IND vs AFG 2nd T20I: संजूची वादळी फटकेबाजी! भारताचा अफगाणिस्तानवर सलग दुसरा विजय; मालिका खिशात

भारतीय संघाला हा सामना जिंकण्यासाठी आता केवळ ८ धावांची गरज आहे.

भारतीय संघाला एकाच षटकात २ मोठे धक्के बसले आहेत. अभिषेक शर्मा पाठोपाठ संजू सॅमसन ५७ धावांवर माघारी परतला आहे.

भारतीय फलंदाजांनी पावरप्लेमध्येच वादळी सुरूवात केली आहे. संजू आणि अभिषेकने मिळून पावरप्लेमध्ये ८२ धावा जोडल्या आहेत.

अफगाणिस्तानने दमदार सुरूवात केली होती. त्यानंतर मधल्या षटकांमध्ये विकेट्स गेल्याने धावांची गती कमी झाली होती. शेवटी मोहम्मद नबी आणि राशिद खानने मोठे फटके खेळून संघाची १५० धावांवर पोहोचवली. पण आता दोघेही बाद होऊन माघारी परतले आहेत.

अफगाणिस्तानला चांगली सुरूवात मिळाली होती. पण एकापाठोपाठ एक विकेट्स गेल्याने अफगाणिस्तानचा संघ बॅकफुटवर आहे. डार्विश २६ धावा करून माघारी परतला आहे.

नितीश रेड्डीने अफगाणिस्तानला चौथा धक्का दिला आहे. संजू सॅमसनने घेतलेल्या झेलमुळे गुलबदीन नदीम अवघ्या १० धावा करून माघारी परतला आहे.

अफगाणिस्तानला नवव्या षटकात दुसरा मोठा धक्का बसला आहे. इब्राहिम जादरान ३७ धावांवर माघारी परतला आहे.

अफगाणिस्तानला दुसऱ्याच षटकात अर्शदीप सिंगने मोठा धक्का दिला आहे. रहमानुल्लाह गुरबाज शून्यावर माघारी परतला आहे.

या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यातही वैभव सूर्यवंशीला प्लेईंग ११ मध्ये स्थान देण्यात आलेलं नाही.