बिली जीन किंग चषक टेनिस : भारतीय महिला टेनिस संघाचे न्यूझीलंडविरुद्ध निर्भेळ यश

न्यूझीलंडविरुद्ध पहिल्या एकेरीच्या सामन्यात वैष्णवीने ऐशी दासला एक तास ३० मिनिटे चालेल्या सामन्यात ६-२, ६-४ असे सरळ सेटमध्ये नमवले. यानंतर सहजाने व्हॅलेंटिन इवानोवला दुसर्‍या एकेरीच्या लढतीत ६-१, ६-३ असे पराभूत करत भारताला २-० असे आघाडीवर नेले. महिला दुहेरीच्या सामन्यात ऋतुजा भोसले आणि अंकिता रैना जोडीने जागतिक क्रमवारीत ११व्या स्थानी असणार्‍या एरिन रूटलिफ आणि जागतिक क्रमवारीत ३३८व्या स्थानावरील मोनिक बॅरी जोडीला ६-४, ६-२ असे नमवले.

  ऋतुजा-अंकिता जोडीने थायलंडविरुद्धही विजय मिळवला होता. ‘‘बिली जीन किंग चषकात मी प्रथमच खेळत आहे. थायलंडविरुद्ध मला दबाव योग्य पद्धतीने हाताळता आला नाही. यानंतर न्यूझीलंडविरुद्ध मी सर्वोत्तम खेळ करण्यावर भर दिला,’’ असे वैष्णवी म्हणाली.