Sunil Gavaskar Prediction on Border Gavaskar Trophy : भारत आणि ऑस्ट्रेलिया यांच्यात पाच कसोटी सामन्यांची बॉर्डर-गावस्कर ट्रॉफी खेळली जाणार आहे. या मालिकेकसाठी भारतीय संघ काही दिवसांत ऑस्ट्रेलियाला रवाना होणार आहे. २२ नोव्हेंबरपासून या मालिकेला पर्थमध्ये सुरुवात होईल. यानंतर इतर सामने ॲडलेड, ब्रिस्बेन, मेलबर्न आणि सिडनी येथे खेळले जाणार आहेत. या मालिकेला सुरुवात होण्यापूर्वी भारताचे दिग्गज क्रिकेटपटू सुनील गावस्कर यांनी भारतीय संघाबद्दल मोठे विधान केले आहे.

सुनील गावस्कर काय म्हणाले?

ऑस्ट्रेलियाविरुद्ध होणाऱ्या बॉर्डर-गावस्कर ट्रॉफीमध्ये भारताच्या विजयाच्या शक्यतांवर सुनील गावस्करांनी मोठे विधान केले आहे. वर्ल्ड टेस्ट चॅम्पियनशिप (डब्ल्यूटीसी) २०२३-२५ ​​च्या अंतिम फेरीत पोहोचण्यासाठी भारताला पाचपैकी किमान चार कसोटी सामने जिंकावे लागणार आहेत. परंतु सुनील गावस्करांना वाटते भारतीय संघ चार सामन्या जिंकू शकणार नाही. त्यांनी असे भाकीत केले आहे. भारताने ऑस्ट्रेलियाविरुद्धच्या शेवटच्या चार कसोटी मालिका जिंकल्या आहेत. विशेष म्हणजे त्यापैकी दोन ऑस्ट्रेलियात झाल्या आहेत. २०१४/१५ च्या हंगामात ऑस्ट्रेलियाने भारताला कसोटी मालिकेत पराभूत केले होते. म्हणजे या गोष्टीला जवळपास १० वर्षें उलटून गेली आहेत, तरी कांगारु संघाला भारताविरुद्ध जिंकता आलेली नाही.

नक्की वाचा
IND vs NZ AB de Villiers on Rishabh Pant Controversial Dismissal
IND vs NZ : ऋषभ पंतच्या वादग्रस्त विकेटवर एबी डिव्हिलियर्सने उपस्थित केले प्रश्न; म्हणाला, ‘सत्य हे आहे की…’
Ladki Bahin Yojna Sudhir Mungantiwar 2100 rs Installment
Ladki Bahin Yojna : लाडक्या बहिणींना २१०० रुपयांसाठी…
IND vs NZ Anil Kumble Lashes Out At Rohit Sharma and Gautam Gambhir
IND vs NZ : ‘तुम्ही फलंदाजांना दोष देऊ नका…’, मालिका गमावल्यानंतर अनिल कुंबळे रोहित-गौतमवर संतापले
Rohit Sharma Statement Rishabh Pant Controversial Wicket in IND vs NZ Mumbai test said The bat was close to the pads
IND vs NZ: “सर्वांसाठी सारखेच नियम ठेवा…”, ऋषभ पंतच्या वादग्रस्त विकेटवर रोहित शर्मा भडकला, खरंच पंत नॉट आऊट होता?
MNS Chief Raj Thackeray
महाराष्ट्राचा पुढचा मुख्यमंत्री कोण होईल? राज ठाकरेंनी थेट नावच सांगितलं; म्हणाले…
Border Gavaskar Trophy Josh Hazlewood statement
Border Gavaskar Trophy : ‘क्लीन स्वीपने झोपी गेलेला संघ जागा होईल…’, ऑस्ट्रेलियाच्या गोलंदाजाचे भारताबद्दल मोठं वक्तव्य; म्हणाला, आम्ही पण…
Maharashtra Assembly Election 2024 Live Updates in Marathi
Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

भारत ऑस्ट्रेलियाला ४-० ने पराभूत करु शकणार नाही –

यंदा टीम इंडिया ऑस्ट्रेलियाला ४-० ने पराभूत करू शकणार नाही, असा विश्वास सुनील गावस्कर यांनी व्यक्त केला आहे. तथापि, गावस्कर यांनी असेही सांगितले की भारताचे लक्ष केवळ बॉर्डर-गावस्कर ट्रॉफीवर असले पाहिजे आणि डब्ल्यूटीसी अंतिम फेरीत पोहोचण्याच्या शक्यतेवर नसावे. इंडिया टुडेशी बोलताना सुनील गावस्कर म्हणाले, “नाही, मला वाटत नाही. मला खरोखर वाटते की भारत कसोटी मालिकेत ऑस्ट्रेलियाला ४-० ने पराभूत करू शकत नाही. त्यांनी तसे केल्यास मला खूप आनंद होईल. भारत ३-१ च्या फरकाने जिंकू शकतो. पण ४-० ने नाही. मला वर्ल्ड टेस्ट चॅम्पियनशिप फायनलबद्दल बोलायचे नाही.”

हेही वाचा – Virat Kohli Birthday : विराट कोहलीसह ‘या’ पाच दिग्गज क्रिकेटपटूंचा एकाच दिवशी असतो वाढदिवस, पाचही आहेत एकापेक्षा एक

भारताने वर्ल्ड टेस्ट चॅम्पियनशिप फायनलवर लक्ष देऊ नये –

u

सुनील गावस्कर पुढे म्हणाले, “मला वाटते वर्ल्ड टेस्ट चॅम्पियनशिप फायनलवर लक्ष न देता, भारतीय संघाने आता फक्त ऑस्ट्रेलियात मालिका जिंकण्यावर लक्ष केंद्रित करावे. मग तुम्ही ही मालिका १-०, २-०, ३-०, ३-१ किंवा, २-१ च्या फरकाने जिंकलात तरी काही फरक पडत नाही. मात्र, पुढे जा आणि जिंका. कारण त्यामुळेच आपल्या सर्व भारतीय क्रिकेट चाहत्यांना पुन्हा बरे वाटेल.”