव आटोपला

भारतीय संघाने आपल्या वेस्ट इंडिज दौऱ्याची सुरुवात मोठ्या धडाक्यात केली आहे. फ्लोरिडाच्या मैदानावर खेळवण्यात आलेल्या पहिल्या टी-२० सामन्यात, भारतीय गोलंदाजांनी टिच्चून मारा करत वेस्ट इंडिजला ९५ धावांवर रोखलं. नवदीप सैनी-भुवनेश्वर कुमार यांच्या भेदक गोलंदाजीसमोर विंडीजचे फलंदाज ढेपाळले. विंडीजचे दोन्ही सलामीवीर पहिल्या सामन्यात भोपळाही न फोडता माघारी परतले. आंतरराष्ट्रीय टी-२० क्रिकेटच्या इतिहासात, भारतीय गोलंदाजांनी प्रतिस्पर्धी संघाचे सलामीवीर शून्यावर बाद करण्याची ही पहिलीच वेळ ठरली आहे.

फिरकीपटू वॉशिंग्टन सुंदरने पहिल्या षटकाच्या दुसऱ्याच चेंडूवर कँपबेलला माघारी धाडलं. यानंतर दुसऱ्याच षटकात भुवनेश्वर कुमारने एविन लुईसचा त्रिफळा उडवत विंडीजला आणखी एक धक्का दिला. अखेरीस अनुभवी खेळाडू कायरन पोलार्डने संयमी खेळी करत संघाला ९५ धावांचा टप्पा ओलांडून दिला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ind vs wi 1st t20i indian bowlers did fantastic job dismiss both openers on duck psd