IND vs AFG: टीम इंडियाला मोठा धक्का! मोहम्मद सिराज दुखापतीमुळे बाहेर होणार? आकिब नबी नव्हे, ‘या’ खेळाडूला संधी मिळणार

अफगाणिस्तानविरूद्ध होणाऱ्या कसोटीसाठी मोहम्मद सिराज आणि प्रसिध कृष्णा या वेगवान गोलंदाजांना संधी देण्यात आली आहे. तर अनुभवी गोलंदाज जसप्रीत बुमराहला विश्रांती देण्यात आली आहे. मंगळवारी, बीसीसीआयकडून मोठी घोषणा करण्यात आली. वेगवान गोलंदाज आकिब नबीचा भारतीय संघात राखीव खेळाडू म्हणून समावेश करण्यात आला. पण अधिकृतरित्या त्याचा भारतीय संघात समावेश करण्यात आलेला नाही. टाईम्स ऑफ इंडियाने दिलेल्या वृत्तानुसार, सिराज चंदीगडमध्ये दाखल झाला आहे. पण मेडिकल टीम त्याच्या दुखापतीवर लक्ष देऊन आहे.

मोहम्मद सिराज गेले २ महिने गुजरात टायटन्सकडून आयपीएल खेळण्यात व्यस्त होता. ३१ मे ला तो अंतिम सामना खेळण्यासाठी मैदानात उतरला होता. त्यामुळे त्याला दुखापतीतून सावरण्यासाठी पुरेसा वेळ मिळालेला नाही. त्यामुळे अफगाणिस्तानविरूद्धच्या सामन्यात सिराजला विश्रांती देण्याची चर्चा आहे. पण या मालिकेसाठी कुठल्याही अनुभवी गोलंदाजाला संधी देण्यात आलेली नाही. त्यामुळे सिराज संघात असणं खूप गरजेचं आहे.

या सामन्यासाठी मोहम्मद सिराज आणि प्रसिध कृष्णासह तिसरा वेगवान गोलंदाज म्हणून गुरनूर ब्रारचा समावेश करण्यात आला आहे. त्यामुळे सिराज बाहेर झाल्यास बॅकअप गोलंदाज म्हणून गुरनूर ब्रारचा समावेश केला शकतो. गुरनूर ब्रारला पदार्पणाची संधी दिली जाऊ शकते. आकिब नबीचा पहिल्या कसोटीसाठी बोलवलं तर आहे, पण त्याचा मुख्य संघात समावेश करण्यात आलेला नाही. सिराज बाहेर झाल्यास गुरनूर ब्रारला संधी मिळणार की आकिब नबीला संधी मिळणार? हे पाहणं महत्वाचं ठरणार आहे.

अफगाणिस्तानविरूद्ध होणाऱ्या कसोटी मालिकेसाठी असा आहे भारतीय संघ:

शुबमन गिल (कर्णधार), यशस्वी जैस्वाल, केएल राहुल (उपकर्णधार) साई सुदर्शन, ऋषभ पंत, देवदत्त पडिक्कल, नितीश कुमार रेड्डी, वॉशिंग्टन सुंदर, कुलदीप यादव, मोहम्मद सिराज, प्रसिध कृष्णा, मानव सुथार, गुरनूर ब्रार, हर्ष दुबे, ध्रुव जुरेल.