आशिया चषक बुद्धिबळ स्पर्धा : भारतीय पुरुष संघाला विजेतेपद

२००५ व २००९ मध्ये हा मान मिळविला होता. या दोन्ही वेळी चीन संघाने भाग घेतला नव्हता.

भारतीय पुरुष संघाने आशिया चषक बुद्धिबळ स्पर्धेत विजेतेपद पटकाविले. त्यांनी शेवटच्या लढतीत व्हिएतनाम संघावर ३-१ अशी मात केली. विजेतेपदाचे दावेदार असलेल्या चीन संघास दुसऱ्या स्थानावर समाधान मानावे लागले.
भारतीय संघाने या स्पर्धेत सतरा गुणांची कमाई केली. जागतिक व ऑलिम्पिक विजेत्या चीन संघास पंधरा गुण मिळाले. त्यांनी शेवटच्या लढतीत संयुक्त अरब अमिराती संघाचा ४-० असा दणदणीत पराभव केला. कझाकिस्तान व इराण यांना अनुक्रमे तिसरे व चौथे स्थान मिळाले.
व्हिएतनामविरुद्धच्या लढतीत भारताच्या ग्रँडमास्टर एस. पी. सेतुरामन व के. शशिकिरण यांनी विजय मिळविला. त्यांचे सहकारी ग्रँडमास्टर बी. अधिबन व विदित गुजराथी यांनी आपल्या प्रतिस्पर्धी खेळाडूंविरुद्धचे डाव बरोबरीत सोडविले. भारताने तिसऱ्यांदा या स्पर्धेत अजिंक्यपद पटकाविले आहे. यापूर्वी त्यांनी
२००५ व २००९ मध्ये हा मान मिळविला होता. या दोन्ही वेळी चीन संघाने भाग घेतला नव्हता. त्यामुळेच यंदा चीनचा सहभाग असूनही भारतीय खेळाडूंनी शानदार कामगिरी करीत त्यांनाही मागे टाकले.
महिलांमध्ये अग्रमानांकित चीन संघाने १५ गुणांसह अजिंक्यपदावर मोहोर नोंदविली. उजबेकिस्तान व कझाकिस्तान यांना अनुक्रमे दुसरा व तिसरा क्रमांक मिळाला. भारतीय संघाने बारा गुणांसह चौथे स्थान घेतले. शेवटच्या फेरीत त्यांनी इराणविरुद्ध बरोबरी स्वीकारली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: India men win asian nations cup chess tournament