दक्षिण आफ्रिकेत १९ जानेवारीपासून १९ वर्षांखालील क्रिकेट विश्वचषक स्पर्धा खेळवली जाणार आहे. या स्पर्धेचा अंतिम सामना ११ फेब्रुवारी रोजी खेळवला जाणार आहे. स्पर्धेच्या तयारीसाठी भारतीय संघ गेल्या महिन्यातच दक्षिण आफ्रिकेत दाखल झाला आहे. या स्पर्धेसाठी १२ डिसेंबर २०२३ रोजी भारतीय संघाची घोषणा करण्यात आली. पंजाबचा उदय सहारन या स्पर्धेत भारतीय सघाचं नेतृत्व करणार आहे. नुकत्याच झालेल्या १९ वर्षांखालील आशिया चषक स्पर्धेतही त्यानेच भारतीय संघाची कमान सांभाळली होती.

भारतीय क्रिकेट नियामक मंडळाने १९ वर्षांखालील क्रिकेट विश्वचषक स्पर्धेसाठी निवडलेल्या संघात महाराष्ट्राचे दोन आणि मुंबईच्या एका खेळाडूचा समावेश आहे. यामध्ये सोलापूरचा स्टार खेळाडू अर्शीन कुलकर्णीचाही समावेश आहे. अफगाणिस्तानविरुद्ध खेळवण्यात आलेल्या मालिकेत अर्शीनने लक्षवेधी कामगिरी केली होती. दरम्यान, दक्षिण आफ्रिका दौऱ्यावर असलेल्या अर्शीनची आणि त्याचा आवडता खेळाडू जॅक कॅलिसची भेट झाली आहे. या भेटीमुळे अर्शीनला आभाळ ठेंगणं झालं आहे. कॅलिस हा दक्षिण आफ्रिकेचा दिग्गज अष्टपैलू खेळाडू आहे. जगभरातल्या अव्वल दर्जाच्या अष्टपैलू खेळाडूंमध्ये कॅलिसचं नाव आदराने घेतलं जातं. अर्शीन हादेखील एक अष्टपैलू खेळाडू आहे.

Sanath Jayasuriya, sri lanka head coach
श्रीलंकेच्या संघाला सावरणार ‘हा’ वर्ल्ड चॅम्पियन खेळाडू, भारताविरूद्धच्या मालिकेपासून स्वीकारणार हेड कोचचा पदभार
Virat Kohli Meets Childhood Rajkumar Sharma Coach photo viral
Virat Kohli : टीम इंडियाच्या व्हिक्टरी परेडनंतर विराटने आपल्या ‘द्रोणाचार्यां’ची घेतली गळाभेट, फोटो होतोय व्हायरल
Virat recalls 15 years with Rohit
Victory Parade : “मी १५ वर्ष रोहितबरोबर खेळतोय, त्याला इतकं भावुक कधीच पाहिलं नाही…’, विराटकडून हिटमॅनचं कौतुक
Bumrah to compete with Rohit Sharma
आयसीसीच्या ‘प्लेअर ऑफ द मंथ’चे नामांकन जाहीर, रोहितला बुमराहसह ‘हा’ खेळाडू देतोय टक्कर, कोण मारणार बाजी?
The procession of the Twenty20 World Cup winning Indian cricket team was organized in Mumbai sport
दिग्विजयाचा आज मुंबईत जल्लोष; ट्वेन्टी२० विश्वचषक विजेत्या भारतीय क्रिकेट संघाच्या मिरवणुकीचे आयोजन
What is Rahul Dravid contribution to India Twenty20 World Cup title
खेळाडू म्हणून हुलकावणी, अखेर प्रशिक्षक म्हणून यश… भारतीय जगज्जेतेपदामध्ये राहुल द्रविड यांचे काय योगदान?
They have done a lot for Indian cricket Gautam Gambhir hails Rohit Sharma Virat Kohli after T20I retirement
“…टी-२० कारकीर्दीला पूर्णविराम देण्यापेक्षा आणखी चांगलं काय असू शकतं’; विराट-रोहितच्या निवृत्तीवर गौतम गंभीरचे मोठे वक्तव्य
India Women Cricket Team Scored Highest Ever Team Total In Womens Test
INDW vs SAW: भारताच्या लेकींचा विश्वविक्रम, ९० वर्षांच्या महिला कसोटी क्रिकेटच्या इतिहासात ही कामगिरी करणारा भारत पहिलाच संघ

आपल्या आवडत्या क्रिकेटपटूची भेट झाल्यावर अर्शीन कुलकर्णी याने कॅलिसला एक पत्र दिलं. या पत्रात त्याने कॅलिसबाबतच्या त्याच्या भावना व्यक्त केल्या आहेत. तसेच त्याने कॅलिसला नमस्कार करून त्याचे आशीर्वादही घेतले. कॅलिसनेही अर्शीनला मिठी मारून त्याच्या पुढील वाटचालीसाठी शुभेच्छा दिल्या. तसेच त्याच्या जर्सीवर ऑटोग्राफही (स्वाक्षरी) दिला.

अर्शीनने त्याच्या आवडत्या खेळाडूला लिहिलेल्या पत्रात म्हटलं आहे की, आजचा हा दिवस माझ्या आयुष्यातला सर्वोत्तम दिवस आहे. गेल्या १२ वर्षांपासून एक परिपूर्ण क्रिकेटपटू आणि एक आदर्श व्यक्ती म्हणून मी तुमच्याकडे पाहत आलो आहे. आज तो दिवस आला आहे ज्याची मी आतुरतेने वाट पाहत होतो. अखेर मी तुम्हाला भेटू शकलो. माझे आई-बाबा जेव्हा मला विचारायचे की, तुझं आवडतं ठिकाण कोणतं? तेव्हा मी दक्षिण आफ्रिका असं उत्तर द्यायचो. मी एक दिवस तुम्हाला भेटू शकेन या आशेवर असं उत्तर द्यायचो. अखेर आज तो दिवस आला. मी तुमचा खूप मोठा चाहता आहे आणि सर, तुम्ही नेहमीच माझे प्रेरणास्थान आहात.

हे ही वाचा >> Shikhar Dhawan: शिखर धवनने रोहित शर्माबाबत केले मोठे विधान; म्हणाला “त्याने माझं करिअर…”

१९ वर्षांखालील विश्वचषकासाठीचा भारतीय संघ

अर्शीन कुलकर्णी, आदर्श सिंग, रुद्र मयूर पटेल, सचिन धस, प्रियांशू मोलिया, मुशीर खान, उदय सहारन (कर्णधार), अरावेली अवनीश राव (यष्टीरक्षक), सौम्य कुमार पांडे (उपकर्णधार), मुरुगन अभिषेक, इनेश महाजन (यष्टीरक्षक), धनुष गौडा, आराध्य शुक्ला, राज लिंबानी, नमन तिवारी