अनुभवी कर्णधार सरदारासिंग याला आशियाई चॅम्पियन्स हॉकी स्पर्धेत विश्रांती देण्यात आली असून त्याच्याऐवजी मध्यरक्षक मनप्रीतसिंग हा भारताचे नेतृत्व करणार आहे. जपानमध्ये २ ते १० नोव्हेंबर दरम्यान ही स्पर्धा होणार आहे. हॉकी इंडियाने भारतीय संघाची निवड जाहीर केली.
  मनप्रीतच्या नेतृत्वाखाली भारताने कनिष्ठ गटाच्या सुलतान जोहर चषक स्पर्धा जिंकली होती. भारताचा पहिला सामना चीनविरुद्ध २ नोव्हेंबर रोजी होणार आहे. त्यानंतर भारतास जपान (३ नोव्हेंबर), ओमान (५ नोव्हेंबर), पाकिस्तान (७ नोव्हेंबर) व मलेशिया (८ नोव्हेंबर) यांच्याशी सामना खेळावा लागणार आहे.
भारतीय संघ
गोलरक्षक-सुशांत तिर्की, हरजोतसिंग.
 बचावरक्षक-गुरजिंदरसिंग, अमित रोहिदास, सुरेंद्रकुमार, सुखमानजितसिंग, परदीप मोर,. मध्यरक्षक-प्रभदीपसिंग, मनप्रीतसिंग (कर्णधार), सतबीरसिंग, हरजीतसिंग, इम्रानखान, कोठाजितसिंग (उपकर्णधार).
 आघाडी फळी-मलाकसिंग, मनदीपसिंग, तलविंदरसिंग, आकाशदीपसिंग, रमणदीपसिंग.