IND vs PAK Asian Games 2026 Final: गोल्डवर भारताचंच नाव! पाकिस्तानला हरवत सलग दुसऱ्यांदा क्रिकेटमध्ये सुवर्णपदक

पाकिस्तानचा निम्मा संघ तंबूत परतला असून, भारतीय संघ विजयाच्या अगदी जवळ पोहोचला आहे.

२१२ धावांचा पाठलाग करण्यासाठी आलेल्या पाकिस्तानला देखील विजयाची संधी आहे. ४० चेंडूत ९४ धावा करायच्या आहेत.

या डावातील १० षटकांचा खेळ पूर्ण झाला असून पाकिस्तानने ३ गडी बाद ७६ धावा केल्या आहेत.

पाकिस्तानला दुसरा धक्का बसला आहे. उस्मान खान अवघ्या १० धावांवर माघारी परतला आहे.

या डावात अभिषेक शर्माने दमदार अर्धशतकी खेळी केली. तर तिलक वर्माने शेवटी फलंदाजी करताना नाबाद अर्धशतकी खेळी केली. या खेळीच्या बळावर भारतीय संघाने २० षटकांअखेर २११ धावा केल्या आहेत. पाकिस्तानला जिंकण्यासाठी २१२ धावांचं आव्हान दिलं आहे.

भारतीय संघाला पाचवा धक्का बसला आहे. कर्णधार श्रेयस अय्यर २१ धावा करून माघारी परतला आहे.

भारतीय संघाला चांगली सुरूवात मिळाली होती. पण अभिषेक शर्मा बाद झाल्याने धावसंख्या मंदावली. त्यानंतर इशान किशन आणि श्रेयस अय्यरने मिळून संघाची धावसंख्या १२८ वर पोहोचवली आहे.

फायनलमध्ये अभिषेक शर्माच्या फलंदाजीचा बोलबाला पाहायला मिळाला आहे. त्याने अवघ्या २० चेंडूंमध्ये आपलं अर्धशतक पूर्ण केलं आहे.

अभिषेक शर्माने भारतीय संघाला दमदार सुरूवात करून दिली आहे. भारतीय संघाने ३.२ षटकात ५० धावांचा पल्ला गाठला आहे.

भारत आणि पाकिस्तान यांच्यातील हाय व्हॉल्टेज सामन्याला सुरूवात झाली आहे. वैभव सूर्यवंशी आणि अभिषेक शर्माची जोडी डावाची सुरूवात करण्यासाठी मैदानात उतरली आहे.