३१ जुलै (रविवार) बर्मिंगघम येथे सुरू असलेल्या राष्ट्रकुल क्रीडा स्पर्धेत भारत विरुद्ध पाकिस्तान महिला टी २० सामना रंगला. एजबस्टन क्रिकेट स्टेडियममध्ये झालेल्या या सामन्यात भारताने पाकिस्तानचा गडी राखून पराभव केला. भारताची सलामीवीर स्मृती मंधाना धमाकेदार अर्धशतकीय खेळी करून भारताच्या विजयाची शिल्पकार ठरली. स्मृती मैदानावरती असताना अनेकांना तिला बघून भारताचा माजी कर्णधार महेंद्रसिंह धोनीची आठवण झाली.

पावसामुळे सामन्याला काही काळ उशीर झाला. त्यामुळे प्रत्येकी १८ षटकांचा खेळ घेण्यात आला. पाकिस्तानने भारताला विजयासाठी १८ षटकात १०० धावांचे लक्ष्य दिले होते. भारताने हे लक्ष्य दोन गड्यांच्या बदल्यात ११.४ षटकांमध्येच पूर्ण केले. भारताच्या सलामीवीर शफाली वर्मा आणि स्मृती मंधानाने डावाची आक्रमक सुरुवात केली. स्मृती मंधानाने भारताच्या विजयात मोलाची भूमिका बजावली. तिने ४२ चेंडूत ८ चौकार आणि तीन षटकारांच्या मदतीने ६३ धावांची नाबाद खेळी केली. स्मृतीने आपले अर्धशतक एक उत्तुंग षटकार ठोकून पूर्ण केले.

AAP MP Swati Maliwal and YouTuber Dhruv Rathee
ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”
uddhav thackeray
“जिथे शिवेसनेची मतं आहेत, तिथे..”; संथ गतीने मतदान सुरु असल्याच्या तक्रारींनंतर उद्धव ठाकरेंचा गंभीर आरोप
Political controversy over Prajwal Revanna inquiry
प्रज्वल रेवण्णाच्या चौकशीवरून राजकीय वाद; भाजप सीबीआयसाठी आग्रही तर मुख्यमंत्री ‘एसआयटी’ तपासावर ठाम
Prakash Ambedkar on Ujjwal Nikam
करकरे, साळसकर यांच्या हत्येबाबत नवे प्रश्न; प्रकाश आंबडेकरांचे उज्ज्वल निकम यांना आव्हान, म्हणाले…
supriya sule sunetra pawar show poll expanes to election commission
सुप्रिया सुळे, सुनेत्रा पवारांचा प्रचारावर खर्च किती? समोर आली आकडेवारी…
Raj Thackeray
ट्रिपल इंजिन सरकारला मनसेच्या चौथ्या इंजिनाची गरज का भासली? राज ठाकरे म्हणाले, “त्यांना माझ्याकडून…”
Suicide of third accused in Mumbai in nine months questions about security in custody
नऊ महिन्यात मुंबईत तिसऱ्या आरोपीची आमहत्या, कोठडीतील सुरक्षेबाबत प्रश्न
Kirit Somaiya on Yamini Jadhav and Ravindra Vaikar
‘आता घोटाळेबाजांचा प्रचार करावा लागणार?’ किरीट सोमय्या म्हणाले, “ही तडजोड…”

भारत विरुद्ध पाकिस्तान सामना असला की, दोन्ही संघांच्या खेळाडूंवर प्रचंड दबाव असतो. मात्र, स्मृतीने हा दबाव सक्षमपणे सांभाळला. १२ व्या षटकामध्ये स्मृतीने षटकार ठोकून भारताच्या विजयावर शिक्कामोर्तब केले. यावेळी अनेकांना तिच्यामध्ये भारताचा माजी कर्णधार महेंद्रसिंह धोनीची झलक दिसली. धोनीने २०११ विश्वचषकातील अंतिम सामन्यात असाच षटकार ठोकून विजयावर शिक्कामोर्तब केले होते.

हेही वाचा – Commonwealth Games 2022 : सुवर्णपदक विजेत्या मीराबाईच्या घरी झाला ‘असा’ जल्लोष; बघा व्हिडिओ

स्मृतीचे हे आपल्या आंतरराष्ट्रीय टी २० कारकिर्दीतील १५वे अर्धशतक ठरले. याशिवाय पाकिस्तानविरुद्ध एकदिवसीय आणि टी २० सामन्यांमध्ये अर्धशतक ठोकणारी ती पहिली भारतीय महिला क्रिकेटपटू ठरली आहे.