India Won T20 WC by 96 Runs: टीम इंडिया वर्ल्ड चॅम्पियन! ट्रॉफीबरोबर संघाचं शानदार सेलिब्रेशन

https://twitter.com/PTI_News/status/2030698238077223226

https://twitter.com/AmitShah/status/2030693684979904831

अभिषेक शर्माने १९व्या षटकातील अखेरच्या चेंडूवर संघाला १०वी विकेट मिळवून दिली आणि यासह भारताने ९६ धावांनी ऐतिहासिक विजय मिळवला आणि टी-२० विश्वचषक आपल्या नावे केला आहे. यासह घरच्या मैदानावर टी-२० विश्वचषक जिंकणारा भारत पहिला संघ ठरला आहे.

जसप्रीत बुमराहने १८व्या षटकात मिचेल सँटनरला क्लीन बोल्ड करत संघाला नववी विकेट मिळवून दिली. यासह आता भारत ऐतिहासिक विजयापासून काही क्षण दूर आहे.

Ishan Kishan Catch: इशान किशनने जसप्रीत बुमराहच्या गोलंदाजीवर कमालीचा झेल टिपत सर्वांनाच आश्चर्यचकित केलं आहे. त्याच्या झेलचा व्हीडिओ सध्या व्हायरल होत आहे. ...अधिक वाचा

वरूण चक्रवर्तीच्या स्पेलमधील पहिल्या षटकात दोन षटकार लगावले. पण वरूणने स्पेलमधील दुसऱ्या षटकात त्याने टीम सेफर्टला झेलबाद करत संघाला मोठी विकेट मिळवून दिली. यासह न्यूझीलंडचा निम्मा संघ तंबूत परतला आहे.

टीम सेफर्टने अंतिम सामन्यात २३ चेंडूत २ चौकार व ५ षटकारांसह अर्धशतक झळकावलं आहे. यासह ७ षटकांत न्यूझीलंड संघाने ३ बाद ६८ धावा केल्या.

पाचव्या षटकात अक्षर पटेलने ग्लेन फिलिप्सला क्लीन बोल्ड करत संघाला मोठी विकेट मिळवून दिली आहे. यासह न्यूझीलंड संघाने ४७ धावांत ३ विकेट्स गमावल्या आहेत.

अक्षर पटेलला फिन एलनसमोर तिसरं षटक टाकण्यासाठी पाचारण केलं आणि अक्षरने संघाला ब्रेकथ्रू मिळवून दिला. अक्षरच्या चेंडूवर फिन मोठा फटका खेळायला आणि फसला, तिलकने सोपा झेल टिपत संघाला पहिला विकेट मिळवून दिली. सेमीफायनलमध्ये शतक करणारा एलन ९ धावा करत माघारी परतला.

अर्शदीपच्या पहिल्या षटकात फिन एलनने मोठा फटका खेळला आणि चेंडू हवेत उंच उडाला. पण चेंडू खूप वर गेल्याने शिवम दुबे चेंडू नीट टाईम करू शकला नाही आणि झेल सुटला. हा संघासाठी मोठा धक्का असू शकतो. यासह पहिल्या षटकात न्यूझीलंडने ४ धावा केल्या.

न्यूझीलंड संघाला सामन्यात परत आणलेल्या जिमी नीशमच्या गोलंदाजीवर शिवम दुबेने चौकार-षटकारांचा पाऊस पाडला. शिवम दुबेने या षटकात २ षटकार व ३ चौकार लगावत २४ धावा कुटल्या आणि टीम इंडियाने २५० धावांचा टप्पा पार केला. भारताने अंतिम सामन्यात फलंदाजी करताना २० षटकांत ५ बाद २५५ धावा केल्या आहेत. यासह टीम इंडियाने टी-२० विश्वचषकाच्या फायनलमधील सर्वात मोठी धावसंख्या उभारली आहे. तर पहिल्यांदाच विश्वचषकात सुरूवातीच्या तिन्ही फलंदाजांनी अर्धशतकी खेळी केल्या. यासह टीम इंडियाने न्यूझीलंड संघाला जेतेपद पटकावण्यासाठी तब्बल २५६ धावांचं आव्हान दिलं आहे.

१५व्या षटकानंतर पुढच्या दोन षटकांमध्ये संघाने फक्त ९ धावा केल्या आहेत. त्यामुळे भारताच्या धावांन ब्रेक लागला आहे. सलग तीन विकेट्स गेल्याने संघाच्या धावांची गती कमी झाली. जिमी नीशमने कमालीची फलंदाजी केली आहे. यासह १६व्या षटकात १ धाव, १७व्या षटकात ७ धावा आणि १८व्या षटकात ९ धावा केल्या आहेत. यासह संघाने १८ षटकांत ४ बाद २२० धावा केल्या आहेत.

संजू सॅमसनचं सलग तिसऱ्यांदा टी-२० विश्वचषकातील अर्धशतक हुकलं आहे. संजू १६व्या षटकात जिमी नीशमच्या गोलंदाजीवर मोठा फटका खेळण्याच्या प्रयत्नात सीमारेषेजवळ झेलबाद झाला. संजू ४६ चेंडूत ५ चौकार ८ षटकारांसह ८९ धावा करत बाद झाला.

भारतीय संघाने उत्कृष्ट फलंदाजी करत टी-२० विश्वचषक २०२६ मध्ये १५ षटकांत २०० अधिक धावा केल्या आहेत. इशानने षटकातील अखेरच्या चेंडूवर चौकार लगावत २०३ धावा केल्या. इशान ५४ धावा तर संजू ८९ धावांवर खेळत आहे.

संजू सॅमसनने ३३ चेंडूत ३ षटकार ४ चौकारांसह आपलं अर्धशतक पूर्ण केलं. हे संजू सॅमसनचं सलग तिसरं अर्धशतक आहे. यासह भारताने ११ षटकांत १ बाद १३७ धावा केल्या आहेत.