IND vs NZ Highlights: न्यूझीलंड ऑल आऊट! टीम इंडियाचा किवींवर दमदार विजय; ४-१च्या फरकाने मालिका केली नावे

अक्षर पटेलने लॉकी फर्ग्युसनला क्लीन बोल्ड करत सामन्यातील तिसरी विकेट मिळवली.

बुमराह १४वं षटक टाकण्यासाठी आला होता. त्याच्या षटकात डॅरिल मिचेलने २ षटकार व १ चौकार लगावला. तर जेकब्सनेही एक चौकार लगावला. यासह बुमराहने या षटकात २२ धावा दिल्या. बुमराहच्या टी-२० कारकिर्दीतील हे महागडं षटक आहे.

अर्शदीप सिंगची आधीच्या षटकांमध्ये धुलाई झाल्यानंतर त्याने स्पेलमधील तिसऱ्या षटकात शानदार पुनरागमन केलं. १२व्या षटकात त्याने पहिल्या चेंडूवर रचिन रवींद्रला झेलबाद करत माघारी धाडलं. तर तिसऱ्या चेंडूवर त्याने सँटनरला झेलबाद करत संघाला अजून एक मोठी विकेट मिळवून दिली. यासह १२ षटकांत न्यूझीलंडने ५ बाद १३८ धावा केल्या आहेत.

फिन एलनने अर्शदीपच्या षटकात २३ धावा कुटल्या आणि वादळी फटकेबाजीचा नमुना सादर केला. एलनच्या फटकेबाजीच्या बळावर न्यूझीलंडने ५ षटकांत २ बाद ६६ धावा केल्या आहेत.

भारतीय संघाने वादळी फटकेबाजीच्या जोरावर २० षटकांत ५ बाद २७१ धावा केल्या आहेत. भारताकडून इशान किशन, सूर्यकुमार यादव, हार्दिक पंड्या यांनी वादळी फटकेबाजी केली. इशानने १०३ धावा, सूर्यकुमार ६३ धावा तर हार्दिकने १७ चेंडूत ४२ धावांची खेळी केली. यासह न्यूझीलंडने भारताला विजयासाठी २० षटकांत विजयासाठी २७२ धावांचं आव्हान दिलं आहे.

इशान किशनने शानदार फटकेबाजी करत अवघ्या 42 चेंडूत शतक झळकावलं आहे. इशानचं हे टी-20 मधील पहिलं शतक आहे. पण पुढच्या षटकात तो मोठा फटका खेळण्याच्या प्रयत्नात झेलबाद झाला.

सूर्यादादा मिचेल सँटनरच्या १५व्या षटकात मोठा फटका खेळण्यासाठी स्टेप आऊट करत पुढे गेला, पण स्टंपिंग होत माघारी परतला. यासह ईशान-सूर्याची १३७ धावांची भागीदारी तुटली. सूर्यकुमार ३० चेंडूत ४ चौकार व ६ षटकारांसह ६३ धावा करत बाद झाला.

ईशान किशनने २ षटकार व ४ चौकारांसह ईश सोधीच्या षटकात त्याची धुलाई केली. पहिला चेंडू वाईड टाकल्यानंतर सोधीच्या सलग तीन चेंडूंवर त्याने चौकार लगावला. चौथ्या, सहाव्या चेंडूवर षटकार तर पाचव्या चेंडूवरही चौकार लगावला. यासह त्याने २९ धावा कुटल्या. यासह सूर्या व ईशानने शतकी भागीदारी रचली आहे.

भारताने १० षटकांत १०० धावांचा आकडा गाठला आहे. यासह सूर्या व इशान यांनी चौकार-षटकारांच्या मदतीने अर्धशतकी भागीदारी रचली आहे.

लॉकी फर्ग्युसनने त्याच्या स्पेलमधील दुसऱ्या षटकात अभिषेक शर्माच्या रूपात संघाला मोठी विकेट मिळवून दिली आहे. फर्ग्युसनने पाचव्या षटकातील अखेरच्या चेंडूवर कमालीच्या चेंडूवर अभिषेकला क्लीन बोल्ड केलं आहे. अभिषेक १६ चेंडूत ४ चौकार व २ षटकारांसह ३० धावा करत बाद झाला.

पहिल्या षटकातील सुरूवातीचे दोन्ही बॉल निर्धाव राहिले. यानंतर तिसऱ्या चेंडूवर त्याने दणदणीत षटकार लगावला. तर अखेरच्या दोन्ही चेंडूवर चौकार लगावत १४ धावा कुटल्या. तर दुसऱ्या षटकात चौकार लगावत संजू सॅमसनने खातं उघडलं.

टिम सेफर्ट (यष्टीरक्षक), फिन ऍलन, रचिन रवींद्र, ग्लेन फिलिप्स, डॅरिल मिचेल, बेव्हॉन जेकब्स, मिचेल सँटनर (कर्णधार), काइल जेमिसन, ईश सोधी, लॉकी फर्ग्युसन, जेकब डफी

भारत आणि न्यूझीलंड अखेरच्या टी-20 सामन्याची नाणेफेक भारताने जिंकली असून प्रथम फलंदाजीचा निर्णय़ घेतला आहे. भारताच्या प्लेईंग इलेव्हनमध्ये ३ बदल झाले असून इशान किशन, अक्षर पटेल खेळणार आहेत. तर न्यूझीलंडच्या संघात कॉन्वेच्या जागी फिन एलन, फर्ग्युसन, जिमी नीशम खेळताना दिसतील.