India vs England ODI Update, 17th July : भारत आणि इंग्लंडदरम्यान सुरू असलेली तीन सामन्यांची एकदिवसीय मालिकेवर भारताने कब्जा केला आहे. निर्णायक तिसऱ्या सामन्यात भारताने यजमान इंग्लंडचा पाच गडी राखून पराभव केला. मँचेस्टरमधील ओल्ड ट्रॅफर्ड क्रिकेट स्टेडियमवर झालेला हा सामना जिंकून भारताने २-१ अशी मालिका जिंकली आहे. ऋषभ पंतचे शानदार शतक आणि हार्दिक पंड्याच्या अष्टपैलू कामगिरीच्या बळावर भारताला विजय मिळवणे शक्य झाले. नाणेफेक जिंकून भारताने प्रथम गोलंदाजी करण्याचा निर्णय घेतला होता. प्रथम फलंदाजीसाठी आलेल्या इंग्लंडने भारतासमोर विजयासाठी २६० धावांचे आव्हान ठेवले होते.
IND VS ENG 3rd ODI Live : भारत आणि इंग्लंड यांच्यातील तिसऱ्या एकदिवसीय सामन्याचे सर्व लाइव्ह अपडेट्स
ऋषभ पंतने धमाकेदार शतक झळकावले आहे. त्याने १०६ चेंडूंमध्ये १०० धावा पूर्ण केल्या. हे त्याच्या एकदिवसीय कारकिर्दीतील पहिले शतक ठरले
हार्दिक पंड्याच्या रुपात भारताचा पाचवा गडी बाद झाला आहे. ब्रायडन कार्सच्या चेंडूवर बेन स्टोक्सने त्याचा झेल टिपला. पंड्याने ५५ चेंडूंत ७१ धावांची खेळी केली.
ऋषभ पंत आणि हार्दिक पंड्याने भारतीय डावाला आकार दिला आहे. दोघांच्या अर्धशतकांच्या बळावर ३५षटकांमध्ये भारताच्या चार बाद १९७ धावा झाल्या आहेत.
संकटात सापडलेल्या भारतीय संघाला हार्दिक पंड्या (६१) आणि ऋषभ पंतने (५७) आधार दिला आहे. दोघांनी १०१ चेंडूमध्ये शतकी भागीदारी करून भारतीय डावाला आकार दिला आहे.
ऋषभचे पंतने ७१ चेंडूमध्ये आपले अर्धशतक पूर्ण केले आहे. भारताला १९ षटकांमध्ये विजयासाठी १०१ धावांची आवश्यकत आहे.
हार्दिक पंड्याने संयमी खेळ करत अर्धशतक पूर्ण केले आहे. त्याने ४३ चेंडूंमध्ये अर्धशतक केले.
पंत आणि पंड्याने संकटाच्या स्थितीमध्ये भारताचा डाव सावरला आहे. दोघांनी अर्धशतकीय भागीदारी केली आहे.
२१व्या षटकात भारताचा धावफलक शंभरी पार गेला आहे. भारताला विजयासाठी आणखी १६० धावांची आवश्यकता आहे.
२० षटकांमध्ये भारताच्या चार बाद ९५ धावा झाल्या आहेत. ऋषभ पंत (२६) आणि हार्दिक पंड्या (१५) डाव सावरण्याचा प्रयत्न करत आहेत.
भारतीय फलंदाजी ढेपाळली आहे. सूर्यकुमार यादवच्या रुपात भारताला चौथा धक्का बसला. त्याने २८ चेंडूत १६ धावा केल्या. भारताची अवस्था चार बाद ७२ अशी झाली आहे.
भारताला १३ षटकांमध्ये ५६ धावा करणे शक्य झाले आहे. सूर्यकुमार यादव आणि ऋषभ पंत डाव सावरण्याचा प्रयत्न करत आहेत.
विराट कोहली पुन्हा एकदा मोठी खेळी करण्यात अपयशी ठरला आहे. रॉस टॉपलीने त्याला १७ धावांवर बाद केले. भारताची अवस्था तीन बाद ३८ अशी झाली आहे.
भारताचा कर्णधार कर्णधार रोहित शर्मा स्वस्तात बाद झाला आहे. रीस टॉपलीच्या गोलंदाजीवर तो झेलबाद झाला. रोहितने १७ धावा केल्या. भारताची अवस्था दोन बाद २१ धावा ,अशी झाली आहे.
भारताच्या डावाची सुरुवात फारशी चांगली झाली नाही. भारताचा सलामीवीर शिखर धवन स्वस्तात बाद झाला. पहिल्या चार षटकांमध्ये भारताच्या एक बाद १६ धावा झाल्या आहेत.
भारताचा सलामीवीर शिखर धवन अवघी एक धाव करून माघारी परतला आहे. रीस टॉपलीच्या चेंडूवर जेसन रॉयने त्याचा झेल घेतला. भारताची अवस्था एक बाद १३ अशी आहे.
इंग्लंडने विजयासाठी दिलेले २६० धावांचे आव्हान पार करण्यासाठी भारतीय फलंदाज मैदानात उतरले आहेत. रोहित शर्मा आणि शिखर धवन यांनी डावाची सुरुवात केली.
प्रथम फलंदाजी करणाऱ्या इंग्लंडचा डाव ४५.५ षटकांमध्येच आटोपला. भारताला विजयासाठी २६० धावांचे आव्हान मिळाले आहे.
क्रेग ओव्हरटनच्या रुपात इंग्लंडचा नववा फलंदाज माघारी परतला आहे. युझवेंद्र चहलने त्याला बाद केले. इंग्लंडच्या नऊ बाद १५९ धावा झाल्या आहेत.
डेव्हिड विलीच्या रुपात इंग्लंडचा आठवा गडी बाद झाला आहे. युझवेंद्र चहलने सूर्यकुमार यादवकरवी विलीला बाद केले.
४० षटकांमध्ये इंग्लंडच्या सात बाद २१४ धावा झाल्या आहेत. भारताच्या हार्दिक पंड्याने चार बळी घेतले आहेत.
३८ व्या षटकामध्ये इंग्लंडच्या २०० धावा पूर्ण झाल्या आहेत. क्रेग ओव्हरटन आणि डेव्हिड विली मैदानावरती उपस्थित आहेत.
इंग्लंडचा कर्णधार जोस बटलर ६६ धावा करून बाद झाला आहे. हार्दिक पंड्याच्या गोलंदाजीवर जडेजाने शानदार टिपला.
लियाम लिव्हिंगस्टोनच्या रुपात इंग्लंडचा सहावा गडी बाद झाला आहे. रवींद्र जडेजाने सीमारेषेवर त्याचा शानदार झेल टीपला. इंग्लंडच्या सहा बाद १९९ धावा झाल्या आहेत.
इंग्लंडचा कर्णधार जोस बटलरने डाव सावरण्यासाठी जोरदार प्रयत्न केले आहेत. या दरम्यान त्याने आपले अर्धशतक पूर्ण केले.
३० षटकांमध्ये इंग्लंडच्या चार बाद १६२ धावा झाल्या आहेत. जोस बटलर ४४ तर लियाम लिव्हिंगस्टोन ८ धावांवर खेळत आहेत.
खेळपट्टीवर जम बसवलेला मोईन अली रवींद्र जडेजाच्या चेंडूवर बाद झाला. इंग्लंडच्या पाच बाद १४९ धावा झाल्या आहेत.
२५ षटकांमध्ये इंग्लंडच्या चार बाद १३१ धावा झाल्या आहेत. जोस बटलर ३२ तर मोईन अली २४ धावांवर खेळत आहेत.
२२ व्या षटकामध्ये इंग्लंडचा धावफलक शंभरीपार गेला आहे. कर्णधार जोस बटलर आणि मोईन अलीने आपला जम बसवला आहे.
सुरुवातीचे चार गडी लवकर गमावल्यामुळे इंग्लंडने आता सावध पवित्रा घेतला आहे. कर्णधार जोस बटलर आणि मोईन अली इंग्लंडचा डाव सावरण्याचा प्रयत्न करत आहेत. २० षटकांमध्ये इंग्लंडच्या चार बाद ९१ धावा झाल्या आहेत.
१५ षटकांमध्ये इंग्लंडच्या चार बाद ८० धावा झाल्या आहेत. पंधराव्या षटकामध्ये जोस बटलरला जीवदान मिळाले.
