IND vs ZIM T20 WC 2026: भारताचा झिम्बाब्वेवर दणदणीत विजय, टीम इंडियाचे फलंदाज ठरले मॅचविनर; बेनेटची झुंज अपयशी

भारतीय संघाने झिम्बाब्वेविरूद्ध मोठा विजय मिळवत सेमीफायनलमधील आपलं अस्तित्व कायम ठेवलं आहे. टीम इंडियाचा झिम्बाब्वेवर ७६ धावांनी मोठा विजय नेट रन रेटच्या हिशोबाने महत्त्वाचा ठरला. झिम्बाब्वेच्या ब्रायन बेनेटने या सामन्यात उत्कृष्ट खेळी केली. बेनेटने या सामन्यात नाबाद ९७ धावांची खेळी केली. याशिवाय भारताकडून अर्शदीप सिंगने सर्वाधिक ३ विकेट्स घेतल्या. तर वरूण चक्रवर्ती, अक्षर पटेल आणि शिवम दुबे यांनी प्रत्येकी १-१ विकेट्स मिळवल्या.

अर्शदीप सिंगने १९व्या षटकात मुनायोंगाला क्लीन बोल्ड करत सामन्यातील तिसरी विकेट मिळवली. झिम्बाब्वेला विजयासाठी १० चेंडूत ९५ धावांचं अशक्यप्राय समीकरण आहे.

ब्रायन बेनेट एकटाच टीम इंडियाला भारी पडत आहे. ब्रेनेट अक्षरच्या षटकात १९ धावा कुटल्या. त्यानंतर बुमराहच्या षटकातही त्याने चौकार-षटकार खेचले आहेत. तर शिवम दुबेच्या १५व्या षटकात त्याने तब्बल २६ धावा कुटल्या. यासह ब्रेनेट ४८ चेंडूत ७८ धावांवर खेळत आहे. तर झिम्बाब्वेने १५ षटकांत २ बाग १३१ धावा केल्या आहेत.

वरूण चक्रवर्तीने १०व्या षटकात संघाला दुसरी विकेट मिळवून दिली. वरूणच्या षटकात मेयर्स मोठा फटका खेळायला गेला, पण चेंडू हवेत उंच उडाला आणि तिलक वर्माने एक शानदार झेल टिपला.

अक्षर पटेल सातवं षटक टाकण्यासाठी आला आणि षटकातील दुसऱ्याच चेंडूवर त्याने संघाला पहिली विकेट मिळवून दिली आहे. अक्षरच्या चेंडूवर मारूमणी फटका मारायला गेला, पण इशानने सोपा झेल टिपत संघाला विकेट मिळवून दिली.

भारताने दिलेल्या २५७ धावांच्या लक्ष्याचा पाठलाग करण्यासाठी झिम्बाब्वेकडून ब्रायन बेनेट व मारूमणी हो जोडी उतरली आहे. तर भारताकडून अर्शदीपने गोलंदाजीला सुरूवात केली.

अखेरच्या षटकात ब्रॅड इव्हान्सने चांगली गोलंदाजी केली, पण अखेरच्या दोन चेंडूत हार्दिक पंड्याने २ षटकार लगावत आपलं २३ चेंडूत अर्धशतक पूर्ण केलं. तर यासह टीम इंडियाने अखेरच्या षटकात १५ धावा करत टी-२० वर्ल्डकप इतिहासातील दुसरी सर्वात मोठी धावसंख्या उभारली आहे. भारताने २० षटकांत ४ बाद २५६ धावा केल्या आहेत. यासह टीम इंडियाने झिम्बाब्वेला विजयासाठी २५७ धावांचं मोठं आव्हान दिलं आहे.

टीम इंडियाने टी-२० विश्वचषक इतिहासातील आपली सर्वात मोठी धावसंख्या उभारली आहे. १८व्या षटकात तिलक व हार्दिकने १९ धावा कुटल्या आणि संघाला २२० धावांवर पोहोचवलं. ही टीम इंडियाची २० चेंडूत अर्धशतकी भागीदारी टी-२० वर्ल्डकपमधील मोठी धावसंख्या आहे. तर अजून २ षटकंदेखील शिल्लक आहेत. टीम इंडियाने टी-२० विश्वचषक इतिहासात सर्वात मोठी धावसंख्या २००७ मध्ये इंग्लंडविरूद्ध २१८ धावा करत उभारली होती.

सूर्यकुमार यादव १५ व्या षटकात नगरावाच्या गोलंदाजीवर मोठा फटका खेळायला गेला, पण चेंडू बॅटच्या कडेला लागल्याने हवेत उंच उडाला आणि झलेबाद झाला. सूर्या या सामन्यात २५०च्या स्ट्राईक रेटने फटकेबाजी करत होता. यासह त्याने १३ चेंडूत ३ चौकार व २ षटकारासह ३३ धावा केल्या. यासह भारताने १५ षटकांत ४ बाद १७६ धावा केल्या आहेत.

अभिषेक शर्मा स्लोअर चेंडूवर झेलबाद होत माघारी परतला आहे. मापोसाच्या १३व्या षटकात त्याने विकेट गमावली. अभिषेकने ३० चेंडूत ४ चौकार व ४ षटकारांसह ५५ धावांची महत्त्वपूर्ण खेळी केली. यासह भारताने १३ षटकांत ३ बाद १७ धावा केल्या आहेत.

अभिषेक शर्माने २६ चेंडूत ३ चौकार व ४ षटकारांसह आपलं अर्धशतक पूर्ण केलं आहे. टी-२० विश्वचषकातील अभिषेकची ही सर्वात मोठी खेळी ठरली आणि पहिलं अर्धशतकही झालं.

भारताची टी-२० विश्वचषकाच्या पॉवरप्लेमध्ये दणक्यात सुरूवात झाली आहे. संजू बाद झाल्यानंतर इशानने अभिषेकला चांगली साथ दिली आहे. इशान व अभिषेकने १४ चेंडूत ३२ धावा केल्या आहेत. तर इशान १५ धावा व अभिषेक ३३धावांवर खेळत आहे. यासह संघाने पॉवरप्लेमध्ये १ बाद ८० धावांचा डोंगर उभारला आहे.

अभिषेक शर्माने तिसऱ्या षटकात मपोसाच्या गोलंदाजीवर शानदार फटकेबाजी करत त्याला सूर गवसल्याचा डंका वाजवला. अखेरच्या चेंडूवर त्याने षटकार लगावला,या विश्वचषकातील त्याचा पहिला षटकार आहे. तर संजू व अभिषेकने ३ षटकांत ४८ धावा केल्या आहेत.

भारत आणि झिम्बाब्वे यांच्यातील सामन्याला सुरूवात झाली असून अभिषेक शर्मा व संजू सॅमसनची जोडी मैदानावर उतरली आहे. यासह इशान किशन तिसऱ्या क्रमांकावर उतरणार आहे. तर झिम्बाब्वेकडून नगरावाने गोलंदाजीला सुरूवात केली आहे.

संजू सॅमसन (यष्टीरक्षक), अभिषेक शर्मा, इशान किशन, सूर्यकुमार यादव (कर्णधार), तिलक वर्मा, हार्दिक पंड्या, शिवम दुबे, अक्षर पटेल, अर्शदीप सिंग, वरुण चक्रवर्ती, जसप्रीत बुमराह