IND vs WI : रोहित शर्माचा डबल धमाका, कर्णधार विराटसह माजी प्रशिक्षकांनाही टाकलं मागे

६३ धावा काढून रोहित शर्मा माघारी

विंडीजविरुद्ध तिसऱ्या वन-डे सामन्यात भारतीय गोलंदाजांनी अखेरच्या षटकांत हाराकिरी केली. विंडीज फलंदाजांनी शेवटच्या १० षटकांत शंभरपेक्षा जास्त धावा कुटत भारताला विजयासाठी ३१६ धावांचं आव्हान दिलं. प्रत्युत्तरादाखल भारतीय सलामीवीर रोहित शर्मा आणि लोकेश राहुल यांनी पहिल्या विकेटसाठी शतकी भागीदारी करत संघाला चांगली सुरुवात करुन दिली.

रोहित शर्माने यादरम्यान आपलं अर्धशतकही झळकावलं. ६३ चेंडूत रोहितने ६३ धावा केल्या. त्याच्या या खेळीत रोहितने ८ चौकार आणि एका षटकाराचा समावेश होता. यादरम्यान वन-डे क्रिकेटमध्ये २०१९ सालात सर्वाधिक वेळा ५० किंवा त्यापेक्षा जास्त धावा करणाऱ्या फलंदाजांच्या यादीत रोहित अव्वल स्थानी कायम राहिला आहे.

याचसोबत सलामीवीर या नात्याने रोहित शर्माची एका कॅलेंडर वर्षातलं हे २० वं अर्धशतक ठरलं. (तिन्ही प्रकारच्या क्रिकेटमध्ये) या निकषामध्ये रोहितने भारतीय संघाचे माजी प्रशिक्षक गॅरी कस्टर्न यांचा विक्रम मोडला.

रोहित आणि राहुल यांनी पहिल्या विकेटसाठी १२२ धावांची भागीदारी केली. ६३ धावा काढून रोहित जेसन होल्डरच्या गोलंदाजीवर माघारी परतला.

अवश्य वाचा – IND vs WI : रोहित शर्माने मोडला सनथ जयसूर्याचा विक्रम, तो ही अवघ्या ९ धावांत

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ind vs wi 3rd odi rohit sharma creates record gets pass virat kohli and former coach gary kirsten psd

ताज्या बातम्या