अफगाणिस्तानतर्फे भारतात आयोजित टी२० मालिकेच्या पहिल्या सामन्यात भारतीय संघाने ७ विकेट्सनी विजय मिळवला. अफगाणिस्तानने दिलेलं १५७ धावांचं लक्ष्य अभिषेक शर्माच्या ४२ चेंडूत ८२ धावांच्या खेळीमुळे सुकर झालं. या विजयासह भारतीय संघाने तीन सामन्यांच्या मालिकेत १-० अशी आघाडी घेतली आहे.
IND VS AFG 1ST T20 LIVE UPDATES: भारत आणि अफगाणिस्तान यांच्यातील पहिल्या टी२० सामन्याचे लाईव्ह अपडेट्स
टीम इंडियाने जिंकला पहिला टी२० सामना
अभिषेक शर्माच्या वादळी खेळीच्या बळावर भारतीय संघाने अफगाणिस्तानविरुद्धच्या पहिल्या टी२० सामन्यात ७ विकेट्सनी विजय मिळवला.
इशान किशन आऊट
रशीद खानच्या अफलातून झेलमुळे इशान किशनला तंबूत परतावं लागलं. त्याने ४२ धावांची खेळी केली.
३२ चेंडूत ८२ धावांची खेळी करून अभिषेक शर्मा आऊट
अफगाणिस्तानच्या गोलंदाजांना निरुत्तर करून अभिषेक शर्मा तंबूत परतला. त्याने ३२ चेंडूत ८२ धावांची खेळी केली.
अभिषेक शर्माचं अर्धशतक; टीम इंडियाची शंभरी
अभिषेक शर्माने रशीद खानच्या गोलंदाजीवर एकेरी धाव घेत १२वं अर्धशतक पूर्ण केलं. अवघ्या २२ चेंडूत अभिषेकने अर्धशतक गाठलं.
पॉवरप्लेमध्ये ८२ धावा
अभिषेक शर्मा आणि इशान किशन यांनी अफगाणिस्तानच्या सगळ्याच गोलंदाजांची कत्तल करत पॉवरप्लेच्या ६ ओव्हर्समध्ये ८२ धावा चोपल्या.
फझलक फरुकीची धुलाई; २६ धावा वसूल
अभिषेक शर्मा आणि इशान किशन जोडीने फझलक फरुकीच्या एका ओव्हरमध्ये २६ धावा चोपून काढत लक्ष्याच्या दिशेने जोरदार आगेकूच केली आहे.
संजू सॅमसन तंबूत; अफगाणिस्तानची चांगली सुरुवात
वैभव सूर्यवंशीच्या जागी संघात समावेश झालेला संजू सॅमसन १० धावा करून तंबूत परतला.
ओमरझाईने केली शिवम दुबेची धुलाई; अफगाणिस्तान १५६
प्रमुख बॉलर्सच्या ओव्हर्स संपल्याने शेवटची ओव्हर कुणाला द्यावी असा पेच कर्णधार श्रेयस अय्यरसमोर होता. त्याने अख्ख्या डावात एकही ओव्हर न टाकलेल्या दुबेला ओव्हर दिली. खेळपट्टीवर अर्धशतकासह स्थिरावलेल्या ओमरझाईने २१ धावा चोपल्या. अफगाणिस्तानने २० ओव्हर्समध्ये १५६ धावांची मजल मारली. ओमरझाईने ४४ चेंडूत ६४ धावांची खेळी केली.
ओमरझाईने झळकावलं अर्धशतक
निम्मा संघ तंबूत परतलेला असताना अझमतुल्ला ओमरझाईने अत्यंत परिपक्व अशी अर्धशतकी खेळी साकारली.
रशीद खान तंबूत
अर्शदीप सिंगने अनुभवी रशीद खानला मोठी खेळी करण्यापासून रोखलं.
ओमरझाई-नबीने सावरला डाव
अनुभवी मोहम्मद नबी आणि अष्टपैलू ओमरझाई यांनी अफगाणिस्तानचा डाव सावरला आहे.
वरुण चक्रवर्तीनेही पटकावली विकेट
वरुण चक्रवर्तीच्या फिरकीचं कोडं रसूलीला उलगडलं नाही आणि तो त्रिफळाचीत झाला.
नितीश कुमार रेड्डीचा सुरेख कॅच, गुलबदीन तंबूत
अक्षर पटेलच्या बॉलिंगवर नितीश कुमार रेड्डीने धावत मागे जात सुरेख कॅच टिपला आणि गुलबदीन नईबला तंबूत परतावं लागलं.
अर्शदीपच्या बॉलिंगवर अटल आऊट
अर्शदीप सिंगच्या बॉलिंगवर जसप्रीत बुमराहकडे कॅच देत सेदिउल्ला अटल आऊट झाला.
इशान किशनचा अफलातून थ्रो आणि विकेट
चोरटी धाव घेण्याचा प्रयत्न अफगाणिस्तानसाठी अंगलट आला. इशान किशनच्या अफलातून थ्रोच्या बळावर अक्षर पटेलने इब्राहिम झाद्रानला रनआऊट केलं. त्याने ११ धावा केल्या.
बुमराहने पटकावली पहिली विकेट
दुखापतीतून पुनरागमन करणाऱ्या जसप्रीत बुमराहने पहिल्याच ओव्हरमध्ये रहमनुल्ला गुरबाझला बाद केलं. बुमराहचा उसळता चेंडू गुरबाझने तटवला पण तो स्लिपमध्ये अभिषेक शर्माच्या हातात जाऊन विसावला.
दोन्ही संघ असे आहेत
भारत- संजू सॅमसन (यष्टीरक्षक), अभिषेक शर्मा, श्रेयस अय्यर (कर्णधार), तिलक वर्मा (उपकर्णधार), शिवम दुबे, इशान किशन, नितीश कुमार रेड्डी, अक्षर पटेल, अर्शदीप सिंग, जसप्रीत बुमराह, वरुण चक्रवर्ती
अफगाणिस्तान- इब्राहिम झाद्रान (कर्णधार), रहमनुल्ला गुरबाझ (यष्टीरक्षक), सेदिउल्ला अटल, दार्विश रसूली, अझमतुल्ला ओमरझाई, गुलबदीन नईब, मोहम्मद नबी, रशीद खान, मुजीब उल रहमान, नूर अहमद, फझलक फरुकी
वैभव सूर्यवंशीच्या जागी संजू सॅमसन संघात
भारतीय संघाने १५वर्षीय वैभव सूर्यवंशीच्या जागी अनुभवी संजू सॅमसनचा संघात समावेश केला आहे.
भारताने टॉस जिंकला, बॉलिंगचा निर्णय
भारतीय संघाचा कर्णधार श्रेयस अय्यरने टॉस जिंकून बॉलिंगचा निर्णय घेतला आहे.
India vs Afghanistan t20 series: भारत आणि अफगाणिस्तान यांच्यातील तीन सामन्यांच्या टी२० मालिकेला आजपासून सुरुवात होत आहे. दिल्लीतल्या अरुण जेटली आंतरराष्ट्रीय स्टेडिय इथे हा सामना होत आहे.
